 |
 |
 |
 |
 |
 |
 |
ملاحظة : الرقم خاص فقط بإعلانات العمالة المنزلية
05-30-2010, 01:10 AM
|
|
|
|
الخادمات صاروا بالحجز وبناتنا المتعلمات اهل الشهادات ؟؟؟!!!
الخدامات صار عليهم مطاقق بالحجز وكل وحدة مننا صارت تقول تكفى وتكفين ولا احد معبرنا مع ان الحاجة متبادلة وصارت مثل مزايدات مزايين الابل ,للاسف وصلنا لهالمرحله والسبب من؟؟؟!! وبناتنا المساكين اهل الشهادات مالقوا من يوظفهم واذا حصل وتوظفت يتمننون عليها براتب1200 او 1500ريال اقل من راتب وحده شغالة جاهلة ويمكن ساحرة او حقودة راتبها من 2000 الى 2800 ريال بالشهر والله صارت متاجرة بالاوادم ونبيهم ما يحقدون علينا ولا يكرهونا ....................... وبعد مداولات وشد وجذب وبعدهاتاخذ الشغالة الله يكون بعونك سواء رجل او امراة ماتدري وش دخلت في بيتك ,,,,يا اخلاق دمار او تتشرط عليك ابي تنظيف بس طبخ لا او بيبي لا ولا وسخه او غبيه لدرجه تطلعك من طورك , يعني الا مايطلع لك سبب واذا مافيه الحل المنتشر الان وهو الهروب وغالبا ما ترجع للمكتب اللي اشتريتها او استقدمتها منه...... لا حول ولا قوة الا بالله لكن ما اقول الا حسبي الله ونعم الوكيل على كل ظالم ونصاب وحرامي وغشاش وخاين والدليل كلنا نعرف الان ان بعضهم يتعالج من امراض خطيرة في المستشفيات في الخارج والداخل والدنيا دوارة وكل واحد بياخذ على قد نيته........ وترا وسخ الفلوس مايحتاج الواحد يبيع اخرته عشانها .....هذي رسالتي لمن يتعظ
التعديل الأخير تم بواسطة خيالة ; 05-30-2010 الساعة 01:14 AM |
|
05-30-2010, 07:39 PM
|
|
|
|
الله يهداكي ياخياله بس ترا صارت الشغاله ضروري في حياتنا وبعدين هذا حقهم يعني تشتغل وتتعب وفي الاخير كم بتحصل ؟! (أعط الاجير اجره قبل ان يجف عرقه ) والشغله الثانيه لازم مهما كانت معاملتهم احنا نحسن لهم هذولي مهما وكان مغتربين عن اهلهم وجايين يشتغلون هني << نقتبس من بعض اخلاق الرسول عليه افضل الصلاه والتسليم (الصحابي انس بن مالك ) خادم رسول الله كيف كان يعامله ؟؟؟؟ الحين للاسف تعالي شوفي يضربونهم ويحرمونهم من الاكل وبعض الاحيان توصل للاهانه نسأل الله الرحمه هذولي اوادم بشر عامليهم بأحسان << حتى لو مالقيتي منهم الاحترام احتسبي الاجر بالاخره وصدقيني يااختي والله والله انا عارفه ان الفلوس زينه الدنيا لكن اذا عن الشغاله انا مستعده ادفع لها اللي تبي هذا حقها ونعاملها معامله الاخت في الله اما من ناحيه وضع النساء في السعوديه فأنا للاسف يحز في نفسي هذا الوضع اللي هي فيه صراحتن وانا مااشملهم << لا البعض منهم (( البعض )) طيب انتي تعلمتي وحصلتي شهاده مع ان الاغلبيه جالسه في البيت وتبي وظيفه بالهي كيف تبغي وظيفه وانتي ماعندك شهادات تؤهلك لوظيفه تقدري تساعدي فيها زوجك .. اهلك .. نفسك .. ابنائك << هذا الوضع مزري يعني بعض النساء تتزوج تجلس بالبيت طيب ليه !! ترا العلم