((تجارب من واقع الاستقدام))

اخواني واخواتي اعضاء منتدى العماله المنزليه .. .. .. .. .. لنكن واقعيين!!

السلام عليكم ورحمة الله وبركاته

كثيراً ماالاحظه من سب وشتم ودعاء على اصحاب مكاتب الاستقدام او الشخص الذي يقوم بالاستقدام لحسابه الخاص
ومن هذه النقطه حبيت اوضح لكم شغله يمكن البعض مايعرفها عن شغلة الاستقدام ومتاعبها
واتمنى ان تتقبلو كلامي بكل صدر رحب ولتعلمو ان هذا الكلام ليس دفاعاً عن احد او مبرر لشخص معين او لنفسي.

(الاستقدام فيه خير ولكن مشاكله وتعب النفسيه أكثر )

_انا لي تقريباً سنه ونص وانا اشتغل في مهنة الاستقدام وكنت اتعامل مع مكاتب ارسل لها التأشيرات عبر الايميل
واقوم بمحاسبتها بعد مايفيز الخادمه بأسم صاحب العمل وبعد مايرسل لي صورة الفيزه.
ففي الاشهر الاولى كانت الامور ماشيه معي تمام وكان ادنى حد لوصول الخادمه
اسبوعين واقصى حد (35)يوم وكانت هذه الفتره في بداية السنه من شهر (1) ميلادي الى(4) ثم بعد ذلك بدأ التأخير وكل مااتصل على المكتب يقول ان لديهم اعياد
واحتفالات وفي هذا الوقت يكون هناك شح في الخادمات لان اكثرهن لا يرغبن في السفر الا بعد انتهاء الاحتفالات او الاعياد
لم اصدق المكتب وسافرت بنفسي لكي ابحث عن مكاتب أخرى فعلاً اكتشفت بأن هناك قله في الخادمات لدى المكاتب ومع ذلك بعض المكاتب تستغل
هذا النقص وكثرة الطلب وترفع اسعار الخادمات واكتشفت ايضاً بأن عدد الاجازات مابين اعياد وعطل رسميه (165) يوم في دولة سريلانكا.
_ والشي الآخر استقدام الخادمه في الاول والاخير توفيق من رب العالمين ونسبة الحظ يلعب دور كبير جداً فمثلاً احياناُ يقدم لدي شخص وارسل تأشيرته
وينتظر شهرين او ثلاثه ماجت خدامته ويجيني بعده شخص وارسل تأشيرته وخلال اسبوعين او عشرين يوم وتوصل خدامته قبل الأول وذلك لاسباب عده.
فالسبب الأول لايوجد معسكرات في سريلانكا كما هو موجود في اندونيسيا وتكون الخادمه تحت تصرف المكتب بل أن الطريقه في سريلانكا الخادمه تذهب الى المكتب وتخبره
بأنها تريد العمل وتضع جوازاها لدى المكتب وتذهب الى قريتها لحين طلبها او بعض السماسره يعرض على المكتب الجوازات او صاحب المكتب يذهب الى القرى للبحث عن
من تريد العمل ثم ياخذ جوازها وعندما يحصل لها كفيل ويعمل لها الفيزه ويطلبها للسفر تكون اما:
- انها تصل الى المطار بعد اقلاع الرحله لبعد القريه عن المطار او لزحمة الطريق او عند هطول الامطار تتسكر الطرق لانها طرق زراعيه.
- او بعض الخادمات تتشرط بعد ماظمنت العمل وتقول انا لا ارغب في السفر بهذا الوقت اجل سفري الى الاسبوع القادم.(وبعض المكاتب ماعنده مشكله خصوصا بعد مايستلم المبلغ)
- او يكون لديها زواج قريب لاحد اقاربها او مرض لاحد افراد عائلتها وتأجل موعد السفر.
-واحياناً بعض الخادمات عندما يأتي موعد السفر ترفض الذهاب للعمل بعد كل هذا التأخير ويضطر المكتب بألغاء التأشيره والبحث عن أخرى
وضحية هذا التأخير صاحب العمل والمستقدم.
كثيراً يحصل نصب من السماسره او من الخادمه نفسها مثلاً: السمسار يتفق مع الخادمه بعد مايبيعها على المكتب ويقول لها اذا سافرتي للعمل سوي اي مشكله او ارفضي العمل عشان ترجعين وابيعك مره ثانيه ولها نسبه طبعاً (والضحيه معروف)
والخادمه احياناً اذا وصلها المكتب الى المطار وبعد مايحاسبها لانه يعطيها راتبين مقدم حسب الاتفاق بينهم ودخلت الى المطار تطلع مع الباب الثاني وتهرب الى قريتها وتبحث عن مكتب آخر تنصب عليه(والضحيه معروف ايضاً)
مشاكلهم كثيره والادهاء والامر بأن سفارتنا معقده ونظامها من صالح المكاتب هناك ويمكن هي سبب في التأخير بعد., لانها تجبرنا على المكاتب بأن المكتب هو اللي يدخل الجواز ويفيزه ولابد يكون معك وكاله شرعيه وانت تفوض المكتب من السفاره وخلاص تنتهي مهمتك وطبعاً المكتب مو حريص زيك يعني ماراح يدخل الجواز الا لما يجمعله كذا جواز وبعدين يراجع السفاره - لا وبرضو السفاره مانعه التفاويض الالكترونيه الا ان يكون مكتب الاستقدام مرتبط مع مكتب في سريلانكا او لابدمن وكاله شرعيه مع ان التفاويض اسهل واسرع وتريح صاحب العمل بدل مايروح لكتابة عدل ويمسك سرا مع الزحمه على بال مايوكل الشخص اللي بيجيبله الخادمه.

