السلام عليكم
انا شريت خادمه وكانت عندي خادمه ايجار لما انتهت الإيجار رجعته لأهله
ثم بدت السلبيات تظهر ماتبي تسوي اي شي بس تأكل وتسمع اغاني وتنام
قلنا له كذا ما ينفع انتي جايه لشغل ولا للاغاني وعدم النظافه
قالت يشتغل مع العلم ان قبل الاتفاق كلمناه اهم شي النظافه قالت طيب
الزبدة ان راسه ياااابس تسمع من هنا وتطلعه من هنا وتكذب
جتنا عزيمه وهي تتهرب عن الشغل تدخل المستودع وتغيب وتراعي للجوال
قلنا نمشي حالنا لين نقدم وهذي ندبره مؤ مشكله
الصبح ندوره مااالقيناه
تم الاتصال ع الكفيل قال ببلغ
كلمناه اليوم قال مافي بلاغ يوم جمعه !!
بهالحاله ما الإجراء مع العلم لم تنقل الكفاله للان
فلوسي وش وضعهن ضربه مؤ شي شوي والحين لا شغاله وحالتنا حاله

اقرب مركز شرطه بلاغ ع هروب الشغاله وبلاغ ع كفيلها
الدنيا ماهي فوضه والكفيل ملزوم يرجع لك فلوسك

إذا كانت لديك الإثباتات وورقة التنازل من الكفيل الأول بلغ الكفيل مرة أخرى إذا لم يتعاون معاك اعمل شكوى عليه في الجوازات والشرطة .

أما إذا ليس لديك أي إثبات فالله يعوض عليك.

الا موجوده عندي ورقه إيصال بالمبلغ المستلم للكفيل
بهذي الحاله يكون لي الحق انه يرجع لي فلوسي؟؟

الشغالة اللي كانت عندكم هي اللي شجعتها على الهروب
ومدحت لها الشغل الحر ...ياكثر ما تصير ان الشغالات يخربون بعضهم
وبعض الاحيان عمال البقالات يشجعون الشغالات على الهروب ولهم عمولة ...

اللي يبي شغالته ماتهرب لايخليها تختلط مع الشغالات ولاتفتح الباب للعمال ...
عشان ما أحد يفتح مخها للهروب والعمل الحر

لا لا الخادمه المستأجرة من جنسيه اخرى ولا تعرف كلامه وتخاف منه
اما البقالات لا تجينا ولا شي ولا يجينا عماله الا احد معه ..
لكن هي بالعربي جايه بس تبي تاخذ فلوس وتأكل وتنام