 |
 |
 |
 |
 |
 |
 |
|
ملاحظة : الرقم خاص فقط بإعلانات العمالة المنزلية
08-24-2011, 07:42 AM
|
|
|
|
كيف قامت الخادمة بشراء جوال وانا لا أعلم
انا وضعتها للفائدة خصوصا النساء
يوجد منتزهات خاصة بالنساء وكل النساء يعلم عن هذه المنتجعات تسلية للاطفال تتجمع النساء مع أخواتهن ويلعبون الاطفال و......الخ في نفس المنتجعات يوجد محلات (جوالات - وبقالة - ومطعم وغيرها الكثير) هذه المحلات تبيع شرائح وجوالات والخادمات يشترون من المنتجعات والأهالي لايعلمون ربما كثير من الخادمات لديهن جوالات والنساء الى اليوم مايعرفون شيء عنهن نصيحتي لكم لاتثقون بالخادمة وحاولوا مراقبتهن اثناء جلوسكم في هذه الأماكن قصتي كنت نازل من الدرج وبالصدفه سمعت صوت رسالة استغربت وجلست اسمع اكثر حصلت الخادمة تكلم بالجوال فتحت عليها الغرفة وأخذت الجوال من يدها وهاوشتها طبعا بالكلام قلبت الجوال حصلت متصله على أهلها فقط طبعا عن طريق سجل المكالمات خليت الجوال برقم سري على شان افتحه بين فترة والثانية ابتأكد في احد يتصل فيها من هنا لكن ما اتصل احد نهائيا ولله الحمد وكان غرضها الاتصال بأهلها فقط علما اني اخليها تتصل من جوالي كل يوم جمعة وتكلم الين تقول بس لكن استخدامها للجوال بيدها مايعجبني لأن الخادمة اذا كان الجوال بيدها دائما احياناً اتهاوش مع زوجها او يقولون لها اخبار شينة ثم تعكس نفسيتها بالبيت ويصير تعاملها سيء وتطلب السفر لكن حرمانها من الجوال افضل شيء كان في السابق عندي خادمة طلبت جوال ووفرت الجوال لها كانت ممتازة وخربت بعد الجوال دايم هواش مع زوجها لذلك خوذوا احتياطاتكم من الخدم في المجمعات والمنتزهات وغيرها لأن الجوالات والشرائح بكل مكان |
|
08-24-2011, 08:09 AM
|
|
|
|
انا من سنتين وصلت لى خادمه بعد انتظار سبع شهور وكنت حامل بالسابع ومعها جوال على طول رجعتها وظغطت على نفسى وظروفى الصعبه ولا اخليها عندى بجوال انا طريقتى اخليها تكلم بجوالى كل فتره الجوال بيد الخادمه دمار راعى البقاله تلقط رقمه راعى المطعم تلقط رقمه اذا طلعت تذب الزباله لقطت رقم سواق الجيران غير انها بالملاهى وغيرها تخزن ارقام بعضهم سوق سوداء هجى واتركى شغل بيت كفيل وتعالى اشتغلى براتب اكبر والله المستعان |
|
08-24-2011, 08:33 AM
|
|
|
|
والله اختلف معاكم اذا كانت الخادمة فليبينة خلها تطلع جوال وش المشكلة خل الامور قدامك واضحة احسن مما تكون وراك *** اول مخاطر منع الجوال هالحركات اللي تسويها من وراكم وممكن تطيح بخ شغالة نصابة تبيعلها الجوال بسعر خيالي مستغله ظروف المنع حقتها وممكن تلجأ لسايق يجيبلها !! صدقوني من يبي اللف والدوران لو يطلع بيجر يقدر يوصل للي يبي المهم سالفة الجوال اخذت اكبر من حجمها ** خلو الامور واضحة قدامكم وان كانت تغازل وش عليكم منها بكيفها اهم حاجه ان كله جوال بجوال وي تعرف حدودها شكرا لك |
|
08-24-2011, 08:38 AM
|
|
|
|
اخوى بندر انتم الرجال لكم وجه نظر غير عنا يالحريم الشغاله وبيدها جوال بعيدا عن المغازله تكلم اهلها وعيالها 24 ساعه هذا مصخن وهذا زعلان وزوجها فيه وامها فيها وتتاثر نفسيتها بس تقعد تبكى وحالتها حاله ياخوى حنا نتكلم من تجربه اللى معها جوال السلبيات اكثر من الايجابيات ولا وش اللى مخلينا نخليها تكلم على حسابنا الا من شي نشوفه انا ادور على شغاله ايجار الحين حصلت ثنتين معهم جوال ورفضت |
|
08-24-2011, 02:16 PM
|
|
|
|
هالجوال بلاء اللع يعين بخير
|
|
08-24-2011, 02:35 PM
|
|
|
|
على حسب الشغالة أنا شغالاتي معاهم جوال بس أشرط عليها من البداية ما ألاقي رقم سعودي في الجوال فقط رقمي ورقم زوجي وبناتي يعني فقط تتصل ببلدها وتكلم أهلها وجماعتها والحمدلله يلتزمون بالشرط وأتابعهم عن طريق موقع خدماتي وكلهم يجلسون عندي بالسنين ومرتاحين عندي وأنا مرتاحة لهم والله لا يحدنا إلا حدهم على الغربة بس أنا شغالاتي مو أسيويات..... |
|
08-24-2011, 06:48 PM
|
|
|
|
سبحان الله يعني الجوال عيب للعامله ياعالم استحو خافو ربكم هذه هي طريقة تعاملكم التي اوقفت الاستقدام وصارت كل العاملات لاتريد الحضور هنا حسبي الله ونعم الوكيل علي كل من يعامل العاملات معامله سيئه
|
|
08-24-2011, 10:20 PM
|
|
|
|
مرتين أجيب شغالة ومن دخلتها الباب نفتشها ونا خذ منها الجوال ولايمانعن لأنهن يعرفن أن السعوديين مايبون الشغالة يكون معها جوال وعارفات اننا عارفين خرابهن فساد على فساد الله يكفينا شرورهن |
|
08-24-2011, 11:04 PM
|
|
|
|
|
|
اقتباس:
وبالنسبه للاخ اللي يقول خلو الشغالات معهن جوال وش فيها ... انا اقول لك انه المساله مو مساله جوال بحد ذاته حنا لنا نظره اكبر من مساله امتلاك جوال اللي هي سلبيات هالشي اولها واهمها انها بتغازل فيه والخطوه التاليه انه بتجيبه للبيت طيب !!!! واذا دخلت الرجال علينا ؟؟!!! واذا جنت علينا ؟؟!! من اللي بينفعنا او يفكنا من هالطامه .. ايضاًانها بتلهى بالهذر والبربره البطاله .. (( هي جايه تشتغل ولا تهذر وتسوي علاقات )) لو كانن فعلا يبن الجوال عشان يكلمن اهلهن كان قبلن بعرضنا انه نخليهن يكلمنهم متى مابغن بدون حساب فلوس ولا وقت بالعربي تاخذ راحتها )) لكن هذا اثبات انهن لعابات وبجداره بالاضافه للسلبيات الاخرى لكن انا ذكرت اهمها اخي .. لابد من ان تكون لك نظره بعيده وواسعه القضيه ميب سهله مثل ماتتخيل اعتذر عن الاطاله ولكن موضوع الجوال موضوع مستفز جدا بالنسبه لي |
| مواقع النشر (المفضلة) |
|
|
|
العرض العادي
