أحبتي الأفاضل
السلام عليكم ورحمة الله وبركاته
لي فترة وانا اتصفح هذا المنتدى العريق والذي يحتوي على الكثير من المعلومات
والترابط الجميل بين الاعضاء وكنت أشعر بأن سيأتي يوم واحتاج رأيكم ومساعدتكم

مشكلتي في أنني طلعت تأشيرة سائق مصري
لأجل يوصل بناتي للمدارس ورحت لشايب مصري شغال في قرطاسية وطلبت منه يشوف لي احد من اقاربه ممتاز وعلى معرفته وقال لي عندي أخو المدام راجل محترم وعاوز يشتغل بس خلي راتبه 2000 ريال

قلت له حاليا ما اقدر على 2000 ريال بس بعد كم شهر ممكن ان شاء الله

قال لي انت جيبه ويشتغل عندك الصباح وتعطيه الف ويشتغل عندي بالمساء واعطيه الف

هنا حسيت ان في شي ما هو صح قلت له لكن لو اتحسن وضعي راح اسحبه عندي دوام كامل قال خلاص اتفقنا

وأهم شي قال لي لو كنت مش عاوزه اعطيك 8000 ريال وانقل كفالته على راعي المكتبة


جبنا الرجال وحلس عن الشايب هذا حوالي اسبوعين الين خلصت اموره من اقامة ورخصة وطلعت سيارة اتش ون هونداي نظام تأجير وقلت له الان احتاجه توصيل مدارس ومشاوير للجيران بالمساء

راتبه 1500 + 500 ادفعها للسكن وجهزت له السكن بفرشه

والمشاوير والمدارس له فيها الثلث وثلث لي وثلث للسيارة

ما كملنا شهر على الاتفاق هذا لان الاخ يبغى يروح يشتغل حر من بعد العصر
وشرطه اني ما اسأل عنه هو فين او حتى ما اسحب منه السيارة

وانا رفضت هالفكرة اليوم فاجأني يقول ابغى خروج نهائي لان كذا الوضع صعب عليا والشايب اللي في المكتبه قال ما عندي فلوس لنقل الكفالة عاوز تخليه كذا يشتغل براحتك

أيش تنصحوني اسوي ؟
هل اقدر استرجع مبلغ الـ 2000 ريال حقت التأشيرة لأنه دخل المملكة يوم 20 صفر 1437

وهل قيمة التذكرة عليا أو عليه ؟

كم المدة اللي مسموح يجلس فيها بعد طلبي للخروج النهائي من موقع أبشر؟

وشكرا مقدما لكل من يبدي لي نصيحه

وعليكم السلام ورحمة الله وبركاته
مرحباً بك أخي الفاضل بين أخوتك
ورأيي في الموضوع : بالنسبة للسائق قد يكون معه حق لأن نيتك تغيرت بدل ما تشغله لك خاص لبيتك صار يشتغل عام لك ولغيرك وهذا هو سبب رفض السائق حتى ما يكمل معك ***
وبالنسبة للتذكرة وقيمتها بتكون على السائق لأنه هو اللي رافض العمل ***
وقيمة التأشيرة الله أعلم لا تسترد لأنك طلعت إقامة للسائق والله يعوضك خير ***
ورأيي يحتمل الصح والخطأ _ وحياك الله ونورتنا بتواجدك في المنتدى ....

هلا فيك اخوي متابع بصمت
واشكر لك مشاركتك وبيض الله وجهك

واصلا والله انا لا غيرت نيتي ولا شي انا سويت شي هو اللي طلبه
بأن وده يشتغل في توصيل المدارس والمشاوير
لكن المصيبة يبغى على سيارتي والدخل يبغاه له لحاله وفوقها انا اعبي بنزين وصيانه واعطيه راتبه اخر الشهر

والحين هو عند نسيبه ويقول سكره مرتفع وما يقدر يشتغل
والله ودي اسوي له خروج نهائي واريح نفسي
بس شايل هم يكون بيضحك عليا وجا السعودية وسافر بدون ما يخسر شي
تأشيرة وتذاكر بلاش ومغادرة بلاش

ما اقول غير اللهم دبرني فإني لا أحسن التدبير

العفووو يا غالي ووجهك أبيض ...
مادامت هذه نيته سفره وفك نفسك منه ومن شره هذولي وأنا أخوك ناس شبعانه ما هم بحاجة للعمل وبكرة بيقولك أبي أخذ عمرة قبل لا تسفرني ههه ...!!!
ولمشروع توصيل طالبات المدارس أتوقع السائق السوداني يا زول زين باله طويل وصبور ....
والله يوفقك وييسر لك الخير .....

لا ابشرك اول ما طلعت له الرخصه عطيته سيارتي وقلت له روح سوي عمره وادعي لي معاك
راح واستانس بس الظاهر انها غلطتي لان الناس قالوا لي بكذا بيكبر راسه عليك وتشوف انواع الطلبات والدلع

وفكرة السوداني سمعتها والله من كثير ورايك زادني ثقة الله يسعدك

واشكرك مره ثانية

تحيتي لك

شكلك طيب واستغلك هذا هم اتق شر من احسنت اليه
شوري سفره ولاعليك منه ولانه رافض يتحمل تذكرته انت مارفضته
وبلغ الشرطه عليه عشان تخلي مسؤليتك وعلمهم بكل شي وقوله
ولاعليك منه لان هذا المصريين الا من رحم ربي استغلالين درجة اولى حلوة ذي
يعرفك تعرفه هلي يبي تعطيه سيارتك ويسترزقك ويبي بعد راتب الطماع
الله يخلصك من القصه باقل التكاليف واستخير ربك راح يكفيك مااهمك
بس نصيحه صبرك على نفسك ولاصبرك عليه سفره ومن الوجة للوجه ابيض ومعوض خير