وزارة العمل توافق مبدئيا على تأسيس 7 شركات للاستقدام
 

أحمد الشريف

ممكن توضح اذا انت فاهم الموضوع
انا عارف ان الموضوع هذا بيكون يقضي على مكاتب الاستقدام ويصير الواحد الزامي لزم يجيب من عندهم لا بقى يعني عندك شركه مثلاً وتبي عماله تعطيهم المواصفات وتدفع وهم يوفرونها لك يعني لو فيه احد ببالك تبي تجيبها ما تقدر يعطونك ناس ما تعرفهم هذا للي فهمته

وفيه ناس قالو لا مكاتب الاستقدام اللي تشوفها بتصير فروع لشركات هذي يعني بيكون فيه نظام اقوى على المكاتب العامه اللي على الشوارع لانها بتكون تحت اداره الشركات هذي

او التوقع الثالث ان كل المكاتب الاستقدام خلاص توقف ويكون بس فيها مثل ما ذكرت بالاعلان اللي هي عشر شركات كبرا تستقدم عن طريقهم بعد ما تطلع التاشيرة يعني يحقلك اما تستقدم بنفسك او تقدم عن طريق الشركات المذكوره

يعني يكونون بدل مكاتب الاستقدام اللي على الشوارع ونظام مثل ما هو تستقدم عن طريقهم ولا بنفسك انت حر


لان الصراحه انا اشوف لو اجباري عن طريقهم راح يعطلون اشياء كثيره

انا عندي موسسه مثلا وابي اجيب ناس معينين اعرفهم مثلا شراكه معاهم او مثلاً اتفاق معين او شغل معين
اقدر اجيبه وانا متفق معاه بس اذا صار اجباري تستقدم عن طريق المكاتب خلاص تجيب عماله انت وحظك


وحسب ما سمعت انك مثلا تقدم اوراقك عليهم ويكون اصلا مجهزين العماله عندهم على طول يطلعونهم لك ويصير ما فيه شي اسمه كفيل يكونون موظفين مثل السعودي يعني يشتغل بدون كفيل بس مسجل بمنشأه ومتى ما بغى يغير والا يعترض عادي محد يكلمه



اتمنا توضحلي اخوي اذا كنت فاهم الخبر ووش اهداف الشركات اللي دايم تكون مخفيه