 |
 |
 |
 |
ملاحظة : الرقم خاص فقط بإعلانات العمالة المنزلية
05-14-2012, 02:45 PM
|
|
|
|
1 طباخه اندونيسيه + 1 خادمه اندونيسيه = مجااااااااااناً
سامحوني على الإطاله لكن اللي يحب يستفيد ويستمتع يقرأ الموضوع من الألف الى الياء بتمعن وبقرآءة جيده، واتمنى الجميع يكون منصف،، السلام عليكم ورحمة الله تعالى وبركاته، الأخوه والأخوات الكرام عملائنا فئة vip عملائنا فئة ( حملة عشرة الآف تكفي ) اتمنى الجميع يكون بصحه وسلامه وطاعه ورضى لرب العالمين، الجميع يعلم إنو في الآونه الأخيره كتر اللغط والغلط بالنسبه لسعر التنازل والإستقدام للخادمات، وإن السماسره وعلى رأسهم & أم القمرين & تأكل لحوم البشر وتبيع الخلق وكأنهم إماء عندها !!! إذا صدر هذا الكلام من جهلة الناس فلا عيب ولاتثريب عليهم!! ولكن العيب والعار أن يصدر الكلام من ناس متعلمه والعلم لايكفي إن لم يمزج بثقافه وتعقّل ووعي وإدراك !! وانا حديثي اليوم عن نفسي @دودي@ & أم القمرين & وكل نفس بما كسبت رهينه، ولأجل كل واحد منا يشعر بالأخوه الإسلاميه وشعار ( الجسد الواحد ) وحتى مايزعل علينا أحبابنا وأخواتنا وإخواننا، عرضت اليوم عرضي الأول والجديد من نوعه: 1 طباخه اندونيسيه + 1 خادمه اندونيسيه = مجااااناً [[[ احصل على 2 عامله: خادمه + طباخه من اندونيسيا مجااااااااااااناً ]]] وانا اتولى نقلها على كفالتك بشرط بالعربي الفصيح المبين هذ العرض خاااص فقط اللي يجيب لي وظيفه بالشروط التاليه: 1 حكوميه 2 رسميه 3 لاتقل عن المرتبه السابعه أو لاتقل عن المستوى الخامس، 4 نسائيه بحته وإن كانت مختلطه فتكون بقسم نسائي خاص، المؤهلات سأذكرها لاحقاً لصاحب الشأن فقط،، وسيتم التأكد من هوية صاحب الشأن ومكانته الإجتماعيه بطريقه خاصه يعني مو أي واحد راح يسأل عن المؤهلات على طول نسرد له قصة حياتنا وخصوصياتنا،، اكيد مافي احد يرضاها على نفسو!! يمكن فيه ناس على وجوههم استفهامات وتعجب عن سبب اعلاني،، وممكن يعني ممكن مش اكيد فيه ناس تحب التطفل ومتشبعه منو الى النخاع لأنو ترعرع على هذا الخُلق منذ الطفوله، وأنا أحب اريح الجميع واذكر السبب لإعلاني الجديد من نوعه،، والسبب هو : احنا مواطنات وبنات بلد نتعب ونشقى ونخسر واحنا متعلمين بحمدالهل ومعنا شهادات تشرّف ومالقينا وظائف نعيش بها متل باقي الناس، نجي نحلل او بالعربي نستفيد من تعبنا وهلاكنا ونعمل اعلان : خادمه للتنازل بسعر 30 الف ريال!!!! يجيك العالم تحاربك وتشتمك يا سااااااتر ب30 ياحراميه يامستغله يامفتريه!! وقد يكون منهم اصحاب شركات موظفات موظفين والشاهد ان الواحد مايقل راتبه (( الشهري )) عن 10 الف هذا اذا ماوصل عند البعض الدخل الشهري الى 50 او 100 الف يعني بالسنه نقول اقل واحد ياخذ 10 الف * 12شهر= 120000ريال هذا اقل واحد= واللي صعب عليه يقرأ الرقم نقول له : مائه وعشرون الف ريال__- بسم الله ماشاء الله اللهم لاحسد - 120000ريال ييجي او تجي تتهكم على & أم القمرين & اللي جالسه ببيتها تدبح نفسها مع عملاء من كل فج مانعرف الصالح من الطالح تواصل من داخل المملكه وخارجها ( تشتغل مغامره شغله مقرفه ومتعبه جدا جدا جدا لأجل لقمة العيش )!!! والا حرام علينا الربح والأتعاب وحلال على غيرنا!!! مع العلم اني ما سبق اعلنت ب 30 الف