اختصاراً لكلامي : مستحيل احد يقدر يحدد موعد وصول الخادمه لان هنالك أمور خارجه عن الاراده. الا ماشاء الله والتوفيق من رب العالمين.
وكذلك اريد ان اوضح لكم ملاحظه كتجارب مرت علي : أحيانا الشخص الذي يكون مهتم كثيراً لخادمته ويبيها توصل بسرعه وكل يومين اتصال ايش صار عليها ومتى بتجي
سبحان الله تتأخر خادمته او يحصل لها ظرف من الظروف السابقه لسبب التأخير _ واللي مايتصل ولا يسأل خلال اسبوعين او عشرين يوم بالكثير تكون عنده؟!!
وكذلك حبيت اوضح شي آخر بأني بعد مازاولت مهنة الاستقدام اصبحت (كذاب - وماني عند كلمتي) ههههه - اقولكم ليش: احياناً المكتب يرسل لي صورة التذكره بموعد الرحله
واذا اتصل علي صاحب الخادمه عطيته موعد وصولها ولاحد الاسباب السابقه ماجت الخادمه اطلع قدامه كذاب وماني عند كلمتي ومستحيل يصدق مبرراتي والادهى والامر
اذا عطيته موعد ثاني وبرضو ماجت لنفس الظروف.(والله يعين) صرت اتمنى مااحد يتصل نهائي الا انا افاجاءه بوصول خادمته عشان مااكون كذاب.
(واحد من العملاء الله يجزاه خير بعد ماسلمني التأشيره بيومين الا وهو يتصل هاه وش صار على الخادمه واسبوعياً يتصل مرتين هاه وش صار وهي الآن لها شهر بالضبط وانا متأكد
من كثرة الحماس الزائد راح تتأخر وراح اتعب معاه)
بس الحمدلله الى الآن كثير مايجي في اسبوعين او عشرين يوم يعني نسبة التأخير اقل.

- وانا اعرف ان فيه ناس مايخافون الله وينصبون على العالم - بس فيه ناس يكون تأخيرهم مالهم ذنب فيه وخارج عن ارادتهم بس صاحب الحق مايرحم ومااحد يلومه
لانه مو عارف سبب التأخير ومن تجاربه مع النصابين ماعاد يثق بأحد يعني (الخير يخص والشر يعم) -
يمكن البعض بيحط استفهامات وتعجب لاني وضحت بعض العوائق اللي مريت فيها ومازلت امر فيها ويمكن البعض بيكون مؤيد والبعض بيكون معارض
بس اقوله بأن (الارزاق بيد الله ) وانا آسف على الاطاله .
(من لديه اضافه او مشاركه المساحه امامه)

فعلا كلامك صحيح والله لايجيب تأخير وان بعد الصيف بسافر وبقابل كم واحد من اصحاب المكاتب للاتفاق معهم انشاالله

الله يوفق الجميع

كلامك واقعي يا اخي

لكن على اي حال

الأصل أن الأستقدام يعتبر من العقود الأحتماليه

معنى العقود الإحتماليه هي التي لايتبين فيها مقدار الكسب والخسارة وقت إبرام العقد لكلا أطرافة

كذلك يعتبر الإتفاق على معدوم محتمل الوجود مستقبلاً

ومعنى ذلك أن هذه التجارة فعلاً من أصعب المعاملات المالية

كان الله في عون اخوننا أصحاب المكاتب

وفي عوننا كأصحاب حاجة

كلامك يفرح ويسعد اصحاب المكاتب وتبرأة جميع المكاتب دعاية قوووية لجميع المكاتب بالمجان

