السلام عليكم

صباح / مساء الخير

حبيت انقل لكم تجربتي الاولى لخادمة من كينيا

قدمت عن طريق مكتب معلن هنا بالموقع وبالفعل وصلت لي في شهر و12 يوم بالضبط

وكان اتفاقنا على الراتب 800 ريال وصلت واخذت لها شهر طبعا ما تعرف عربي وتعبنا معها تعب بسبب اللغه
كان شغلها جيد لكن تزعل اذا احد قالها صلحي كذا او جيبي هذا يعني لا توصووني انا اعرف .
ومكتوب بجوازها المهنيه معلمه
كل شوي تقول انا جيت على اني مدرسه اطفال سكتنا منها
حولت لها اول شهر راتبها 800 كان وقتها الظهر المغرب قالت لي شكرا وصلت الفلوس الساعه 11 الليل قامت تدور عرفت ان عندها شي قالت الراتب قليل قلت هذا اتفاقي مع المكتب
قالت زوجي يقول البنات هناك تقصد الخادمات يجوون للرياض وللدمام براتب 1000
رجعتها الكتب اليوم الثاني قلت له كل شي استلمها قال بنبدلها لك جلست عندهم 4 ايام رحت انا واخذتها قلت خلاص ابعطيها 1000 طبعا بيتي شقه عباره عن 4 غرف ومطبخ والعائله كلنا 4 بتنظف البيت كامل وهي جالسه

وقعتها على اوراق انها ما تطلب فوق ال 1000 اي شي واقفت ورجعت اخذت 7 ايام بالضبط صحيت يوم جمعه لقيتها جالسه بالصاله تقول ابي امشي قلت اوك اصلي

وديتها للمكتب بالطريق تقول لي عطني رقم حساب وزوجي يحولك فلوس وسفرني استلمها المكتب ورفض انه يسفرها وطلبوني اوراق للتنازل من الجوازات قبل يومين مرسلين لي صورة اقامتها بالكفيل الجديد الله يعطيه خيرها ويكيفهم شرها

وانا انتظر البديله
ان شاءالله ما يكونو زي بعض
وحبيت انقل لكم الموضوع

واسف اني طولت

الله يستر لا تجي خدامتي نفسها

الله يعوضك خير منها
لكن تراهن موزي بعض ،، اغلب الكينيات متفاهمات وحنونات
ويسمعن الكلام ،، لكن هذي نادرة بالكينيات
وميزتهن انهن اذا احترمتيهن يحترمنك اكثر مو مثل بعض الشغالات
اذا شافتك طيبة تستغلك