الله يفرج على كل من بيساعدنا أختي كان عندها خدامة اندونيسية سافرت قبل شهر ونصف ومن يوم سافرت واختي طايحة بالأمراض اشكال وألوان ماخلينا مستشفيات من عيادة لعيادة ومندكتور لدكتور وين في دكتور شاطر رحنا ومافي فايدة ، اخيرا رحنا للشيوخ يقرون عليها كلهم اجمعوا ان مسوى لها سحر من الخدامة ولازم نوصل لها عشان تفكه لأن السحر قوي وأختي ماراح يروح عنها البلا الي فيها الى ان تفك الخدامة السحر
المشكلة أن الخدامة راحت بلدها سووا لها خروج نهائي لأن شعروا أن عندها حركات غريبة وتكلم بالجوال فترات طويلة عشان كذا سفروها نهائي ولا بعرفون لهاعنوان ولا رقم هناك وصار لها هنا تشتغل عشر سنين في السعودية وقبل اربع سنوات ماخذينها تنازل من عائلة يعني مافي مكتب يرجعون له بعنوانها كل الي يعرفونه عنها أنها من منطقة اسمها جيانجور في اندونيسيا وعندهم لها صورة من جوازها بس هذا كل مالديهم فكيف يوصلون إلى هذه العقرب لأجل إقناعها ولو بفلوس انها تفك سحر اختي ؟