ملاحظة : الرقم خاص فقط بإعلانات العمالة المنزلية
|
|
الى سعد البداح لقد طفح الكيل
. . . . بجد مع نفسك يالبداح.. العالم محتاسة ومختبصة وأنت همك مكتبك الخاص ورايح تزور كينيا وأثيوبيا ومن زين الطبايع كاتب خبر عاجل في موقع اللجنة البداحية للاستقدام الى انت راز موقع مكتبك على عسم الموقع من عرفته "عاجل - جولة هامة للجنة في جمهورية اثيوبيا - كينيا" وطبعا هذا أهم شي سويته للاستقدام من أكثر من سنتين من 1430هـ لان مكتبك ماتعامل الا مع هالدولتين أو تحديدا ما شاف الخير الا معهم ولا تتوقع حاسدينك ترى ماهي تجارة اللي تعتمد على دولة مشهورة بمرض الايدز والثانية مشهورة بالنحشة من اول شهر !! سؤال هنا لماذا لم تزور سيريلانكا عند بداية مشكلة عزوف العاملات السريلانكيات وكذلك جزر القمر ودول كثيرة فتح الاستقدام منها ويحتاج الى تفعيل ومتابعة ؟ من جد مع نفسك يالبداح.. طبعا وأنت اغلى مكتب في الاستقدام من هالدولتين ومع كذا تبين للحكومة انك حريص على التوفير للمواطن بخدعاتك الباردة اللي تسويها مرة تكتب في دعاية مكتبك للاستقدام وتوظيف السعوديين ! والثانية يوم تطلب من اندونيسيا تخفيض سعرهم الى 6000 ريال وهم التكلفة عندهم غالية حوالي 5000 ريال وأنت تدري زين أنهم الدولة الوحيدة الى تدرب عمالتها قبل لا ترسلها ! طيب تقدر تقول لي ليش مكتبك يستقدم الاثيوبية بـ 9000 الاف ريال بدون التأشيرة وهي تكلفتها عليك ماتتعدى 3000 ريال ؟! أنا أقولك مع نفسك حبيبي مع نفسك |
|
|
ملك الدمعه صحيح ان سعد البداح مقصر وتقصير بداية الفشل العملي وهذا شي معروف بس للامانه موضوع سيرلانكا ولا أندونيسيا هو مايقدر يتدخل فيها تدري ليه ؟؟ لأن مشاكل هالدولتين عن طريق وزارة الخارجية بين السعوديه وسيرلانكا - أندونيسيا لأن سفارأتهم تابعه للخارجية وكلامك أنت في متمه صحيح ولا أتجادل معك فيه هو خصه الأستقدام فقط والسماح بالدول من الدوله نفسها ولا تعطيه أكبر من حجمه لانه هو مجرد مرسال |
|
|
المرسال طال عمرك له تأثير كبير قبل مشكلة اندونيسيا جلس اكثر من اربع شهور يطلع تصريحات تثير الرأي العام وتزيد التوتر بين البدين واذا ماكنت متابع لتصريحات ** اتوقع قوقل ماراح يقصر واول ماتبدأ ابدأ بموقع اللجنة الوطنية وشف وش الي كتب قبل المنع ولا تنسى ان كثرة الدق تفك الحديد وهذا يا استاذي العزيز لعب لعبته بذكاء على شان يوجه الاستقدام الى بلدان فيها ربحية له وللمكاتب الاخرى بدون رحمة ولا شفقة بالمواطن لذلك يالسنعوسي اقولك مع كل الاحترام والتقدير .... مع نفسك |
|
|
يوم الوطن اقرى الموضوع زي الناس بعدين علق عليه يلغالي انا كل كلامي على تصرفات وتوجهات رئيس اللجنة اللي لعب لعبة كبيرة الهدف منها تقفيل الدول اللي مايطلع منها فايدة كبيرة وعلى شان يون في معلومك انا اعرف راعي مكتب قال لي ان اللجنة ناوية عى تقفيلة اندونيسيا قبل لايصير هالشي بأكثر من 6 شهور |
|
|