على خادمه الى اليوم، لكن جبتها كمثال، واللي ببطنو بطيخه وكل شهر يجيه مبلغ ثااابت ودسم وهو مرتاااح ويصرف راتبه له حتى بالإجازات،، مو متل اللي جالس 24ساعه على النت والجوال وجميع وسائل الإتصالات ومهمل بيتو ويخسر فلوسه وصحته ويوفر لناس عماله بيوم وليله بارده مبرده وهم مرتاحيين بالبيت عشان يشتمونه ويحسدونه على الف او الفين صاافي يكسبها ويمكن بالسنه يغطي اتعاب استقدامه وشغله 7 الف او اقل حسب الموسم مش 120000 ريال أو فوق مليون ثابته سنوياً!!!! والغريب ان اللي يقولوا المبلغ كتييير واحنا عندنا التزامات ومصاريف ارحموان اسعفونا اغيثونا حرام عليكم الإستغلال هم موظفين تلقى الحرمه والرجال على المرتبه العاشره!!! طيب احنا اللي ماعندنا دخل ثابت حتى 5 ريال بالشهر ماعندنا التزامات وديون ومصاريف؟؟!!! والا انتم حبايبي من بني آدم واحنا من جنس تاني!!! (( طبعا كلامي هذا للي يشتموني او يشتمون غيري فقط )) مانقول الا حسبنا الله وكفى وربي يوري كل انسان قدر النعمه اللي هو فيها عشان يحس كيف غيرو يتعب!!! ومن باب الطرفه اذكر لكم احد مواقفي: قلت خليني اشوف الناس كيف عايشه وكيف تشتغل وكيف تاكل لقمة عيش؟؟!! مره من المرات دقيت على محامي: السلام عليكم استادي أبو،،،،،، / عندي معامله حقوقيه ماليه وهي كالتالي: انا عندي مؤسسه تجاريه واحد من العمال سرق من عندي 5 الف ريال، بكم تعمل لي المعامله وتسترد حقي؟؟!! شوفوا الإجابه ياجماعة الخير واصحاب حملة 10 الف يكفي!! والله يالطيبه اتعابي هي 40 الف ريال!!! اسلم ربي يسلمك من كل شر،، واشكرك على تعاونك استادي انا ابغى تطالب ب5 الف ( خمسة الآف) حقتي وتاخذها هديه لك بدون مقابل او خليها صدقه للسارق احسن تكون كفاره لذنوبي يوم القى الله!!! ودعيت له ربي يبارك لك بعملك ومالك واستودعتو الرحمن وانتهت المكالمه، طبعا قال لي هذا المبلغ عشان المعرفه ولأجل انك بنت ناس معروفه يا ام عبدالله واحب اخدمك لكن متابعة القضيه هذي تكلف اكتر!!! هذا الحاصل وبدووون تعليق!!! (( قبل الختام للعلم عشان لايتطفل البعض ويتفلسف!!! صحيييح عندي مؤسسه رسميه لكن مافي احد يدعمني ولو بريال عشان اعمل مشروع وان وجد كلها ربا*ربا ولم ولن اقبل به!! أسأل ربي يغنينا بحلاله عن حرامه )) اتمنى اعلاني واضح للجميع ومافيه أي تجريح، ودمتم جميعاً بحفظ الله ومعيته، تحياتي وتقديري & أم القمرين & ,,,,,,,,,, |
|
05-14-2012, 03:49 PM
|
|
|
|
حاس بك في كل كلمه قلتيها فعلا مادام ماعندك راتب اكيد بتدورين شغله شريفه اعرف وحده تقرب لي قرابه مررررره متخرجه من خمسه عشر سنه من الجامعه ولا توظفت مابقى هجره ولاقريه في السعوديه ماراحت لها ولا حصل لها شيء على وقتها يقولون اذا قدممت في قريه الاولويه لبنات القريه واثبات اقامه كنها هندي ويتوظفزن بنات القريه وهي تقعد الحين جاء حفز وفرحت وطلعوا شرط العمر وطلعت منه لان عمرها فوق الخمسه والثلاثين وطلع جداره ولاوظفوهالانها موتربويه يعني من كل جهه هذي لوتجيب الشغاله وتبيعها بخمسين الف حلال عليها ام القمرين الله يرزقك الوظيفه الرسميه بس ابسالك عند قريب لي فيزه انددونيسيه كم تجيبينها له |
|
05-14-2012, 04:02 PM
|
|
|
|
كلامك كله على حق والله يرزقك الوظيفه الرسميه ويبارك لك فى ,,,,,, ....
