السلام عليكم

حبيت من الاعضاء الاعزااااء افادتي عن معيشة الخادمه او ماذا يجب على الكفيل تقديمه للخادمه غير الســـكن والأكل والمشرب

هل من الواجب او المفروض توفير لها الشامبو والفازلين وماشابه وبطاقات الشحن جوال تكلم اهلها وكذلك لو طلبنا اكل من مطعم مثلا ابي اعرف ايش الاشياء الحتميه على الكفيل نحو الخادمه بغض النظر عن كلمـــــــــــــة احتساب الاجر انا اعرف كيف احتسب الاجر فيها لكن ابغى اعرف ماعلى الكفيل توفيره للخادمه ويعطيكم العافيه اتمنى الرد بكلام وافي

وش دعوه مافي رد !!!!!!!!

حسب اعتقادي وتعاملي انا واهلي مع الخادمات
توفير السكن
والاكل والمشرب من البيت
اما اشياءها الشخصية فتشتريهم من راتبها واذا حبيت انا اهديها او اشتري لها شي بدون طلب منها بس اني ماكون مجبره اني كل شهر اجيب لها شامبو وخلافه ممكن مرة اشتري شامبو او كريم او اي شيء وتفرح فيه وتشكرني
بطاقات شحن ابدن ما اوفر لها تشتريهم براتبها
الاكل من مطاعم مو ملزمة فيه اذا عندها بالبيت مايكفيها ويزيد لكن احب اذا طلعتها معاي اطلب لها اكل اذا جيت اكل ماحب تشوفني اكل قدامها بس لو كنت بالبيت وطلبت لي من مطعم ما اجيب لها يعني على حسب بس شي هي تلزمني فيه
انا ملزمة اني اوفر لها الادوية والعلاجات في حال مرضت او تعبت عندي واشتري لها بندول يعني لو طلبت تشتري بفلوسها ما اخليها واجيب لها من عندي
الكريمات لو يدها متشققة او متضرره من الغسيل وفيها جروح اشتري لها كريمات لانها تضررت من الشغل
وملابس برضو اجيب لها لان احب تكون نظيفة ( ملابس داخلية - ملابس نوم - ملابس للشغل - ملابس استقبال والعيد) وبرضو هي ماتلزمني اشتري لها يعني اجيب بالمناسبات ومرات هي تحب تشتري براتبها شي اضافي

المتعارف عليه انه المسكن والمشرب والماكل وغيره يفتح الله الا اذا اهديتها من عندي غير ملزوم بها

اها يعني نفس الشي وزي مافكرت
وياليتهم يشكرون بعــــد

اشكر ردودكم وتفاعليكم ثانكسسسسسسسس

راتبها ارسله لاهلها كاااااااامل
وكل شيء اشتري لها من فلوسي سواء ضروري او عادي
ومكالمات مجانية من جوالي اهلها
والقومه والنومة الوقت اللي يناسبها
وغرفة وحمام خاصه فيها
ومع ذلك هربت
من اجل الرواتب العالية اللي يدفعونها الناس اللي ماتخاف الله وتشغل الهاربات

المشاركة الأصلية كتبت بواسطة البحر

راتبها ارسله لاهلها كاااااااامل
وكل شيء اشتري لها من فلوسي سواء ضروري او عادي
ومكالمات مجانية من جوالي اهلها
والقومه والنومة الوقت اللي يناسبها
وغرفة وحمام خاصه فيها
ومع ذلك هربت
من اجل الرواتب العالية اللي يدفعونها الناس اللي ماتخاف الله وتشغل الهاربات

[color="red"][size="5"]

والله الشغالات خوات كلب مهما سويتي ماتهمهم العشره والا وش قدمتي لهم مايهمهم المهم الفلوووووس عندها ماتفكر وش خسرتي انتي او وش موقفك اذا هربت مايهمم

أنا كان عندي شغاله شاريه لها مجاور ذهب ثلاث حبات وملابس عيد وكل شي احسب حسابها فيه لو اطلب من برى واحيان تاكل معي على نفس الطاوله في المطعم وووووومكالمات للاهلها

وفي الاخير قالت ابغا بيت ثاني تبي بيت وسيع حضرتها وانا بيتي شقه لكن اقفل عليها الباب اذا جيت اروح الشغل مادري اذا هذا الشي يضايقها وتروح معي كل مكان والله لو مانحتسب الاجر لاخليها تصرف من راتبها لابوها لابو من جابها