تراني كنت متوقع مافي احد راح يرد على الموضوع
لا من الخبراء ولا اصحاب مكاتب الاستقدام و لا من من أصحاب الأجر اليومي
السبب ليش مايردون على الموضوع ؟؟؟؟!! هم يعرفون السبب ...... وهم انا اعرف السبب
على العموم حصل خير وثقتنا كبيرة باالمنتدى و طبعاً ما في اي شك من حق الاعضاء يكونون بالصور
و نشجع فكرة الاستقدام بنفسك دون وسيط وتفتك من المواعيد الكذابه والخداع والنصب والاحتيال وناس تعيش بصحه وسلام
مع كل الحب والتقدير للأستاذ صاحب الموضوع اخونا خالد وجعله الله في ميزان حسناتك
يللا نبدا الموضوع
اليوم بحاول إني أنزل كل الخطوات اللي تتبعها لإستقدام العمالة الاندونيسية دون مشاكل واتمنى مايطوفني شي واللي برضو حابب يضيف شي نسيته ولا يفيد الاعضاء رجائي لا يتردد ولا يحرمنا من الفائدة .
أول شي لازم تكون مجهز أوراق من السعودية معاك وهي ورقه الفيزا ( التأشيرة ) ويكون لونها أصفر اللي تستلمها من مكتب العمل بالسعودية بعدين اذا كنت وكيل سواء وكيل شرعي ولا أي شي المهم اذا انها مو بإسمك لازم تكون معك وكالة من كتابة العدل بالسعودية ولا راح تتعطل معاملتك أو بالأحرى ماراح تمشي .
وبعد كذا أول شي تسوية تروح للسفارة السعودية اذا وصلت جاكرتا وتسوي وكالة برضو للمكتب الاندونيسي اللي راح يرتب لك موضوع العمالة واللي راح تختار منه عمالتك .
وبكذا نصير مجهزين 3 أوراق :
1- ورقة التأشيرة من مكتب العمل بالسعودية .
2- الوكالة في حال ان التأشيرة مو بأسمك .
3- وكالة السفارة السعودية لصالح مكتب خدمات لإستقدام العمالة ويكون اندونيسي .
وهذي صورة للأوراق المذكورة
هنا صورة السفارة
اللي تحرص عليه وانت رايح للسفارة يكون معاك جواز الاصل أولا ثانيا اذا أخذت الوكاله منهم إحرص على انهم يعطونك اياها دون كتابه اسم مكتب ولا يحدونك على مكتب معين *
وهنا تلاحظ اسم المكتب وين بالوكالة
والملاحظة اللي تحت ضرورية
واحرص على ان الاختام والتواقيع كامله قبل خروجك من السفارة لأنك اذا نقصت راح ترجع لهم هههه
بعد كذا اذا تحب عند السفارة قائمه بجميع مكاتب الاستقدام اطلبها منهم وخذ منها أرقام المكاتب واساميها واذا انك تتعال مع مكتب معروف أحسن لك وأظمن للسرعه الانجاز وتحاشياً للمماطله مستقبلا .... إحرص على المكاتب المجربة .
بعدين ابدأ برحلة البحث وفعلا أنا سميتها رحلة بحث لأنك راح تتعب على بال ماتحصل شي وأغلب المكاتب فيها شي بس مثل قلتهم ... ماينفع وخاصه اذا أنك حاص في بالك مواصفات معينه مثلا انجليزي ولا طباخه رقم واحد ولا أشياء زي كذا ...
على العموم من مصطلحات المكاتب المستخدمه :
N
يعني لم يسبق لها العمل ( يعني زي قولة جديد )
X
سبق لها ( أول له ) العمل
والسفارة راح تنصحك بشارع إسم باريس وهو شارع بحكم كلامهم كله مكاتب استقدام بس رحت للشارع هذا ولا حصلت شي يستاهل العنوه واخترت مكاتب معروفه عندي مسبقا .
ولو رحت للشارع وقلت لي كيف أعرف .... بقولك امش بالشارع وراح تلاقي لوحات المكاتب وعليها كتابة باللغه العربيه وزي اذا لقيت أحد يتكلم عربي بعد وكيف عاد اذا المكتب ماعليه لوحه باللغه العربية يعني اغسل يدينك منه الى اذا معاك مترجم
وأول شي تدخل المكتب وتطلب منهم المواصفات اللي تبيها منهم الخاصه بالعمالة
وانا أخذت لي لفة على المكتب الاول ولقيت غرفه سكن العمالة اللي تنتظر فرص العمل
وطلبت منه ملفات اللي قد جو وسجلو طلبات وأوراقهم جاهزه للعمل
ويكون الملف بالشكل هذا وفي صورة جوازة وجميع اجراءات سفره بس ينتظر الوكاله الخاصة بالمكتب من السفارة وأوراق التأشيرة
اذا إخترت العمالة المناسبة إحرص على أخذ صورة للعامل أولا على شان مايجيك واحد غيرة .
ثانيا إحرص على كتابة وصل بالمبلغ المستلم وتفاصيل الاتفاق المبرم معاه وعلى فكرة برضو إحرص على ذكر ان العقد الخاص بالمكتب اللي بالسعودية عليه مو عليك يعني أنت بس عليك الفيزا و عقد المكتب السعودي عليه .
ثالثا خليه يختم على الوصل هذا نفس الختم اللي على الوكاله اللي تبي تعطيها اياه حقت السفار ةعلى شان اذا إخلف معاك بشي تشكيه على السفير ويوقف مكتبه من الاستقدام للسعودية لحد ماتنحل مشكلتك .
زي اللي بالصورة هذي
وهذا السعر شامل جميع اجراءات العماله من تذكره خط سير واحد للسعودية الى جميع طلبات حكومه اندونيسيا
وهنا وحنا طالعين من المكتب