بسم الله الرحمن الرحيم

زي ما هو واضح في الاعلان وكما موضح في تعليمات ادارة الموقع كاتبه بالخط العريض
انتبهو من التحويلات
الى الاخوه الدلوخ والاخوات الاادلخ اللي يشوفون واحد حاط اعلان خادمه للتنازل وحاط جواله
اتصل به وقاله ايه فيه عندي خدامه واول سوال يسالك من وين تكلمني اذا قلت في الرياض
قال ااااااه انا في جده او العكس علشان تحوله المبلغ وانت ايها الدلخ الكريم اول واحد واقف في طابورالبنك انت وراسك المربع مجتهدتحول المبلغ للنصاب ويالله حمينا المويه وطارالديك المهم اي احد يبي خدامه من اعلان لابد التسليم يد بيد وجرب اذا قال انا في جده
او في الرياض حولي قل لا انا اخوي عندك بيجي يستلم الخدامه ويسلمك الفلوس والله هذا
وجهي ان رد عليك حتى لو كان مكتب رسمي لايهمك سلم يد بيد وشووووووووري عليكم
ياهل النيات الطيبه تراهااااااا راح زمن الطنطاوي وقرين دايزر ايام ندربي روسنا الايام
هذي ما فيه الا نصب نت وانا واااااااااااااانت وبس يا تاكلني يا اكلك الرساله واضحه

مع تحياتي دلخ سابق وتحسنت اوضاعي ..............................

هع حسستني اني دلخه وفعلا دلخه بس شسوي نيتي لله وماعرف النيات الشينه حسبي الله عليهم حسبالي الناس مثلي .. لايوم كلمتها العنود الله لايسامحها قلت وش يظمني قالت ارجع فلوسك ويوم كلمتها الوالدة قالت فلوسنا امانة لاتروح علينا قالت يعني 500 وش بسوي فيها ياخاله >>ياربييييييييييييييييه بس مسويه ضعيفه الله يسلط عليها ياااااااااااارب

مشكلتنا كنا بامس الحاجة وهي استغلت ظروفنا قلت حرمه زي بتعرف المعانات الي نمر فيها لو انه رجل ماحولت له لكن حسبي الله ونعم الوكيل بس

الله يكثر من امثالك اخوي وياااااارب تسلطها على يدك ولا مافي يدي حيله والاكان سويت شي .........

التنازل ونقل الكفاله يتم امام الجوازات بعد الاتفاق على المبلغ ومن غير المعقول ان يستلم المتنازل اي مبلغ قبل ذلك ولو كان عربون.

ياهلالا ياهلا بكل الضحايا بصراحه حكاية النيات الحمدلله رب العالميين انه الصفه هذي فينا
لاكن لانصير براميل يجي واحد والا وحده ويلعب علينا في خمس دقايق والا هو ناتف فلوسي
واروح ادوره على كل حال لابد يتفعل الموضوع ولا بد تكشف الاسماء والعناويين افضحوهم وانشرو في كل المنتديات خخخخخخخخ ول ول ول جعلي ما اطيح في يده هههه طبعا هذا تفكير واحد نصاب يقرا موضوعي هههه على كل حال جميعكم الف شكر على المرور

ياناس لا تكبرون الموضوع

ضعف الأنظمة خلت ناس تستغل ظروف ناس وتضحك عليهم

ليش هالحركات ما تصير في قطر والامارات ؟؟
لأن النظام صارم
مشكلتنا اننا طيبين ونحكم على الناس بعواطفنا وهذا شي كويس مو شين

حنا كويسين ونيتنا كويسه ... ولا يجوز نغير نيتنا ونظرتنا للحياة علشان قابلنا انسان نصاب ضحك علينا في موقف

الدنيا مو موقف ..
الحذر واجب الاحتياط واجب اخذ التدابير اللازمة واجب

بلاش جلد الذات المبالغ فيه

والله ياخوي حتى لو استلمناها يد بيد مافيه فرق تجيك ثاني يوم الي هي حاطه رجلها والله يعينك على الفلوس الي اندفعت

