ملاحظة : الرقم خاص فقط بإعلانات العمالة المنزلية
|
|
سواقي الهندي تكبر ويبي يرووح
السلام عليكم اخواني لمن لديه الخبرة عندي سواق هندي استقدمته قبل سنتين جديد مايعرف شي. وجبته اصلا للمدارس. اخواني واخواتي. وملاحظ عليه انه. بس وده يودي المدرسة ويرجع لغرفته اذا طلبته. او راحو الاهل السوق. يتكثر. هذا بعد. سنه. مو يوم جبته. وبعده قام يقول يبي زيادة راتب علما انا اعطيه 1200. ويقول كل السواقين 1500. المشكلة. مو فاهم. السواقين الي اعرفهم يكدون ويغسلون حوش و4سيارات. وهذا. يبي يودي مشوار واحد. ويبي زيادة. مع العلم بيتي مافيه غرفة هو ساكن مع 2 هنود بالحارة. قريب يعني غرفة صغيرة. البارح يقول خلاص مابغى شغل. ونفخت عليه قلت كمل لين اقامتك تنتهي واسفرك. مع العلم ان اقامته تنتهي شهر 4 هجري. وش. رايكم اذا طلب يروح يسافر على حسابه طبعا. والا اخليه لين تنتهي اقامته واسفره. بلا رجعه |
|
|
وهو الصراحة محترم ويصلي ويخاف الله. لكن. بالمشاوير احسه ميت. ماهو حرك
|
|
|
اذا كمل سنتين لا بأس يحق له زيادة طبعاً بالاتفاق بين الطرفين ... مع ضرورة توضيح جميع الأعمال الي المفروض يسويها و هو مايسويها مقارنة بغيره من السواقين ... |
|
|
اخوي نصيحة مثل هذا حرام تزيد راتبه بالوقت الحالي ..صحيح انك محتاج له لكن حاول تقنعه بالكلام اللي شرحت لنا..لو اقتنع زين علي زين رواتب الهنود مهوب صحيح 1500 ..كلهم يجون ب 1100 و 1200 للي ماسبق له العمل..واللي سبق له العمل راتبه من ال 1300 وحواليها ..لاتصدق الكلام اللي ينقال يمين ويسار .. نصيحتي اذا كمل سنتين ورجال عرف بيتك وانت مرتاح له من ناحية الامانه اللي هي اهم شي ..عطه زيادة 100 ريال بشرط يغير سلوكه..لكن حاول يكون هالشي بالاجازة الصيفيه علشان لو ماوصلت معه لاتفاق تسفرة وتجيب بداله ..الهند سكانهم 700 مليون ..بتلقي الاحسن والاميز ...تحياتي |
|
|
شكرا لكم
شكرا لكم وعلى نصايحكم وفقكم الله
|
مواقع النشر (المفضلة) |
|
|
|