يا ملك الدمعة : سعد البداح عنده مكتب للاستقدام اسمه قصر التعاقد للاستقدام في حي الملك فهد في الرياض فكنت لاحسب انك تقول ان اسعار الاستقدام في مكتبه غالي علشان كذا قلت لك رح لغيره من المكاتب وانا اعرف انه رئيس اللجنة الوطنية للاستقدام <<<< واغلب الناس يروح يستقدم من عنده برغم انه غالي شوي نظراً لانه رئيس اللجنة الوطنية للاستقدام <<<<< على اساس انه ثقة في المواعيد والتعامل فهمتني اما رد سنعوسي فاقول له لو شرحت لي بهدوء وبدون ضحك على اخوك ترى حتى لو كنت اجهل مع اني ما قلت شي غلط في الموضوع وترى مثل ما انت فاهم بالاستقدام قد تكون جاهل في علم من العلوم الاخرى هل ترضى ان يضحك عليك احد بالمجلس ضحك هستيري وانت قايل شي على اساس انه صحيح مع اني كلامي الان صحيح وقلت لك هو عنده مكتب اسمه قصر التعاقد وقريت الى سعد البداح وقلت اكيد انه مستقدم منه او لاحظ غلاء اسعار مكتبه اما الاخ رجل ثقة : ما اقدر اقول لك الا ان كبير باخلاقك . |
|
|
[quoteوعلى شان يون في معلومك انا اعرف راعي مكتب قال لي ان اللجنة ناوية عى تقفيلة اندونيسيا قبل لايصير هالشي بأكثر من 6 شهور[/quote] يا رجل ثقة : كنا نسمع بتوتر العلاقات منذ اكثر من سنة بسبب مشكلة اعدام الخادمة وادعاء اندونسيا بسوء معاملة الكفلاء السعوديين للخادمات الاندونسيات ومن سنة ونصف وهم يقولون بيسكرون الاستقدام من اندونسيا يعني الموضوع اتوقع سياسي لذلك يوم اقفل الاستقدام من اندونسيا كان شي متوقع من زمان بسبب المشاكل . |
|
|
طيب يعطيك العافية يايوم وطن ** الحين انا اقتنعت ان سعد البداح هو الرجل الافضل والاحسن ولا فيه اطيب منه وهو الي مشقي حالة كل يوم في كينيا واثيوبيا على شان المواطن وانا بكرة على شانك بروح اطبع تيشيرت عليه صورة سعد البداح واكتب تحتها الرجل الذي كويس وبين قوسين لا تزعل يا يوم الوطن |
|
|
|
|
اقتباس:
يا ملك الدمعه : هل تتوقع أن سعد البداح بحكم عمله رئيس للجنة الوطنية للاستقدام بيده ان يصنع قرار قوي وهو منع الاستقدام من اندونسيا ؟؟؟؟؟ موضوع منع الاستقدام من اندونسيا موضوع كبير يفوق سعد البداح ؟؟؟؟ قد يساهم سعد البداح لكن لابد من ان هناك اتجاه سياسي لاقفاله خصوصاً حسب ما سمعنا ان طلبات جاءت من الجانب الاندونسي بطلب صورة الكفيل وزوجته وطلب ان يكون يوم الجمعه اجازة لها وان يحدد لها ساعات عمل في اليوم محددة وان تذهب مع الاسرة في السفر وان تأكل مع العائلة ولا يوضع لها صحون وملاعق خاصه بها بل تأكل بملاعق العائلة بدون تحديد اواني خاصة بها وهو ما رفضه الجانب السعودي يعني كان هناك مجال للتفاوض وعودة المياة لمجاريها والمسأله اكبر من يتحكم فيها سعد البداح ايش سعد البداح هذا الي يقفل اندونسيا ويفتحها علاقات سياسيه خارجية والله ثم والله لا تربطني بسعد اي قرابة لكن اتوقع ان المساله اكبر من سعد بكثير على مستوى علاقات دولتين ببعضها البعض على العموم لا تزعل وانا اعتبرك ترى مثل اخوي الصغير ( الا اذا كان عمرك فوق 62 سنة ) فأكون انا اخوك الصغير |
مواقع النشر (المفضلة) |
|
|
|