كلام سليم ياخبير الاستقدام المفروض انت تكون خبير النوايا الحسنه والسيئه سواء لكن المفترض ان الانسان مايتهم الناس بالباطل بس يصير مع العجه عليهم عليهم معاهم معاهم المفترض بالانسان العاقل الراجح ان يتبين الصح والخطاء مافيه احد ياخذ شغاله او سائق ويدفع الفلوس قبل حتى مايشوفه الله ماشفناه بالعقل عرفناه لكن المكاتب لابد من التحقق منها ايضا ويروح الواحد ويشوف ويسال وبعدين يستخير ويقرر على حسب سمعة المكتب كلنا نجرب وكلنا يصير لنا مواقف لكن لازم ان الانسان مايكون مثل الحجر بطريق كل نجاح وبعدين المفترض بكل انسان او انسانه يقدم يستخير الله قبل كل شي لماذا الاستخاره ؟ كل شي بتوفيق الله واي انسان يقدم خطوه بدون توفيق الله لايمكن ينجح خطاءه حتى الخدم لابد الرافه بهم هذولي ماهم عبيد نبيعهم ونشتريهم ونسي معاملتهم وبعدين نقول انحاشو احسنو لهم يحسنو لكم هذا ناس تبحث عن لقمة العيش والله العظيم انهم يكسرون الخاطر وانتم تبيعون وتشترون فيهم بالمنتديات وفي كل مكان لازم الانسان يرحمهم عشان الله ينزل عليه من رحمته وحتى اللى ياجرونهم ترى حرام عليكم انكم تاجرونهم ولا تعطونهم الا نفس الراتب والله حرام لانهم انفس مثلنا يحسون ولهم احاسيس مثلنا بشر خافو الله فيهم ولا احد ياجر سائق او خادمه الا ويتق الله فيهم المسيحى منهم يمكن يسلم من معاملتك الطيبه والمسلم يمكن يكفر لم يشوف اهل الاسلام كيف يعاملونهم اتقو الله يااخوان حتى في انفسكم وانت ياخبير اتق الله وتحقق من جميع المصادر الرسميه وغير الرسميه لااي انسان بالمنتدى عشان ماتدخل في دائرة الظلم الظلم ظلمات يوم القيامه واحنا هنا كلمات نكتبها ماندري يمكن تهوي فينا الى النار بظلماتها واسال الله ان يوفق الجميع للخير

والله انك صادق وكثيير حصلت

تسلم اخوي على التنبيه واكيد هدا كلام واحد صاحب خبره وصحيح هالزمن الواحد صار مايثق باحد في ميزان اعمالك

الخذر واجب!!!!!!!!!!!!!!!

والله انا كنت بصير دلخه وكنت بدفع فلوس للتجربه بس زوجي المصون الله يحفظه غير دلخ وقال لي اركدي اركدي وانا متحمسه اقول الشغاله لااااتروح علينا وكنت اقوله وش فيك تظن ان الناس ميته على فلوسك خخخخخخ قويه بس الحمدلله زوجي قال ماادفع ولا ريال لمن اروح بنفسي للرياض واشوف الشغاله بعدين يصير كل شي نظامي والحمدلله يوم رحنا شفناها عجوز مدخنه رجلها والقبر
صدق حسن النيه مطلوبه لكن في هذي الامور انصحك انك تحط اسوأ الاحتمالات عن صاحب العرض لان هذا بيجنبك السرقه
بس والله انصحكم بصلاة الاستخاره قبل كل شيء لان ربي بيدبر امورك كلها لصالحك

شكرا لصاحب الموضوع

بس والله انصحكم بصلاة الاستخاره قبل كل شيء لان ربي بيدبر امورك كلها لصالحك

كلام مية مية