بارك الله فيك

مشاكل و الناس ما ترحم

اشكر كل من مر على موضوعي

الله يعطيك العافيه

طيب سؤال وش أنسب وقت - قصدي الشهور - المناسبة لاستقدام من اندنوسيا
يعني ما يكون عندهم مناسبات

طيب سؤال وش أنسب وقت - قصدي الشهور - المناسبة لاستقدام من اندنوسيا
يعني ما يكون عندهم مناسبات

سؤال في الصميم

لكن عطونا الجواب لجميع الدول اندونيسيا ... فلبين ... سيرلانكا .... الخ

موفقين ان شاء الله

[[size="6"]

size="6"]

[size="6

"]السلام عليكم
اخي صريح جدا كلامك مر على كل الذين تعاملو في الاستقدام وانا منهم والاخوه الكرام ايضا الذين يعملون فرديا او اصحاب مكاتب لاكن لوحظ على بعظ المكاتب انها تجمع تاشيرات اسبوع او اسبوعين او شهر بعد كذا تبداء عمليه البحث عن خادمات وهذا من واقع تجربه مع بعض المكاتب والافراد الذين يعملون في الاستقدام الحمدلله لست واحد منهم في عميله تاخير ارسال التاشيرات لانني اضع دائما العقبات قبل الحلول دائما فالتاخير لا يحصل والحمد لله بالنسبه لموضوع الاعياد والمناسبات صحيح . اما بالنسبه للفلبين الفلبينيات دائما يكونو جاهزات لاكن مكاتب الاستقدام هناك تبيع وتشتري فيك وانت تعرف الوضع كشك صغير هناك عن اكبر مكتب استقدام هنا اما في اندونيسيا مشكله المكاتب اولا ومشكله العامله قبل المكتب لانها تشترط عليهم ان يكون العمل مريح وطلباتها كثيره حتى تنتهي فتره التاشيره فتسافر غصب عنها وطبعا انت مريت بهذه التجربه اما بانسبه لسريلانكا فلن افتي لانني لم استقدم منها ابدا .
الادهى والامر من هذا تاجير الخادمات عندنا تفشى بشكل عجيب رهيب وقد عملت فيه اسبوعين ويا ليتني لم اعمل به لقد اكتشفت مهازل من العمل به لمده اسبوعين اكثر من العمل في الاستقدام لمده 15 سنه بدون مشاكل بس تلفونات اما التاجير مصخره بكل ما تعني الكلمه والمشكله ان العامله على كفالتي وليست هاربه من كفيلها ومهربه معها خدامات الرياض سمعت كلام خلاني اسفر العامله نهائي والادهى والامر من ذلك ان تشاهد اعلانات يوجد خادمات تاجير يوم يومين اسبوع شهري سنوي وعندما تتصل تسمع العجب العجاب بصراحه يجب ان تخفظ رسوم تاشيره الاستقدام الى 1000 ريال او تكون ببلاش زي زمان علشان نصحح وضح العماله الي المملكه . اروح السفاره الاندونيسيه في الرياض عندهم 1000 خدامه كلهم هاربات لا والسفاره تاجرهم كمان شوف المصيبه واذا جا الكفيل يخلوه يوقع على ورق بالاندونيسي واذا طلع ذيب قلهم ترجموه عطوه ورقه وحده مكتوبه بالعربي والاندونيسي ويحاولون يتاكدو منه اذا بلغ عليها هروب ولا لاء علشان لا يخرب عمليه تاجيرها حتى السفاره ما يهمها احد صارت تشوف الاعلانات تاجير خادمات قالو حنا بعد بنأجر وماحد يقدر يقول شيء احنا سفاره ههههه ها وبصراحه السفاره الفلبينيه اذا هربت الفلبينيه دقو عليك وجابوك يقولون لك اما تعطيها رواتيها المتأخره او سفرها وبس وهذي انا شهد عليها بنفسي مشكله وحده عندها طباخه وماخرا عليها الراتب شهرين وكان في الاجازه الماضيه وفي مناسبات الظاهر عندهم وكارفتها كرف الطباخه ما قدرت تتحمل طلبت انها تستلم رواتبها او تسفرها المهم قالت لها تسافرين وقعت على الاوراق ويا دار مادخلك شر جابت طباخه ثانيه من الفلبين وعادي السفاره سهلت اجراءاتها ولم تسمح للطباخه بالعمل داخل المملكه غير نظاميه بصراحه اقولها زي الاخ صريح ارجو من الاخوه انهم ينتبهو لموضوع التاجير لانه ممكن يتفاقم اكثر من كذا يا اخوان [/size]*

[/size][/SIZE]