السلام عليكم
بودي معرفة شروط استقدام السائق والخادمة بالنسبة للفتاة
غير المتزوجة وموظفة لأني قرأت أنه فقط المطلقة والأرملة هي التي تستطيع
استقدام خادمة وسائق أما الفتاة غير المتزوجة لاتستطيع إلا باسم ولي أمرها
هل هذا الكلام صحيح وهل هناك حل أو طريقة .

نعم صحيح * والحل باسم الوالد أو الله يرزقكي زوج ويجيب لكي اللي تبينه .

شكرا لك بس ليش التعقيد ؟؟؟
الوالد كبير بالسن ومايقدر يروح ويجي الله يعين .

اختي اول شي الله يرزقك انشالله الزوج الصالح والذريه
اخذي وكاله شرعيه من ابوك باسمك او اي احد ثاني يراجع مكتب الاستقدام

شكرا بعض بعض وجزاك الله خير
يعني مافيه حل أسهل من كذا صراحة خسروني السواقين اللي بالشهر اللي يسافر
واللي مايلتزم بالمواعيد قلت استقدم لي واحد أوفر وطلعت الشغلة أصعب .

شوفي لك مكتب يسوي لك التاشيره اتعابهم تكون 250 ريال تقريبا

شكرا وجزاك الله خير والله يوفقك ويرزقك ماتتمنى .

ويااااااااك واي مساعده انا حاظر

بالتوفيق ان شاء الله

لكن الاتعاب ماعتقد تكون بهذا السعر والمعاملة تعتبر صعبة استخراج تاشيره باسم بنت ومضافه في دفتر العائله والوالد موجود
الاتعاب للمعاملات العاديه تتجاوز 200 الى 300 لاغلب المكاتب

ان شاء الله استفسر عن هذا الموضوع وارد لك خبر

جزاك الله خير أبو سلطان وبانتظار ردك .
علما إني عندي بطاقة أحوال .

عادي كلنا نجيب باسم الوالد ولا يروح ولا يجي مدام انت بنته يسمحون لك تطلعين تأشيرة سائق باسمه بدون وكالة شرعية .

وحتى الاقامة والرخصة بدون حضوره ولا وكالة شرعية .
وانا اتكلم من تجربة .
ارتاحي وجيبي لك سائق خاص .
الله يسهل عليك
واي سؤال او مساعدة راسليني ع الخاص .