الصراحه أنا قريت موضوع عنوانه "ليه كذا" في هذا المنتدى الغالي والذي إستفدنا منه كثيروأثارني لكتابة مشكلتي ومشكلة الكثير منكم في الحصول على العماله المنزليه وتفاصيل العنوان أنه ليه صار المنتدى مافيا وسوق سوداء لأصحاب مكاتب الإستقدام والمستفيدين من حاجتنا للعماله المنزليه ورفع الأسعار لو أتزوج بالمبلغ هذا أفضل على الأقل زوجه وتخدمك ياسلام .
بإختصار هذي نتيجة تساهل وزارة العمل مع مكاتب الإستقدام وعدم تطبيق الأنظمة الرادعه في تلاعبهم وإستخفافهم بالمواطن واللحين صاروا مكاتب الاستقدام ضد وزارة العمل إنقلب السحر على الساحر وأنظمتها ومو عاجبهم شي كل ماأصدرت نظام في صالح المواطن إعترضوا عليه .
بإختصار إذا وزارة العمل جاده في حل مشاكل العماله المنزليه يوجد حلول بسيطه ومجربه في دول مجاوره وجابت نتائج طيبه وحلت كثير من المشاكل :
1- مخاطبة السفارات في الخارج وطلب منهم توضيح تكاليف ومدة وإجراءات الإستقدام ( التدريب -الكشف الصحي - التأشيرة - التذكرة ... الخ ) من المكاتب في الخارج وذلك بالتنسيق مع مكاتب العمل بالدول المصدره ويكون بخطاب رسمي علشان يلزقونه في جبهة مكاتب الإستقدام الي غاثينا بكثرة تذمرهم ولو قلت لمكتب أطلع من السوق وأعطي فرصه لغيرك ماطلع وراضين حنا يأخذون مكاتبنا فائدة 25 % أرباح الله يرزقهم .
2- فتح الإستقدام الفردي ويكون العقد الموحد هو الي يحفظ حقوق العامل والكفيل وكلنا نكون تحت مظلة وزارة العمل ولا يكون فيه حكر لمكاتب الإستقدام وأسعارهم المبالغ فيها ولا نكون تحت مماطلتهم .
3- وضع نظام موحد لجميع الدول المصدره تحفظ حقوق العامل والكفيل وذلك بدراسة التجارب السابقة والمشاكل الحاليه وعدم التخبط والإجتهادات الفرديه وإرسال ذو الكفاءه المتخصصين في المفاوضات والتي ليست لهم مصالح شخصيه .
أنا مدري ليه كثير من الدول المجاروه أقل منا سعراً وأقل مده ولا يوجد عندهم أزمة إستقدام وحنا من جرف لدحديره .
نقطه أخيرهـ في غاية الأهمية لابد نراعي حقوق العماله ونخاف الله فيهم كما أمرنا رسولنا عليه الصلاة والسلام ومراعاة الله فيهم بدن مبالغه مفرطه.
أعتذر عن بعض العبارات ولكن فيض من غيض ولكم فائق التحية والتقدير .

أحسنت أخوي أبوخليل بطرحـك إلا فقرة تتزوج وتخدمك يعني ناوي التعـدد على أم عيالك !!!
أه منكم يا الرجال تخوفون ...