ملاحظة : الرقم خاص فقط بإعلانات العمالة المنزلية
|
|
اخواني الامر جدي ارجو من الجميع الدخول
السلام عليكم ورحمة الله وبركاته أخواني وخواتي انا كاتب لكم موضوع جدي من كثر المواضيع اللي قمت اقراها عن طريق الموقع هذا وعدة مواقع ثانيه وهي ع طريق الاستقدام والمماطله وعدم الرد على الجوال والرسائل وووووو ألخ ... ياخوان انا مابي اقطع رزق احد لان فيه ناس صادقه وناس كذابه وناس تسعى ورى الرزقه الحلال لو بريال واحد تسوى عنده مليون وواحد ريال بالحرام تسوى عنده مليون وكلن على طبيعته وتربيته وصدقه وامانته وفيه بعض المكاتب صادقين مع الله وانفسهم قبل لا يصدقو مع الناس وفيه مكاتب الصدق بدرب وهو بدرب ثاني بس اللي حبيت اقوله لكم وللجميع وللامانه حنا الأن متفتحين وعندنا جميع وسائل التكنلوجيا يعني البعيد قرب والقريب عند عينك فياريت من كل شخص يبي يستقدم على شغله انه يتأكد ويستفسر ويستخير وياريت لو مايدفع مقدم أبد لان اموال الناس امانه والدنيا حياة وموت والبائع الواثق من نفسه ينتظر على العملاء وهذا ينصب على مصلحته لعدم طلب دفعه مهما كانت لو ريال من العميل الا بعد الاتضاح من جميع المعاملات والتأكد الجازم لأن فيه أيه والكل عارفها عن الأمانه قول الله تعالى إِنَّا عَرَضْنَا الْأَمَانَةَ عَلَى السَّمَاوَاتِ وَالْأَرْضِ وَالْجِبَالِ فَأَبَيْنَ أَن يَحْمِلْنَهَا وَأَشْفَقْنَ مِنْهَا وَحَمَلَهَا الْإِنسَانُ إِنَّهُ كَانَ ظَلُومًا جَهُولًا ) – سورة الأحزاب آية 72 والحرامي يعتبر خاين أمانه كما قال الله تعالى color="red"](وَإِن يُرِيدُواْ خِيَانَتَكَ فَقَدْ خَانُواْ اللّهَ مِن قَبْلُ فَأَمْكَنَ مِنْهُمْ وَاللّهُ عَلِيمٌ حَكِيمٌ) – سورة الأنفال آية [/color] الانسان دايم جهول وظلومأ بعضهم يقول انا لا مو ظالم يمكن انت ماظلم انسان بس ظلمت نفسك يوم من الايام وماحد كامل الكمال لله سبحانه وعظم شانه وارجع واقول ارجو من جميع الناس عدم الدفع مجرد يقول لا ان شاء الله ثقه ولم يسبق لك التعامل مع الشخص هذا ساابقأ وعدم تحويل الاموال للخارج مهما كانت الظروف اللي يبي يترزق الله العميل مو كاذب عليه لانه العميل بحاجة الشي هذا جيب طلب العميل واطلب حقك منه وأرجو من الجميع عدم تسليم ريال اذا لم تتأكد بانها جميع اجراءاتك من الدوله المعنيه أخوكم السنعوسـي |
|
|
جزاك الله خير على النصائح وكلامك سليم قبل سنه لقيت رقم شخص عنده تنازل خادمات كذ1 جنسيه طبعآ عن طريق قناة الواسطه الفضائيه اخذ الرقم زوجي واتصل على الشخص وقال له نبي خادمتين لنا وحده ولآهلي وحده قال له الرجال اوكي ارسلو نص المبلغ للخادمتين وحنا استغربنا انه حاط سعر مغري قال له زوجي ماراح نحول الا 1000 ريال عن خدامتنا حنا امي رفضت الا ان تستلم الخادمه ثم تسلم الفلوس وزين