ملاحظة : الرقم خاص فقط بإعلانات العمالة المنزلية
|
|
ام محمد عنيزة انتي قريتي ردي كوبس طيب ليش ماقريتي رده هو اعترف وارجعي لصفحه الاولى تلقين ردهاا واجاب بنعم وماقلنا شي بتجربه نعطيه انبغا حق شهرر لكن ياخذ المبلغ كامل انا والله حصل معي كان عندة شغاله وقلت ابجي اخذة قال طيب لكن جب ال13000الف ونكتب عقد بالمكتب وتعريف براتب وسالفه طويله قصيره قلت طيب اول شي ابجربه اذا اصلحت انا عطيتك المبلغ واذاا مالصلحت عطيتك حق التجربه رفض جداا حاولت اقنعه اني اعطيه 500ريال لين اشوف شغل الخادمه ايضاا رفض طيب وين كلامك الي تقولين مايحب الفلوس ولاهو استغلالي انا ماقولك ان مافيه احد مايحب الرزق لاكن مو بها الطريقه وستغلال حاجة الناس اللهم عطنا على قد نياتنا واسعدنا بدارين وعسى من يزكي شخص ويتكلم عنه ويتفلسف وهو كاذب ان الله يبتليه بنفسه ويحرمه السعادة طول العمر انه ولي ذالك والقادر عليه اللهم في هذة الجمعه اجب اللهم اجب
|
|
|
كل مكاتب الرياض اللي سبق إني أخذت منهم نفس الطريقة يأخذون المبلغ كامل لأنهم مايبون وجع الرأس وملاحقة الناس لأن فيه ناس كثير فعلا نصابين يأخذون الشغالة على إنها تجربة ولا يرجعونها .. والله مانلوم المكاتب , الله يعطي كلا على قد نيته |
|
|
سبحان الله هالمكتب كانت سمعته زينه بس بالاخير صاير يستغل الناس قعدنا 4شهور وزياده ماجت خدامتنا ويوم جت مونفس الشروط وتبهذلنا منه كل يوم ياجرها باسم التجربه للناس وياخذ كل يوم حق الاجار وبالاخير باعها وماعطانا ورقه نقل الكفاله زهقنا من المطالبه والصراحه الرجال محترم ويتعب بارضاء الناس بس ماوصل للمطلوب صراحه تحسفت بالتعامل معه0
|
|
|
الفلوس تغير النفوس وغير هذا كله شف من يشتغل معه بالسعودية ومن وكيله برا السعودية المساله فيها شي غريب لكن الافضل يتابع هذا المكتب ويرفع الى مقام وزارة الداخليه والخارجيه ومكتب الاستقدام شكوى عشان يتاخذ فيه الاجراء اللازم ويصير عبره لغيره من النصابين والمحتالين وش ذنب المواطن المسكين معطيه الثقه الكامله وبالاخير يخل فيها ويخل بشروط الدوله حفظها الله هذا رأيي انا |
|
|
|
|
اقتباس:
ولا غصبكم تقدمون او تشرون؟؟ وياخي الرجال يبي يضمن حق الناس الي عارضينه اهله عنده لان الخدمات الي معروضات للبيع عنده مو له للناس ولو كل واحد طق الباب قال ابي شغاله ابجربه ان كان راحن الشغالات ولا ارجعن والحرميه واجد وتصير فوق راس المكتب ابسالك سؤال؟؟ مين المسؤل لو انسرقت الخدامه على اساس انهم يجربونه وانا وحده لو ابعرض الخدامه عنده ابقوله خذ حقي مقدم وانا اضمن ان الخدامه ترجع او لا؟؟؟ والشغاله المعروضه امانه عند المكتب علشان يبيعونها وهم المسؤلين عن مبلغ البيعه؟ وهم ما يبون يدخلون بمشاكل مع الكفيل والزبون وبالاخير الي يبي يعوض قيمة الخدامه لو انسرقت المكتب فلذالك ما طلبوا غير حق راع الخدامه الي عارضها عندهم والا لوهي له الخدامه انكان اهم ماعليه يرضي الزبون وهو ايش يبغى غير كذا وقل امين عسى كلن يرزق على قد نيته مثل ما قلت وهو انشالله نيته حسنه لانه رجال راعي خير ويشهد له ونيته حسنه بالطيب والخلق فلذلك لا تظلمونه وانتم مالكم غير الظاهر؟؟ |
|
|
|
|
اقتباس:
