 |
 |
 |
 |
ملاحظة : الرقم خاص فقط بإعلانات العمالة المنزلية
08-13-2012, 10:40 AM
|
|
|
|
خادمتي الفلبينية زوجها بالرياض و كل اسبوع تبي تشوفه
خادمة فلبينية مسلمة نقلت كفالتها من مكتب استقدام قبل خمسة شهور، جدا جدا ممتازة من ناحية الطبخ وشغل البيت والتنظيف وحتى الاهتمام ببنتي (عمرها سبعة اشهر). لكن المشكلة طلعت لي هالاسبوعين بموضوع ان زوجها بالرياض (عامل بشركة) وتبي يوم بالشهر تطلع له قلت لها يصير خير وسحبت عليها ، واللحين غاثتني تقول ابي بالعيد اروح له لو يوم - طبعا انا طلبت منها انه يجيب اوراق تثبت انه زوجها - وتقول موجودة الاوراق . بصراحة انا ما احب حركة انها تطلع مع زوجها ، خير ان شاء الله تخيلو لو حملت منه  اخاف اقول لها لا وتقلب على بنتي بحكم اني موظفة بمستشفى ودوامي طويل ولا تنحاش ... ما ادري وش اسوي ؟  ايه وغير كذا تقول انتي وصليني الين المكان (الشقة ) واذا تبين تدخلين معاي تتاكدين تعالي واذا خلص اليوم تعالي خذيني من نفس المكان! تقول ان في نفس الشقة فيه اللي فيها زوجها تقول بيجتمعون شغالات فلبينيات من اقاربهم بالعيد (عشان كذا تبي تروح) قلت وشلون يعني هم شغالات ؟ قالت ايه ، قلت طيب يعني كفيلهم بيخليهم يطلعون بالعيد ؟ قالت: هم كفلائهم يحبونهم لانهم خدمو عندهم فترة طويلة ومااعطينهم فيزا ويجددون لهم كل سنه. قلت طيب كيف ياكلون ويشربون ؟ قالت: يشتغلون بالايجار بالشهر واليوم  - طبعا انا ما صدقت كلامها ومتاكدة انهم هاربات وهذا الفلبيني مااخذهم عنده وياجرهم بالشهر ويتكسب من وراهم.تخيلو لدرجة انها تقول لي ان وحدة من ذولي الخدامات ولدت ، قلت وشلون بمستشفى ؟ قالت لي لا ، فيه فلبينية نعرفها تشتغل بمستشفى وتجي بالطلب ومعها كامل عدتها وتولد وتاخذ فلوسها وتمشي !! تخيلو .. مرا انصدمت من كلامها .. عايشين وفالينها ولا احد داري عنهم. ارجو الاقادة ؟ هل ابلغ عليهم وكيف ولا وش اسوي ؟ |
| مواقع النشر (المفضلة) |
|
|
|
العرض الشجري