|
|
05-14-2012, 05:21 PM
|
|
|
|
الرد مع اجمل التحايا
الأخوه الكرام،، أبو عيال،، نواف 11 دانه البراهيم ،، اشكر لكم مروركم الطيب واسأل ربي أن يفتح عليكم باب من الرزق اوسعه، يكفيني فخر شعوركم بالجسد الواحد والإحساس بأخوتكم الدينيه، مش متل بعض الناس نفسي نفسي او انو يقرأ موضوع اذا شاف الحق صدّ عنه وكأنو لم يقرأه واذا شافك تترزق ربك هجم عليك بكل ماعندو من همجيه !!! تحياتي وتقديري & أم القمرين & ,,,,,,,,,, |
|
05-14-2012, 06:52 PM
|
|
|
|
اسأل الله العظيم أن يفتح لنا ولك ابواب رزقه ولكل محتاج وان يرزقك بالوظيفة التي تتمنيها يااااارب
|
|
05-14-2012, 10:26 PM
|
|
|
|
الاخت ام القمرين انا ضد كل كلمه قلتيها ولا فيه اي موازنه ايش دخل الناس اللي متوظفه وظيفه حكوميه بوضعك وقاعده تقارنين وتشوفين كم الدخل السنوي ومدري ايش كانك نسيتي انهم يتعبون مع الطلاب ومجهود ومشوار واحيانا قريه يطلع الواحد من الفجر ويم كن صحراوي وووووانتي نايمه بفراشك لاقرف تدريس ولا غيره معليش اتمني الوظيفه بس لاتناظرين اللي مع الناس ترا القناعه زينه اخيرا تقبلي مروري
|
|
05-14-2012, 11:53 PM
|
|
|
|
|
|
اقتباس:
شرفني رفعك لموضوعي والإختلاف لايفسد للود قضيه، واحمد ربي اني ما اعرفك شخصيا كان اكلتيني وقلتي ام القمرين حاسدتني على الوظيفه ( لأن فيك وسواس الفلوس وحب النفس ذابحتك) !!! بسم الله علي من ,,,,, واهله ياعزيزتي،، موضوعي كالشمس واااضح ومايعرف اسراره الا اصحاب البصيره السليمه فقط!! اما غيرهم فحدث ولاحرج !! اذا انا نايمه واجيب خادمات ليش انت ماتنامي حبيبتي وتجربي شغلتي وتذوقي بنفسك عشان تجيك الفلوس الى حد مخدتك بالبيت بعدها تعرفي قيمة كلامك؟؟!!! ليش تشقي نفسك ياحياة قلبي وتروحي قريه ومع السواقين وبالصحراء كمان؟!! من حادك على المر كلو؟!! ليش ماتشتغلي متلي تنامي على المخده بدون وجع راس وبلبله عملاء ومشاكل خدم وتجيك الفلوس بااارده !!! شتاااان بين ردك وبين رد من سبقك من الأخوه والأخوات الكرام شتااان بين السماء والأرض !!! تقبلي خالص ودي، تحياتي وتقديري & أم القمرين & ,,,,,,,,,, |
| مواقع النشر (المفضلة) |
|
|
|
العرض العادي