احب ابشرك يالقصيميه مازالت سمعت المكتب الحمدلله زينه وبالف نعم وعين الحسود فيها عووووووووود والواحد اذا طلب حقه قالوا يستغل ويحب الفلوس مافيه احد مايحب الفلوس وكلكم يالي تردون تحبون الفلوس والي ما يحب الفلوس مهبوووووول اجل الناس الي تداوم كل يوم مو علشان الفلوس او علشان يخدمون الناس ايه هين لو مافيه رواتب انكان الناس نايمه والفلوس اغلى عليكم من اهلكم بعد صدق ناس تعبانه وماتعرف تكلم وحسوده وحقوده والي مثلكم صراحه ما الوم المكتب لانكم ناس تبون الناس على كيفكم ولا تقدرون ظروف الواحد وعلى طول تسيؤن الظن ليش الواحد مايقول يمكن عنده ظروف او منضغط بالشغل واحمد ربكن ياحريم ياعجازات انه يستقدم لكن شغالات وتنامن وتاكلن ولاشغل ولا مشغله ما عندكن الا القرق والسوق والتفلسف الزايد بالنت شين وقوة عين والكلام موجه للجميع تركم حومتو كبدي ومخلينه قضية ترى قضيت فلسطين والعراق الله يفك عنهم مابعد انحلت ويدورون من يحلها؟؟ |
|
|
|
|
اقتباس:
الله يكفينا شر رايك وليتك ما قلته اعنبوكم قطعتو جلد الرجال وهو مايساهل وسمعته مثل الذهب عندنا وصدق ما يملى عيون الحساد الا التراب ودكم تشوهون سمعته باي طريقه وندري ان الي يسب شخص واحد يدخل بكذا اسم والوزاره الوسطى بعد تراك نسيته والله النصاب انت والجبان الي قاعد ورى هالشاشه وتكتب وتعطينا من هالرخيص اجل يصير عضه وعبره لغيره قصدك يصير قدوه لغيره وياليت كل المكاتب نفس معاملته وبشاشة وجه وبساطة منطقه وماحنا مقدمين خدامات الاعنده وعارفينه قبل لا نعرفك وذنب المواطن الي زيك مو رجل انه يقدم عنده ولوهو مخالف شروط الدوله انكان مافتح مكتب التعديل الأخير تم بواسطة ابو صقر ; 10-02-2010 الساعة 01:24 AM |
|
|
والي يبي يستقدم من اي مكتب يسال عنه الناس الي حوله وجنبه بالمكتب وسؤاله عنه كانه يبي يزوجه مو يروح ويسال باالنت لان النت مصدر الاشاعات يسال عن صلاته وعن دينه وعن خلقه وعن معاملته مع الناس وكذا تقدر تستقدم عنده وانت مرتاح لان الي فيه خوف من ربه ماتخاف على حلالك عنده وانا اشهد له والنعم فيه مكتب مساعد التعديل الأخير تم بواسطة ابو صقر ; 10-02-2010 الساعة 01:14 AM |
|
|
الغريب بالامر ان كل الي تكلمواا عن موضوع المكتب توهم مسجلين طيب ليش تسوون كذاا المكتب مفتوح ورزقه ماشي سوى رضينا ولا مرضينا لكن تعبووون انفوسكم وتسوون خروووج وتسجيل كم مره عشان تعلموون الناس انكم زباينه ياخي استحووا خافو الله انا متاكد ان مكتب مساعد هو بنفسه مراح يرضى بها الطريقه الي تسوونه كثرت الهرج والمرج الي ماله داعي وحدة تكلمت عن تجربته مع المكتب ليش سويتوه سالفه وانا كان اعتراضي فقط على اخذا المبلغ كامل ليش كبرتو السالفه وهي قصيره وشفو معرفاتكم توه جديدة مشاركات 3 او 2 لكن الله رقيب عليكم خافوا الله مو عشان تكبر بعين شخص او تقربله تجلس تدخل بكم معرف وانا قريت رد المساااعد كان الرجال جداا متضايق من الردود الي ماله داعي انتم بكذا كثرتو عليه الكلام
التعديل الأخير تم بواسطة معاد بدري ; 10-02-2010 الساعة 01:23 AM |
|
|
صراحه انا جبت من عندهم محترمين شهر وجت بس غير مسلمه واخلاقهم روعه
|
مواقع النشر (المفضلة) |
|
|
|