السلام عليكم و رحمة الله و بركاته ..

أنا استقدمت عاملة اندوسية و رحت مع زوجي نستلمها امس من المطار وللاسف خبرنا موظف الجوازات أن العاملة ممنوعه من دخول السعوديه لان لها سوابق
والحمد لله ان صار هذا النظام عندنا ريح المواطنين من سوالف العاملات

المهم ... سؤالي وش الحل الحين؟؟

وش اللي لي وش اللي علي؟؟؟

ارجو افادتي

الي لك انك تنتظرين لين يبدلونها لك وهذي الله يعينك يبي لها كم شهر

انا اكيد راح انتظر بس حابه اعرف تتوقعون المكتب مايدري عن ان الخادمة لها سوابق ؟؟؟
وهل يحق لي اسحب مبلغي من المكتب لأني بصراحه خفت منه احسه مشاكل ...

المكتب ماعنده علم في ان الخادمة عليها بصمة او ان عليها قضية وخاصه المكتب الي هناك

وتقدرين تروحين للمكتب بموجب العقد الي معك وتاخذين فلوسك اذا كان المكتب متعاون معكم

واذا كان متماطل الله يعينكم عليه

وان شالله يكون من اهل المكاتب الي عندهم ذمة وضمير

الله يجزيك خير اخوي عبدالعزيز كفيت ووفيت ان شاء الله اليوم بخلي زوجي يمر عليه عشان ياخذ الفلوس منه وعسى يرضى ...

المشاركة الأصلية كتبت بواسطة ترف بنت محمد

السلام عليكم و رحمة الله و بركاته ..

أنا استقدمت عاملة اندوسية و رحت مع زوجي نستلمها امس من المطار وللاسف خبرنا موظف الجوازات أن العاملة ممنوعه من دخول السعوديه لان لها سوابق
والحمد لله ان صار هذا النظام عندنا ريح المواطنين من سوالف العاملات

المهم ... سؤالي وش الحل الحين؟؟

وش اللي لي وش اللي علي؟؟؟

ارجو افادتي

بالنسبة للسابقة لا المكتب ماعنده علم لاتروحي بعيد اختي العزيزه السفارة ماتعلم ولا ماتؤشر لوحده عليها سابقة مافيه سيستم يربط الخارجيه بالدخليه بالنسبة لحقك مافيه تستردين فلوسك ولا ملزمين بالتعويض وفقك الله

بالنسبة للسابقة لا المكتب ماعنده علم لاتروحي بعيد اختي العزيزه السفارة ماتعلم ولا ماتؤشر لوحده عليها سابقة مافيه سيستم يربط الخارجيه بالدخليه بالنسبة لحقك مافيه تستردين فلوسك ولا ملزمين بالتعويض وفقك الله

اللي فهمته من كلامك اخوي الساهر ان المكتب مو ملزم يعوضني بخدامه ثانيه ولا يرجع لي مبلغي صح ؟؟؟

اتوقع ان كلامك مو منطقي كيف ما يعوضني وانا اصلاً ما استلمت الخادمه ولا ادري عنها ..

اسف اختي فيه خطاء املائي قصدي مافيه مانع تستردين فلوسك وملزمين بالتعويض وفقك الله الكمال لله سبحانه وتعالى

الله يعطيك العافيه اخوي الساهر على الافادة وحبيت استفسر هل لازم نقدم على تأشيره جديدة ؟؟؟

بليييز اللي عنده اي معلومة يفيدني هل لازم نقدم على تأشيرة جديده وندفع الفين ريال ؟؟ ولا المكتب هو اللي يتحملها ..

الله يجزيكم خير اللي عنده اي معلومه يفيدني

لاء تراجعي الخارجيه ويسقطونها من الجهاز تاشيرتكم لم تستخدم او المكتب ياخذ الجواز للسفاره ويقوموا بحذف بيانات الخادمه لعدم استخدامها لابد من احظار الجواز الاصل للسفارة للالغاء تحياتي

الاخت ترف السلام عليكم ورحمة الله
تجرتي مع البصمة حصل سابقا وان استقدمت عاملة سيرلانكية مرحلة عن طريق البصمة وعن قدومها للسعودية الى جدة تم اخباري انها ممنوعة من الدخول الى السعودية بسبب البصمة وبعدها تم توجيهي الى مكتب الجوازات بالمطار وتوجهت اليهم بعد يومين وتم اعطائي مشهد من الجوازات بالحالة كاملة ومن ثم توجهت الى وزارة الخارجية مع كتابة معروض بالواقعة وطلبوا مني تسجيا ارقام جوالاتي للمراجعة وبع خمسة ايام تم الاتصال علي واخباري انه تم تفعيل الفيزا السابقة وفعلا تم الاتصال على انجاز واخبروني ان الفيزا مفعلة والحمد انتهى الموضوع على خير هذا ما حصل معي ارجوا ان اكون وضحت الصورة كاملة