 |
 |
 |
 |
 |
ملاحظة : الرقم خاص فقط بإعلانات العمالة المنزلية
06-08-2011, 10:26 PM
|
|
|
|
آن الآون للأستغناء عن الخادمات
من منا لاتريد ان تخدم وتنعم بالراحه لذلك نجد كثير من الاخوات يسعين للتقديم على خادمات للراحه ولكن اختي العزيزه هل فكرت اقتصاديا ونفسيا في اثار التقديم على خادمه ان كنت ذات قدرة ماديه فلابد انك تتعبين نفسيا من سلوك بعض الخادمات فبعضهن تاتي وبعد 3اشهر تطالب بالعوده الى بلدها وبعضهن تكون عنيده وتعانين معها والبعض الاخر تكون لهن مقاصد دنيئه وما اكثر مشاكل الخادمات والدليل شكاوى النساء من خادماتهن وكذذلك نجد الكثير من مكاتب الاستقدام تعج بمشاكل الخادمات ناهيك عن المراقبه اللي تراقبك بها انتي واولادك وزوجك وكذلك عندما تريدين الخروج من المنزل لابد ان تاخذيها معك وان لم تاخذيها يجب عليك توفير ماكل ومشرب لهابعد هذا التفكير الممحص والدقيق قررت ان اقارن بين سعر التقديم فقط التقديم دون الرواتب التي تاخذها في هذه السنتين والصرف من ماكل ومشرب وملبس وغيره وخرجت بالمقارنه التالي هناك اجهزه كهريائيه تعينك وتختصر عليك الوقت وانا ارى اي بيت ليس به خادمه او صاحبته لاتريدها توفر هذه الاشياء وكل جهاز ساكتب كيف يوفر عليك الجهد والتعب وهي غسالة ملابس اتوماتيك (غنيه عن التعريف)مجفف ملابس (يريحك من نشر الملابس الذي ياخذ وقت وزياده على ذلك اذا كان به منبه سوف يرن اول مايخلص تعالي واطوي الملابس وهي حارة وادخليها الدواليب وسترتاحين من الكي غسالة الاواني (جلاية صحون) تدخلين فيها كل الاواني ماعدا القدور المعدن ولو كان عندك قدور ستيل عادي تدخل فيها كواية بخار تشبه المكنسه هذي تريحك من تعب الانحناء وتكوين بسرعه والملابس على الشماعه ممسحه السيراميك يمدحونها لانها تمسح وتنشف بنفس الوقت وقارني بين تقديم الشغاله والاسعار راح تلاحظين ان هاالاجهزه تشترينها لك طول العمر وتقديم الشغاله يطير وزياده عليه الرواتب كل شهر التقديم+الفيزا تقريبا ب9 الاف والاجهزه بعطيك سعر تقريبي لها( مع الاخذ بالاعتبار زيادة الاسعار حسب السوق ) غسالة ملابس1500 _ مجفف1000_غسالة الصحون 2000_كواية البخار ماتزيد عن400 _ممسحه ب100 نجي نحسب سعر ا لاجهزه 1500+1000+2000+400+100 الاجهزه هذي كلها 5000يعني راح توفرين 4000 ريال اشتري فيها اجهزه كهربائيه للمطبخ وتكون قطعها من النوع الذي يدخل غسالة الصحون مثل قطاعه البصل وعجانه و خلاط مولينكس متعدد الوظائف ومايكرويف وقلايه وغلايه كهربائيه وقدور ضغط وغيره من الاجهزه وكل هذه راح تبقى لك ونفس الوقت تريحك مو مثل الشغاله تصرفين الوف وبعد سنتين تروح عنك طبعا لنجاح هذه التجربه تحتاج الى تنظيم الوقت والتعاون الاسري وتوزيع بعض الاعمال الخفيفه على افراد الاسرة ولو كنتي موظفه وعندك طفل رضيع تقدرين تودينه حضانه برسوم شهريه فترة عملك علما بان الخادمات للاعمال المنزليه وليس لتربية ابناءنا   ومن تجربة شخصيه انا لي 3 شهور بدون خادمه طبعا مجبره على هذا الوضع بسبب كثرةمشاكل الخادمات وخففت عبء الاعمال المنزليه بالاجهزه الكهربائيه التعديل الأخير تم بواسطة عزة نفسي ; 06-08-2011 الساعة 10:28 PM |
|
06-09-2011, 02:24 AM
|
|
|
|
