مرحبا امس ذهب السائق وزوجته الخادمة اندنوسيين واعطيتهم خروج وعوده في 15 سبتمبر وفوجئت باتصال الخادمه اليوم من مطار جاكرتا تقول لي انهم اخذوا منهم التذاكر والورقة الخروج والعودة ولابد من دفع الفين وخمسميه عن كل واحد حتى يرجعوها لهم ويسمحوا لهم بالعودة طبعا الخادمة قالت لي تبين نرجع مدام لازم ترسلي لي الفلوس قبل مانرجع ورجعتهم بعد ثلاثة اشهر تقريبا في الحقيقة انا استغربت تصرفهم بالمطار وكيف ياخذوا منهم الاوراق وانا اول مرة يصير لي هالشي فارجو من لديه المعلومة ان يفيدني مشكور لاني محتارة ولا ادري كيف التصرف وهل هالاجراء مطبق عندهم شي جديد او مالسالفه وشكر اااا سلفا

تأكدي لا يكون نصب

أنا مرة قالت لي الشغالة كذا وبعدها مارجعت

أخذت ألف ريال قالت اجراءات وبعدها ماترد عالرقم

اختي والله اشك بالموضوع انه مطبوخ هنااك بين السائق والخادمه وهم في المطار
شكل الانتظار طول عليهم قامو بتاليف المسرحيه المحبوكه
نصيحة لاتستعجلين ولا تردين عليهم وعطيهم اسبوع
واسالي من هنا وهنا ..لانه بصراحه اول مره اسمع بها الشي
وبعدين اختي معروف وبالمنطق والعقل ..يعني لو مايبونهم يرجعون الا دافعين المبلغ مايصير وهم توهم واصلين
علي الاقل يصير هالشي وهم راجعين يعني وقت العوده..يعني واحد توه واصل لديرته معقول يقولون له تري مانرجعك الا انت دافع مبلغ كذا .. طيب افرض ان ماعنده نية رجووع
واضح انك طيبه وهم عارفين هالشي عنك علشان كذا نصيحة انتبهي ولا ترسلي لهم شي ابدا ..لان رجعتهم غير مضمونه

هلا اختي.
انا اتوقع انهم نصابين لاني اول مره اسمع بهاالكلام . وما اتوقع انه راح يصير .
ولكن انا ممكن اساعدك انا عندي صديق في اندنوسيا بجاكرتا لو كانو صادقين يروحو عنده وهو يشوف وضعهم ايش محتاجين باالضبط لو كانو صادقين.
وشكرآ

ام ملوكي
انتبهي فهذه احدى صور النصب والاحتيال

عزيزتي إذا تبين شوري طلبي منهم يدبرون هم المبلغ وإذا جاوا تعطينهم إياه بكذا يبين صدقهم من كذبهم .كانت عندي شغالة فلبينية أكدت لي رجوعها 100% علشان كذا سوينا لها خروج وعودة أثاريها طمعانة بفلوس العودة تفتكر انها بتستفيد منها *ما درت ان النظام القديم ألغي وما تقدر تبيعها *الظاهر انها مسويتها قديم.انتبهي منهم ومن حيلهم

لاتصدقينهم خدامة صديقتي سافرت قبل 3 شهور خروج وعودة ورجعت قبل اسبوع ولاقالوا لها في المطار هاتي فلوس ولاشيء .

إما انهم نصابين وبياخذون فلوسك ولاهم راجعين أو إن احد استغلهم وكذب عليهم بالمطار وهذا انتي ممكن تعرفينه هل السواق ذكي وماينضحك عليه او هو غبي ممكن ينلعب عليه بسهولة لأن هذي اول مرة أسمع انه فيه احد يسألهم في المطار عن اوراقهم حقت العودة أثناء الوصول .

لذلك قولي لهم ادفعوا انتم الفلوس وإذا رجعتوا اعطيكم اياها أذا كانوا صادقين بيدفعونها وإذا هم كذابين بيقولون ماعندنا فلوس وإذا تبيننا نرجع ارسليها لنا .

وانتي بدورك لاتنتظرين اتصلي بأي احد هناك إما السفارة السعودية او اي شخص قولي لهم يراجعونه وشوفي هذا ابو وسن يقول له صديق هناك ممكن يساعدك في المشكلة .

