السلام عليكم ورحمة الله وبركاته

الله يجزاكم خير الي قايمين على هذا المنتدى

انا عندي شغالة اندونسية رافضة العمل لها 3 سنوات عندي بعد ماانتهاء عقدها السنتين قالت ابي اقعد سنتين وتزودولي راتبي وزدناه صار 1000 ريال والحين لما مضى سنة قامت تنكد وتبي تسافر وتهاوشت مع اهلي .
وش الحل فيها باقي من رواتبها 8 شهور بس وبخلص اجرائتها وبسفرها بس مابيها تقعد عندي اخاف تسوي مشكلة وين اوديها رايكم مع ان مكتب شئون الخادمات رفض يستلمها ودي لو احد ياخذها ويفكني منها .

لو بالرياض عطني ياها بحطها عند امي ونعطيها راتب لو حاب

سفرها خايف علي اهل بيتكم والناس طز
خرجلها وطق جوازها وتذلف ولاتبلش اناس فيها اتقوى الله

حنا خايفين الله ان شاء الله
والشغالة مافيها شي كل الي فيها ذكرته
وانا ما اطق احد على يده
واذا انت منت محتاج شغاله فيه ناس محتاجين
وكلا يرا الناس بعين طبعه

مو مشكله انا بشتري الخادمه منك
وراح تشتغل في مشغل نسائي
بس ابي موصفات الخادمه وعمرها

اشتغلت سنتين وكملت مدة عقدها معكم وزادت لكم سنة هذا خير منها .

طيب ليه ماسكين لها راتب 8 شهور ماأأعطيتوها لها مايجوز لكم وحرام عليكم هذا عرق جبينها تتركونها كل هالمدة بدون ماتعطونها رواتبها أكيد عندها عيال وأسرة تصرف عليهم وش هم مسوين كل

هالمدة بدون نفقة ؟ وأكيد ماوافقت تجلس مدة سنتين زيادة إلا لأنها محتاجة فكيف جازيتوها بعدم تسليمكم لها رواتبها .

بمكن هذا هو السبب اللي مزعلها منكم . ياأخي سلم لها رواتبها وخلها توقع على استلام كل رواتبها وسو لها مخالصة بمكتب استقدام على

أساس انك بتسفرها ثم حاول تقنعها بالبقاء ويمكن سبب خلافها معكم لأنكم ماأعطيتوها رواتب ال 8 شهور واعتقدت بأنكم بتأكلونها

عليها . فلو اخذتها يمكن تغير رأيها وتبقى عندكم لفترة أطول .

عمرها ٢٨ او ٢٩

يعطيك العافية اخوي على نصيحتك
ومحنا ماكلين حقا وبعطيها رواتبها
وعلى العموم ماهي زعلانه على رواتبها