عندي شغاله بتنازل عنها ولكن ماهي الاجراءات عند التنازل عن الخادمه لشخص
يعني يجيك بالبيت هو وعياله ويشفون الشغاله وتتفق أنت وياهم على المبلغ
وش الاجراءات اللي تسويها تضمن حقك وحقه ما يجيك بعد كم يوم ويقول ما
أبي الشغاله أو ما ينقل الكفاله ويبهدلك ( لا توجد تجربة )

أمل الرد
والف شكر

وين أهل الخبرة

هو وعياله

الحين الزوجة تسمى عيال !!
وش فيها لو قلتوا زوجته

والاجراءات تروح انت واياه للجوازات وتتنازل عن الشغالة له وتخلي مسئوليتك
او تخليه ينقل كفالتها في الجوازات وانت معاه .
الله يسهل عليك .

السلام عليكم
اخوي من واقع تجربه عني انا لما تنازلت عن فيتناميه عندي انا طلبت من الكفيل الجديد كرت العائله له وانا بنفسي اجيبها لبيته عشان اعرف وين راحت الخدامه وفي اي بيت دخلت واي شخص شخص اخذها وبيته معروف لي عشان اذا ما جاي ينقل كفالتها ليني اعرف بيته ا
يعني احتياطات لو صار شي ما شيات لين البيت موجود ما راح يهرب هاذي تضل حرمه مستضعفه ما تدري وين بتروح
يعني بالعربي لازم تملي يدك منه من جميع الجهات لو حرمتك تروح معها وتسلمها لحرمته ولا امه افضل واضمن
واذا جربها وقال ابيها تروح انتوياه للجوازات تنقلون الكفاله واذا ما يبها الله يعينك تجي تاخذها



لاني استغربت من شخص هنا في المنتدى يقول اني اخذت فلوس النقل والمكتب يقول لها الرجال اخذ العامله وما جاء ينقلها راح على وجهه وله 3 شهور وهو متعلق حتى بيته ما يعرفه


هذا يظل رأي الشخصي وطرقتي وانت بكيفك
والله الموفق

مع احترامي لكل من رد عليك .. مالك بالطويله ووجع الراس .. اتصل على اللي يبي ياخذ منك الخادمه واتفق معه على ان الخادمه راح تكون عند مكتب استقدام ( اي مكتب استقدام قريب لبيتك ويعرفه هو) وتعطي المكتب 500 ريال مقابل نقل كفالة الخادمه.
طبعا بهالطريقه راح يكون المكتب هو اللي يتعامل مع هالشخص وراح ياخذ منه المبلغ والضمانات ويوقعه على اوراق لين ينقل كفالة الخادمه .. وسلامتك.

دعواتك يالغالي ان الله يشفيني من الصداع والبرد اللي ملازمني.

جزاكم الله الف الف خير وبارك الله فيكم