احنا صح من ناحية الشريعه الاسلاميه ومهذا هو المطلوووب
ودووول العالم شفتهم بعيني وربي قمة الاستحقار للمراء اللي تقود السياره

الشريعه الاسلاميه اكيد هي الاساس ومانتكلم عنها .. قيادة المراه للسياره لا تمس الشريعه الاسلاميه .. وكل مراه مسئوله امام ربها عن شريعتها ودينها ... ولكن هل فى الشريعه الاسلاميه ان المراه تختلي مع رجل اجنبي ؟؟ ويكون معها طول اليوم ....!!!

وشلون قيادة المراءه لا تمس الشريعه تتكلمي جد انتي
يعني انتي الحين ما تركبي مع سائق لوحدك مستحيل
لا يجوز الاختلاء ولكن نكرر السائق شر لا بد منه

قوانين وطني اجبرتني على الخلوه وهي محرمه فى الشريعه الاسلاميه ....!! ومنعت قيادة المراه لانه فى اعتقادهم انها ستجلب لهم المشاكل ...!! واكرر فى اعتقادهم ....!!!

كلام قووووووووووي

هل انتي تعارضين ال,,, بن باز وبن عثيمين رحمهم الله في موضوع قيادة المرأة مااعجبك الوضع تسهلي

طيب انتي استغني عن الشغالة واشتغلي بنفسك ونخليك تسوقين بنفسك .

اسال الله ربي لكل من تريد او تنادي بقيادة المرأة ان يجعلها ربي من ضحايا القيادة

يعني مش شايفين حوادث الشباب والزحمة كفاية إدعاءات وخوف من السواقين كل عمرنا ماشفنا الا العفية

الا ليش مااشوفك تكلمتي عن خطر الخادمات وانو نعمل شغلنا بانفسنا

جبتيها على الجرح
وذكرتيني بأيام اول اذا بغيت اطلع اشغل سيارتي واروح والحين الحاجه خلتنا نحتاج سواق مايسوى والي يقهر كل ما اقول له شغل السياره بطلع يرد بدون نفس ويقول الحين واحيان يستهبل ويقول مشغول طبعا من يقول مشغول ودي اذبحه وش شغله ناسي الاخ انه سواق وجاي علشان يوديني وياليت مشاويري كثيره والي يقهر احيان اول ما اركب معه يسرع بي ولو تكلمت عليه وقلت له السرعه بها الشارع كذا مايخلي مطب الا يمشي بسرعه علشان يطيرني والي يقهرني سيارتي جديده وجالس يتعلم عليها

وكله كوم اخر سواق لي جلس شهرين من شهر 8 الى نهايه رمضان ما اشتغل ابد ابد لأني سافرت ورجعت برمضان وبرمضان ما طلعت من البيت ولو طلعت زوجي يطلعني فماخليته يشتغل الا في يوم 29 رمضان وطبعا واحد من الجيران الله لايوفقه مطمعه وقايل له بيزيد راتبه ل 2000 وانه بيعطيه كل عيد عيديه 3000 ريال طبعا من يوم 29 واهو يحاول يتهاوش معي وانا مالي خلقه وحاقرته
اخرتها ثاني العيد الساعه 3 بالليل عند باب بيتي نزل من السياره ويهاوشني ويقول انتي باليوم مالك الا مشوار واحد بس وانا ماني مستعد اوديك مشاوير كل يوم واي مشوار بترجعين متأخر خلي احد يرجعك غيري والله شوي ويضربني كان يهاوش بأعلى صوته وكان يتوقع اني بخاف وبسكت له لان بالشارع والوقت متأخر ومافيه اي سياره عند باب البيت ضامن مافيه رجال شوي الا اشووف بنتي وراي تبكي وخايفه وتقول لي دخلي البيت لا يقتلك انا وقفت ساكته اشوف اخرتها معه والحقير مكمل هواش علي وعيونها حمراء
لكن انصدم اول ماشافني ارد عليه وشوي واضربه والله كنت ماسكه عمري لا اضربه
شافني ركبت السياره وطفيتها و نزلت له وسحبت منه الرخصه والاقامه وقلت له ماتبي تشتغل سافر قال لا ابي اشتغل بس عند ناس ثانين والرخصه لازم ترجعينها لي سكتت وحقرته ودخلت البيت وقفلت الباب لأن خفت يدخل البيت معنا الا يتصل على زوجي يبكي يقول مدام ابغى سفر انا وانها اخذت مني الرخصه والاقامه الغبي يتوقع ان زوجي بيصدقه وانا بكون كذابه انا طبعا اول مارجع زوجي قلت له وده عند المتخلفين قال لا خلاص بسفره وسفرناه الله ياخذه والحين نستنى سواق جديد والله يستر لايكون مثل الاول
من بعدها كل يوم اقول ياليت يسمحون لنا نسوق لان هالسواقين مالهم امان ابد ابد ابد لان ماتوقعت ولا واحد بالميه يتهجم علي السواق وانا ماسويت له اي شي تمنيت اني مهاوشته او قايله له شي بس كان يدور اي زله علي علشان يضرب عن العمل وانقل اقامته لجاري
ماقول الا متى يجي اليوم ويخلونا نسوووووووووووووووووق ونرتاح من هالسواقين الي كانو متشردين ببلدهم وممكن راعين سوابق ومجرمين واحنا هنا عزيناهم ونعماملهم معامله حتى اهلهم ما عاملوهم زينا

مع اني مو من المؤيدين للسواقة

لكن اقول بالرياض صارت ضرورية

كل مشوار يبي له ساعة

ليت يسوون شركة نقل خاصة بكل حي مثل الحضانات للاطفال

وبالنسبة للقوانين الصارمة ما ضبطت الا بساهر ولا الباقي ما حولك احد

وش دخل الزحام بالرياااض بالسواقه للحريم

المشوار حق الساعه فيك فيك سواء سقتس او مع سواقك الخاص او قريبك؟

بدا مشروع التغريب وخصوصا من الي جايين من برا !! الاولين عاشو بدون ماصار شئ !!!!نافصين زحمه اذا كان ولا بد
شركه وتوظف اجنبيات سيرلانكيات اوهنديات سواقات ويصير زي التكسي اما سعوديات لا والاف لا حنا ماخلصنا من فرفرتهن
بالاسواق مع السواقين وجهة نظر وجهة نظر