السلام عليكم ورحمه الله وبركاته انصح الاخوه بالحفاظ على جواز الخادمه او العامل فانني قد فقدت الجواز وسالت عن الاجراءات فقالوا تذهب للسفاره وانت واقف تستلمه وانا ماقهرني الا كلمه وانت واقف فالموضوع اصعب فقد ذهبت للسفاره وقالوا اذهب للجوازات واحضر بدل فاقد وذهبت للجوازات وانتم عارفين زحمه الرياض وانا من خارج الرياض وعندما حضرت للجوازات قالوا ادفع غرامه الف ريال بشيك مصدق واعلن بالجريده او اعلن عنه اذا كان مسروق في الشرطه علما بان غرامه الجواز من المفترض تفرضه السفاره لانها هي التي اصدرته عموما ذهبت وكملت الاجراءات واستلمت التبليغ من الجوزات وعدت للسفاره واستلمت الجواز بعد اسبوع ولكن لابد من تسجيله في الحاسب او نقل معلومات وذهبت للجوازات وهذه المره لجوازات الخرج لانها اقرب لي فتفاجات بالموظف يقول احضر لي الاوراق التي قدمتها للسفاره فقلت استلموها واعطوني الجواز فقال بكل سهوله السفارات بالرياض قريبه فذهبت حسبي الله عليه وعندما احضرتها في اليوم التالي قال الان حسنا الاوراق مكتمله ولكن اذهب وسدد اجراءات استخراج اقامه وذهبت ولا بد من عمل كشف طبي ودفع الغرامه وفريت كل المستوصفات ولااحد يرضى يسوي كشف وذهبت للمستشفى الحكومي فقالوا لايوجد كشف الا يوم واحد وهو الاحد فقط والنتيجه بعد اسبوع والان انا ماشي بالسباق الماراثوني وانصح من يريد ان يعطي خادمته الاندونيسيه اجازه ان لايكتفي بالتاشيره لانها لن تستطيع العوده الا بعقد من السفاره واذاذهبت للسفاره هناك سماسره ياخذون من 250 الى 300 ريال لكتابه العقد وختمه ولابد ان تعطيه الخادمه لكي تبرزه في المطار حقهم اثناء العوده ولاتسمعوا كلام وانت واقف لانها كلمه واحد بيوهقك واسف على الاطاله

ارجوا من الاداره الفاضله رفع الموضوع ومن الاخوه الرد او الاستفسار للفائده للجميع

مساله وانت واقف كثير نسمعها ..والسبب ان الشخص اللي يقولها يكون ماعندة المعلومه الكافيه وبالتالي يعطيك هالاختصار يقالك اني عارف البير وغطاة وهو ماعندة الا الضعوي ....!!!

والشي الثاني اللي مادخل راسي وش دخل الجوازات ياخذون غرامة فقد الجواز ...صحيح كلامك هذي مسئوليه السفارة ..الجوازات كل اللي مطلوب منهم انهم يعطونك ورقة مثلا فيها رقم الاقامه والجواز ..

بصراحه انظمة غريبه ...هالحين السعودي خارج المملكه اذا ضاع جوازه يراجع سفارته ويعطونه بدل فاقد حتي لو كان يعمل خارج المملكه ..انا عقب كلامك جمعت الجوازات اللي عندي وابحطها في ميدالية السيارة علشان كل شوي اشوفها قدامي ....!!!

رجل ثقه اشكر مرورك وانا نسيت اقول لك ان السفاره تاخذ 30 ريال قيمه الجواز الجديد شوف فرق السعر بينهم وبين الجوازات