السلام عليكم ورحمة الله وبركاته
مسائكم وصباحكم سعيد يا أعضاء
قدمت على التأهيل ابي تأشيره هذا قبل سنه فما رحت اشوف وش صار عليها وكنسلت الموضوع لأني ما كنت في حاجتها ذيك الايام .
الاسبوع الي فات مريت على مركز التأهيل اسأل عن التأشيره لأني احتاجها ضروري قالت الموظفه بنسجل الطلب على النظام الجديد تعالي بعد شهر وخذي التأشيره
انا الي اخبره وعلى ما قريت من تجارب ناس في التأهيل قبل فتره ان الواحد ياخذ رقم معامله من مركز التأهيل ويروح مكتب العمل ويحدد الجنسيه وياخذ التأشيره .
الي ابغى اعرفه الحين :
وش هالنظام الجديد الي تقصده الموظفه ؟
هل تغير الوضع وصارت التأشيره من عند المركز يعني اختصروها علينا وما يحتاج مكتب العمل ؟
وشلون باستلم من المركز تأشيره من دون تحديد جنسيه لأنها ما سألتني عن ذا الشي بس خذت مني بطاقة الاحوال فقط ؟
اذا باستلم التأشيره منهم تنزل باسم مين انا ولا غيري لأنهم خذوا معلومات الوالد وبيتنا ملك او اجار فقط مع ان الوالد ما راح يكون كفيلها ؟
هل اقدر اكون كفيلتها وانا غير متزوجه وغير موظفه ؟
إن كانت التأشيره من عندهم وين اروح بعد ما آخذها ؟
الي جرب وخذ منهم تأشيره يفيدني او عنده معلومه عن الموضوع
مشكورين مقدماً وجزاكم الله كل خير

الواحد ياخذ رقم معامله من مركز التأهيل ويروح مكتب العمل ويحدد الجنسيه وياخذ التأشيره .
انا سويت كذا قبل سنتين الان ماادري عنهم
اذا كنتي معاقه تكوني كفيلتها حتى لو مانتي متزوجه ولا عندك وظيفهد
بس لازم يكون عندك اخ او اب عشان الراتب الشغاله يدفعه

مشكوره يا عمري جزاك الله كل خير
الله يعين ود الواحد يسألهم وش قصدهم بهالنظام الجديد بس رقمهم طول الوقت مشغول ومكانهم بعيد