 |
 |
 |
 |
 |
 |
 |
|
ملاحظة : الرقم خاص فقط بإعلانات العمالة المنزلية
11-06-2012, 05:07 AM
|
|
|
|
شغالتنا الاثيوبيه مسويتلنا سحر [ مشكله قائمه ]
السلام عليكم ورحمة الله وبركاته اخواني واخواتي .. اهلي استقدمو شغاله عن طريق شخص اعتقد مو مكتب المهم الشغاله مرفهه درجة اولى صا لها 9 اشهر تقريبا عندنا اكل يوصل لحدها .. واذا ماوصل لحدها يكون جاهز في الصينيه مع العصير بس هيا تجي تاخذه رواتب كل شهرين .. يتم التحويل لحساب زوجها .. ورسوم التحويل علينـا مانطلب منها ريال واحد كسوة العيد من حسابنا الخاص مكالماتها الدوليه كل شهر تقريبا على حسابنـا والين تخلص .. ماحد يلزمها بوقت لانهاء المكالمه واحيانا لو خلص الشحن الوالد الله يسامحه يشحن ويعطيها تكمل وفي كل مره نحول لها الرواتب تسوي لنا مناحه وبكـا ومافي فايده شغل وماتشتغل يوم كامل وتجلس تصرخ على امي وتبكي عند الوالد .. تقول المبلغ مااتحول كامل .. انتو حراميه ونصابين بابا طبع لها العمليات من البنك .. لكن فهم الجدار يفهم وهي ابداا مافي مخ .. طبعا ماتشتغل تمام ... كله غشش في غشش .. و على مزاجها .. امي تقلها ليش مانظفتي .. تقول خليه فالصباح اسويه طول وقتها نوم وتسدح .. وايام دورتها الشهريه اذا كانت مريضه امي مسكينه تحزن عليها تقول خليها حرام .. وتغسل الصحون عنها تطلع معانا حديقة عامه وتشم هوا .. معاملينا كانسانه .. مو كخادمه او حيوانه امي دائما تقول ارحمو من في الارض يرحمكم من في السماء .. وانا كنت احاسب الخادمه على غششها .. الكوي مكرمش محد يكلمها .. الارضيه تمسح الوسط .. والباقي كيلو غبار .. ماتبغى احد يقولها امسحي كانت رافضه اول ماجات اننا نسوي لها الكشف الطبي حق الفيزا اعتقد .. مااعرف فهذي الامور .. وجلست تبكي وتصرخ جبنا لها صاحب اخويا على اساس انه من البوليس وهوا يعرف للغتها .. وكانت تقول لها انهم طيبين وانا ماابغى اشرد بس ماادري ليش كدا تسوي المصيبه العظمى اني سرت احلم فيهـا .. وابدا مو قادره ابلعها وحلمت ان بيتي مسروق ... المهم .. قررت تفتيش اغراضهـا .. وهنا كانت المصيبه .. لقيت عندها ورقه طباعه عاديه .. راسمه فيها طلاسم وكتابات و ارقام ومقفلتها بقطع علك ... فتحتها لقيت صورتي .. وصورة امي .. ولقيت بنطلوناتي فاغراضها .. وعطر جديد من عطوراتي فتحته من الكرتون وسارت تستخدمه .. وتيشيرت رياضي لاخويا .. و ملابس لامي .. وشراريب لاخويا كلوووو فستين داهيه .. ماهمنا .. لقيت عندها تنورتي .. في المطاط اللي في الخصر طالعه خيوط رماديه .. هذا كله يوم الاحد اخذناها للهيئه امس الاثنين الصباح .. وقال ال,,, انه سحر .. وعلمنا طريقة فكه .. والحمدلله خصنا امس جا ولد خالتي يكلمها .. وجاب لها ورقة العمليات تبع البنك .. وقالها هذي مو رواتبك كامله استلمتيها ؟ قالت ايوة .. طيب ليش السحر . تقول اش سحر انا ما اعرف اش سحر تقوله ابغا راتب هذا الشهر فينو؟ قال ماشاء الله تسويلهم سحر وكمان تبغي راتب ؟؟ والبنطلونات تقول اخدتها عشان ماعندي ... قلت لها ليش ماطلبتي ؟ فالعيد اشتريت عبايه .. ولمن كوتها وعلقتها قالت لي ابغى زي دي العبايه .. والله عطيتها هيا .. قلت خلاص خذيها ... قلتلها عبايتي حق العيد اعطيتك هيا .. اكسسوار العيد اشتريتلك .. ملابس العيد جاتك .. طرح اشترينالك .. ليش تسرقي؟؟ لو طلبتي كان جاكي والصور تقول هيا اخدتها عشان تشوفها .. امي تقول والله اقطع ذراعي لو ماكنتي خريجة سجون .. اقلكم مهي خايفه .. وبالعكس تنافخ وتصرخ .. وتشمق وتمد رجلها وتحط رجل على رجل .. وتقول انتو حراميه ... هذا كله وهيا مو حراميه احنا حراميه .... انصحونا ... نبغاها تروح بلا رجعه ... دام فيها سحر .. ونفسي تتعاقب .. لان اذا راحت كذا بسهوله رح ترجع عند غيرنا وتضرهم .. الشرطه قالو مو شغلنا الهيئه قالو مو شغلنا اجل شغل مين ؟؟؟ هذي مو استخدمت السحر .. مافي عقاب لها ؟؟؟؟!!!! 
|
| مواقع النشر (المفضلة) |
|
|
|
العرض الشجري