السلام عليكم ورحمه الله وبركاته
الخدامه والسواق صادقين و موب صادقين كيف بنشرحلك . فيه سؤال لكي اختي العزيزه هل الخادمه والسائق ذهبو الى السفاره الاندونيسيه وحصلو على كرت عمل للعوده للسعوديه ام لا اذا كان لا ففعلا كلامهم صحيح اما اذا كانو ذهبو للسفاره الاندنوسيه و اخذو منهم تقريبا مائه ريال وطلبو منكي مال فهم يحاولون الاحتيال عليكي وشكرا

بتطيعين شوري لاتقولين لهم ادفعوها وانا اعطييكم لانهم بيقولون دفعناها وبيرجعون وبياخذونها منك

المشاركة الأصلية كتبت بواسطة ابووسن

هلا اختي.
انا اتوقع انهم نصابين لاني اول مره اسمع بهاالكلام . وما اتوقع انه راح يصير .
ولكن انا ممكن اساعدك انا عندي صديق في اندنوسيا بجاكرتا لو كانو صادقين يروحو عنده وهو يشوف وضعهم ايش محتاجين باالضبط لو كانو صادقين.
وشكرآ

مرحبا اخوي والله احترت فعلا هل معقول يكونون نصابين والله ماقصرت معهم ابدااا حتى تذكرة من جاكرتا لديرتهم عطيتهم فلوسها ’وبالنسبة لصديقك الله يعافيك ارسل لي رقمه وهو بيكون موجود بسبتمبر لان رجعتهم بهالشهر

والله يعطيكم العافيه الي ردوا لاني فعلا بحاجة ماسة لهم وهم عارفين هالشي لان رجعتهم على المدارس وانا موظفه وعندي اطفال صغار

المشاركة الأصلية كتبت بواسطة تجاره

السلام عليكم ورحمه الله وبركاته
الخدامه والسواق صادقين و موب صادقين كيف بنشرحلك . فيه سؤال لكي اختي العزيزه هل الخادمه والسائق ذهبو الى السفاره الاندونيسيه وحصلو على كرت عمل للعوده للسعوديه ام لا اذا كان لا ففعلا كلامهم صحيح اما اذا كانو ذهبو للسفاره الاندنوسيه و اخذو منهم تقريبا مائه ريال وطلبو منكي مال فهم يحاولون الاحتيال عليكي وشكرا

اهلا اخوي هم راحوا للسفارة عشان يجددون الجوازات حقاتهم لانها خلصت بس مادري عن سالفة كرت العمل ذي انا كان عندي اول سواق وشغاله راحو مرتين ورجعوا ولا عمرهم راحوا للسفارة قبل السفر طيب كرت العمل ذا اذا ماتسدد بالسعوديه ياخذون منهم كل واحد الفين وخمسميه مو مبلغ كبير انا والله لازلت في حيرة والله

المشاركة الأصلية كتبت بواسطة ام ملوكي

اهلا اخوي هم راحوا للسفارة عشان يجددون الجوازات حقاتهم لانها خلصت بس مادري عن سالفة كرت العمل ذي انا كان عندي اول سواق وشغاله راحو مرتين ورجعوا ولا عمرهم راحوا للسفارة قبل السفر طيب كرت العمل ذا اذا ماتسدد بالسعوديه ياخذون منهم كل واحد الفين وخمسميه مو مبلغ كبير انا والله لازلت في حيرة والله

إذا كانت جوازاتهم منتهيه وراحوا علشان يجددونها فهم بياخذون منهم مبلغ على التجديد يمكن هذا هو المبلغ اللي قالوا لك عليه . ليه ماجددوا جوازاتهم من هنا من سفارتهم قبل مايسافرون مادامهم بيرجعون ؟
أنا سواقي كان بيسافر قبل 6 شهور قالوا له السواقين يجدد جوازه من هنا قبل مايسافر لأنه اذا كان باقي بجوازه 3 شهور عند الرجوع مايخلونهم يرجعون للسعوديه إلا بعد التجديد وبياخذون منهم ميلغ كبير اعتقد 1000 ريال او اكثر على كل جواز
فهم إذا كان هذا هوالسبب لطلب المبلغ ممكن يطلبوا منهم تجديد جوازاتهم لأقل مدة ممكنة علشان تكون ارخص وإذا جوا هنا يجددونه عند السفارة الأندونيسية لمدة سنتين اعتقد بتكون بسعر أقل من 100 ريال .

وبعدين المفروض تجديد جوازاتهم عليهم موعليك لكن انتي ممكن تساعدينهم بجزء من المبلغ كصدقة .