كلامك كله صحيح ميه بالميه بس اذا بنروح زياره لا حد وعيالنا بيخربون على الناس كالعاده من كل شوي بيقوم ويمسكهم وينتبه لهم الام او الشغاله واذا رحنا لاهلنا ونبي نقعد معهم ونسولف هل يصير مع ازعاج الاطفال طول الوقت وهل اختي بتسمح لي كل مره اوصي شغالتها على عيالي مع عيالها للاسف لا واذا بسافر مع زوجي وماراح اخذالاولاد هل اهلي ملزمين يخلونهم عندهم بدون شغاله تنتبه لهم الحل انه يكون مكان مفتوح 24 ساعه ورسمي واللي يشتغلون فيه مربيات سعوديات متعلمات ومثقفات ماخذين دورات في التعامل مع الاطفال في كل مرحله عمريه ويعاقبون على التعامل القاسي معهم مهما كان بسيط وهذا للاسف موجود برا عندنا الهانم اذا زعلانه مع زوجها تطلع حرتها على الطالبات واذا تعبانه من الحمل نفس الشي .. وازيدكم من الشعر بيت ممكن المدرسه بكل بساطه تسب الطالبه وتهين كرامتها بكلمات مهينه لانها مزعلتها في شئ ..او اذا طلبت البنت اعادة شرح الدرس .. ياليت التعليم هنا يكون زي برا كان يطلع منا عباقره احنا موناقصنا شي بالعكس اهم ناقصهم الايمان ويطلع منهم... بسبب الثقه اللي يزرعونها في الطلاب والطالبات.. ادري طلعت من الموضوع الاساسي حتى الشغالات ماعندهم انا ملاتمنى اعيش عندهم انا ودي ديرتي تكون افضل مكان في العالم ومايكون احد افضل منها ..كيف عاد اليهود............................................ ....................... |
|
06-09-2011, 10:32 AM
|
|
|
|
حملة لا للخادمات بعد اليوم
سلسبيل الجنه مشكوره يالغلآ على مرورك الرائع وصدقيني وجود الاطفال مع الخادمه في المنزل تنتبه لهم ليس حلا لازم نزرع في اطفالنا الاعتماد على النفس وحسن التصرف في الاماكن العامه وعند زيارتنا للاخرين واذا على السفر مااتوقع ام بيطاوعها قلبها تترك اطفالها لوحدهم مع الشغاله وتسافر وجود الخادمه في البيت دون حسيب ولا رقيب ليس آآآآآمن لان اغلب مصائبهم بتصير حين تكونين غافله عنها |
|
06-09-2011, 01:02 PM
|
|
|
|
انا ماقلت تقعد مع عيالي في البيت لحالهم .. لا طبعا انا قلت ان اهلي مو ملزومين يمسكون عيالي بدون مايكون فيه شغاله معهم ..بس وعلى فكره انا اكره الشغالات جدا ولا ني زيك فكرت في نفس الفكره من قبل واكتشفت فشلها تدرين ليش لان مافيه تعاون بين افراد الاسره يعني لو قلنا للولد ياماما رتب غرفتك او حط ملابس الغسيل في السله قال انا رجال مو حرمه والبنات يقولون طيب ولا يسوون شي والزوج ياحبيبتي لما راحت شغالتي حط كيس الرز عند الباب الخارجي وقالي اخذيه واضظريت افتح الكيس واشيل منه حتى يقل شوي عشان اقدر اسحبه ولما جات الشغاله سحب الكيس الى جركل الرز عشان حرام مسكينه... لما يتعلمون رياجيلنا يرحمون المره ويعرفون قيمتها الحقيقيه ويعلمون عيالهم مو عيب تساعد امك ساعتها بس نقدر نستغي عن الشغاله ونعيش براحه بعيد عن مراقبتها..الله المستعان |
|
06-09-2011, 08:12 PM
|
|
|
|
|
|
حملة لا للخادمات بعد اليوم
اقتباس:
اختي الكريمه سلسبيل الجنه هلا وغلا فيك
بصراحه موقف زوجك رفع ضغطي  الحين الشغاله حرام تشيل كيس الرز وزوجته شريكة حياته وام عياله مو حرام حسبي الله ونعم الوكيل حسافه بهالزمن ماعادفي رجال تخاف الله الا ماندر ومو كل شنب ينقال عنه رجال  التعديل الأخير تم بواسطة عزة نفسي ; 06-09-2011 الساعة 08:38 PM |
|
06-09-2011, 09:48 PM
|
|
|
|
كلامك جمييل.. ما تصدقين الراحة النفسية اللي حسيتها لما سافرت الشغالة حسسيت انه صار بيتي.. ترى تكلفة الشغالة في السنتين اكثر من 32 الف وعندي إضافة لكلامك ممكن الواحد يجيب شغالة بالساعة من الاندونيسيات والفلبينيات اللي يشتغلون في المدارس الاهلية الساعة ب20 ريال يعني تاخذ 100 تجيبينها كل اسبوعين مثلا |
| مواقع النشر (المفضلة) |
|
|
|
العرض العادي