مايوقف للحد ... للحد للحد << وبعدين لا تقولي عندي اطفال وانا مااقدر ادرس لا تقدري والله اعرف كثير من الامهات ناجحات في عملهن والحين يسعون لدراسه الدكتواره وبعضهم طبيبات يفخر فيهم المجتمع << طيب ماقد سألتي نفسك انتي ايش تفرقي عنهم اللي خلق لهم عقل خلق لك عقل ونفس مواصفات عقولهم مايمنع اني اكمل دراستي في مهنه تساعد مجتمعي .. اما من ناحيه المدرسات اللي تخرجو ولم يجدو لهم وظيفه << كملي دراستك يااختي كمليها العلم ماتوقف وعفوا اذا استرسلت بالكلام لكن مايزيد الحرقه في قلبي هي ماتشتكيه اخواتي في الله من وظائف وايضا تعليق على كلامك اختي في الله الخياله << اتمنى ان تتقبلي كلامي بصدر رحب من اخت لك تتمنى لك الخير ... |
|
05-30-2010, 08:55 PM
|
|
|
|
اختي ام حنان اعتقد انك ماقرات الموضوع جيدا تكلمت عن استغلال بعض المكاتب لحاجة الناس للخدم فرفعوا الاسعار على المواطنين بلا رقيب ولا حسيب ودخل الان معهم ناس اخرين او بالاخص سيدات لديها من الخدم مالايعد (لا اعلم كيف اصبح عندها هذا الكم من الخادمات ؟؟؟!!!)وبدأت تتاجر بهم وترفع ياسعارهم واللتي اصبحت ديل راتبها 3 مرات ,,,لا اعلم على اي اساس اختي عندما تلكلمت عن الوضع الحالي قلته من واقع تجارب مرت علينا في اسرتنا لقد اصبنا بالسحر والطلاق والمرض بسبب الخدم مع اننا نعاملهم كبشر كما قلتي ولا نبخسهم اجرهم وهل انتي اذا تغربتي عن اهلك تعبثين بحياة الاخرين وتسحرين الاساتذه ليعطوك درجات كاملة وتفرقين بين الازواج ... اذا كنتي من الناس اللي ماشيه امورها ومستقرة عائليا ولديك خدمك وصحة بخير فاحمدي الله على ذلك ,,ولكن هناك ناس غيرك تعبوا من النصب والدجل والخيانه واللف والدوران ودفع المال المبالغ فيه .... ــــــــــــــــــــــــــــــــــــــــــــــــــ ــــــــــــــــــ اما من ناحيه وضع النساء في السعوديه فأنا للاسف يحز في نفسي هذا الوضع اللي هي فيه صراحتن وانا مااشملهم << لا البعض منهم (( البعض )) طيب انتي تعلمتي وحصلتي شهاده مع ان الاغلبيه جالسه في البيت وتبي وظيفه بالهي كيف تبغي وظيفه وانتي ماعندك شهادات تؤهلك لوظيفه تقدري تساعدي فيها زوجك .. اهلك .. نفسك .. ابنائك << هذا الوضع مزري يعني بعض النساء تتزوج تجلس بالبيت طيب ليه !! ترا العلم مايوقف للحد ... للحد للحد << وبعدين لا تقولي عندي اطفال وانا مااقدر ادرس لا تقدري والله اعرف كثير من الامهات ناجحات في عملهن والحين يسعون لدراسه الدكتواره وبعضهم طبيبات يفخر فيهم المجتمع << طيب ماقد سألتي نفسك انتي ايش تفرقي عنهم اللي خلق لهم عقل خلق لك عقل ونفس مواصفات عقولهم مايمنع اني اكمل دراستي في مهنه تساعد مجتمعي .. اما من ناحيه المدرسات اللي تخرجو ولم يجدو لهم وظيفه << كملي دراستك يااختي كمليها العلم ماتوقف وعفوا اذا استرسلت بالكلام لكن مايزيد الحرقه في قلبي هي ماتشتكيه اخواتي في الله من وظائف __________________________________________________ اختي كلامك في الجزء الاعلى غريب اعتذر لك اذا لم تفهمي جيدا ماكتبته عن بناتنا ارجو منك قراءته مرة اخرى اذا اردت حتى تتضح لك الصورة جيدا بناتنا يتوظفون ب1200 ريال او 1500 ريال يعني اقل من الشغالة ,هذي الجامعيه ,فما بالك باللي معها الماجستير وقاعدة بالبيت والدليل ما ذكر في الصحف الاسبوع الماضي ان نسبة البطالة من حاملات الماجستيراكثر من 70 % انا ودي اعرف على اي مبدأ تتكلمي اذا كنتي عايشة بمجنمعنا ولا تشوفي اللي نشوفه اتمنى بس تحسي ببنات وطنك حبيبتي ...............الشغالات الناس عليهم طوابير وبناتنا المتعلمات في البيوت ................هذي رسالتي وشكرا التعديل الأخير تم بواسطة خيالة ; 05-30-2010 الساعة 09:00 PM |
|
06-01-2010, 06:17 PM
|
|
|
|
والله أنك صادقه ياأختي الخياله ليه الطمع والجشع في أزدياد والواحد مايحمد ربه على الستر والصحه وراحة البال لا صاروا يتاجرون بالبشر بأبشع الطرق ..لاتقولوا رزق ومدري أيش وشطاره الرزق بقدر معقول دبلوا الراتب مره معليه بس صار أضعاف مضاعفه والله حرام .. والأخت أم حنان أحب أقول لك كملنا تعليمنا ومابقينا دوره أو شهاده تعتب علينا وماحد انصفنا وتوظفنا والله أني لي سنين وسنين وأنا أدور لي وظيفه وأطور من نفسي لكن الرزق عند مقسم الأرزاق ومعظم اللي أعرفهن قريباتي وأخواتي وبنات الجماعه وحتى جاراتي ماتوظفنا إلا من رحم ربك ..وبالعكس المرأه السعوديه متعلمه وتحمل شهادات وليس شهاده وأنا من ضمنهن ليش تقولي طورن وادرسن من قال لك إنا جاهلات .. وعلى العموم أنتي تكلمتي بموضوع وصاحبة الموضوع تكلمت عن الإستغلال والمتاجــره بالخـــدم وكل الحق معها الله ييسر للجميع ويسهل أمورهم.
التعديل الأخير تم بواسطة صمت وأنين ; 06-01-2010 الساعة 06:19 PM |
|
06-01-2010, 06:34 PM
|
|
|
|
|
|
[quote] اقتباس:
أخــت حنان أحب أقولك أن رواتب الخــادمات في العقــــد 650أو 750 أو 800 ماقالوا 2000 أو3000ريال وش حق ماحق إلا والله طمع وجشع واستغـلال مغشي على قلوب الجميع وتحصل اللي جت من أجله من بلدها والله العالم التاجر او التاجره يبلع ثلاث أرباعه والباقي يرميه لها بس ماشاء الله صاروا شاطرات حتى هم يستغلون المواطنين أحسن أستغلال وأعرف أندونيسيات وسيريلانكيات يشتغلن لحسابهن يطلعن أكثر مما يطلع أزواجنا من وظايفهم ولا تقولوا حقهم ليش نعلم الغرب ينهبوا المواطنين ويستغلوا خيرات البلد لمصالحهم ..وبالآخــر أقــول اللــه لا يوفق من ساعدهم ومن أعانهم ودربهم على استغلال المواطنين ولا يبارك لهم ولا بقرش أخذوه . |
|
06-01-2010, 06:46 PM
|
|
|
|