سوت لأن حنا حولنا له 1000 ريال وقال تجون للشرقيه الوقت الفلاني وتاخذون الخادمه وفعلا رحنا للشرقيه وحنا طول الطريق نتصل عليهوالجوال مقفل وصلنا الشرقيه وجا الوقت اللي هو حدده لنا والمكان وجوواله مقفل يآسنا ورجعنا والى اليوم مارد لنا خبر يعني نصاب كبير حسبي الله ونعم الوكيل وبعد فتره رجع ونزل الاعلان بنفس الرقم واتصلت عليه انا لأنه مايعرف رقمي وقال لي حولي لي نص المبلغ وتعالي للشرقيه خوذي الخادمه يعني يبي يعيد الاسطوانه المشكله انه نصاب هو بالرياض لأن يوم سوينا كشف بالحساب اللي حولنا عليه والاتصال كان ف الرياض مو بالشرقيه آسفه ع الاطاله بس حبيت انقل معاناتنا تكمله لموضوعك علشان الكل ينتبه |
|
|
والله انك ماتعرفين وربي البيت ولا كان قايله ماعندي رقم حساب اقدر ارسل المبلغ مع السواق لك وتسلمه ايصال منك او ورقه وتصيرين مسكينه عالجوال علشان يتحمس وبعدها ركبي السواق بالموتر لحاله وركبي اربع فحوله ورى واول مايسلمه الفلوس يستلمونه الاواليد ويفصفصون عظامه ماعرفتيله انتي ولا كان راسه وانا اخوك بس وين يبي يروح رب العباد موجود |
|
|
للأسف النصابين أصبحو كثر التراب الله يكفينا شرهم هذي مشكلتك مع شخص ماتعرفينه ولا فيه أي مستندات بينكم أنا تعاملت مع مكتب الروابي في شارع التخصصي بالرياض وفيه أوراق ومستندات وكل شي ثبوتي وللأسف صار الحين فوق 7 شهور حتى مايردون على مكالمات وأقولهم أبي أفض العقد وأرجع فلوسي يقولون نخصم 25 % حسبي الله عليهم مع أني سبق أن سويت نفس طريقتك كلمت شخص وقلتله أبي خادمه أندنوسيه قبل 3 سنوات ورب الكعبه مافيه لا مكتب ولا أوراق ولا شفته ولا بيني وبينه شي لكن هو نسيب صديقي والله العظيم في خلال 25 يوم الخادمه في المطار وخادمه ممتازه جداً طبعاً الحين ماعاد يجيب لأن المشاكل الي صايره في أندنوسيا وقفت الخدم |
|
|
|
|
اقتباس:
ياخي انت غريب في موضوعك اللي انت منزله قبل كم يوم تقول انك مقدم عند مكتب الروابي لك الان ثلاث شهور او اربع شهور وخلال يومين صارو سبع شهور ؟؟؟؟؟؟؟؟؟؟؟ شي غريب |
|
|
|
|
اقتباس:
ورقمي عندك عالخاص واتمنى الاتصال اليوم للاتفاق |
|
|
اخوي ابو فهد اشكرك على هالموضوع القيم بس المشكلة في الناس انفسهم لابد من التأكد من الجهة التي تقوم بالاستقدام هل هي جهة مرخصة رسمياً أو جهة تعمل بشكل شخصي وهذه يجب التأكد من وضع الشخص وذلك من المعارف والاصدقاء( اللي أقصده من وين تعرفت على هالشخص ومامدى مصداقيته وكيف تثق بشخص لاتعرفه او نصحك بالتعامل معه احد الناس الثقات ) ويجب مراعاة الظروف المحيطة بالاستقدام بالفترة الحالية من عدم توفر الايدي العاملة وصعوبة الاجراءات وتاخيرها وووووووو ....... اخيرا ارجو التوفيق للجميع سواء مقدم الخدمة او طالب الخدمة |
مواقع النشر (المفضلة) |
|
|
|