سجلو واااااااحد مبتعث حاصل على ماجســتير وحالياً علق شهادته بالحيط يتكـــشخ بهااااا ويوم تعب من البحث عن وظيفه لجأ الى الاستقدااااااام مع ملاحظه من اولى دفعات الماجستير اما تعليق الاخت على رفع ايجار الخادمات والخ فاخبرك من يقوم بتاجير عاملات منزليات تاكدي وثقي ثقه تامه لو تبحثين عن اقامتهااا بتحصلينهااا هاربه من الكفيل او جايه عمره والان يوجد في احد مناطق المملكه العربيه السعوديه عصابات تقوم بتهريب القادمات لاداء مناسك العمره واقناعهن بالعمل كخادمه منزليه كم شهر ومن ثم تغادر ونتمى من حكومتنا الرشيده العمل بما تعمل به دوله الامارات العربيه المتحده كمعاقبه المخالف وهي كالتالي يحسب عليه كل يوم تاخير في الامارات مبلغ وقدره 300 درهم اماراتي0 ولاتنسون الدعاء لوزير العمل والعمال الدكتور غازي القصيبي المصاب بالسرطان |
|
06-02-2010, 01:50 AM
|
|
|
|
صحيح الكلام اغلب الى يئجرون العاملات هاربات انا اعرف وحده من جنسيه عربيه عندها 3 شغالات اندنيسيات صراحه كنت مستغربه منين لهافلوس تجيبهم وهى لاموضفه ولا شى وطلع ولدها المحترم شغال بمستشفى العسكرى يتفق مع الشغالات المرافقات للمرضى ويهربهم طبعا اناعرفت هالمعلومه من وحده من شغالاتها استاجرتها ودحلبتها بلكلام لين قالتلى السالفه لا والحين الاخت تجيب شغالات وتوزع على الجنسيات العربيه الى مثلها ماادرى ودى ابلغ عليها |
|
06-03-2010, 04:05 AM
|
|
|
|
ليه يا أختي ماتبلغي عليها بلغي بسرعه هذا بلدك وهؤلاء المواطنين يدفعون دم قلبهم فيهن ويهربن بالله عليك ماهو حرام أصــلاً ماخرب البلــد إلا هالأشكــال اللــه لا يوفقهــم شبعــوا وقاموا يتبطــروا عالنعمــه..تكفين أنقــذي ماتبقى من اللي جايهــم الــدور أو خلي زوجك أوأخوك يبلغ عليهم بأســـرع وقت . لا إلـــــه إلا اللــــه ولا حـــول ولا قـــوة إلا باللـــه العـــلي العظيــــــــم اللــه ينتقــم منــهم أشــــــــد إنتقـــــام . |
|
06-03-2010, 02:07 PM
|
|
|
|
|
|
اقتباس:
لاحول الله وحسبنا الله ونعم الوكيل اختي انا لو بمكانك ابلغ عنها وش يعرفك لايكون هالشغالات مسوين شي لااطفال ولا لناس كبيره بالسن ولا ..............ّ!!!! اشياء كثيره ممكن يسونها وهالعكسري الي تقولين عنه ماهو كفو يكون بالمسى هذا هذا يااختي حاميها حراميها وش الضمان وش مسوي بعد ؟؟؟ يااختي رسولنا الكريم وصانا بانن لازم نغير المنكر باليد ثم باللسان ثم بالقلب اختي توكلي على الله وبلغي ولك الاجر ان شاءالله واذا كنتي خايفه ولا مترردده منهم اتصلي على الشرطه ولا اي مكتب التسول من اي رقم خارجي والله يهل لك امورك ولاتنسين تطمنينا |
|
06-08-2010, 07:12 PM
|
|
|
|
هــاه وش صار حبيبتي بلغتي ولا باقي متردده ياليت تردين لنا خبــر ولا أوكليني المهمــه وكلـه لوجه اللـه تعالى وعشان هؤلاء المساكين والغافلين ..أستغفـــر اللــه العظيم وأتوب إليه. عزيزتي أم متعب تقولك يشتغل بمستشفــى العسكــري ماهو عسكــري من جنسيــه عربيه حسبي الله عليهم ونعم الوكيل والله ينصر من تسببوا بظلمهــم. |
 |
| مواقع النشر (المفضلة) |
|
|
|
العرض العادي
