الخبر :

بناء على توجيهات هيئة الإتصالات وتقنية المعلومات * نحيطكم علماً بأنة إعتباراً من 12 / 9 / 1433 هـ سيتم ربط إعادة شحن الشريحة بإدخال رقم الهوية او الإقامة المطابق للرقم الذي تم بموجبة الإشتراك في الخدمة والتأكد من معلوماتكم صحيحة ومحدثة يمكنكم زيارة فرع الشركة

^^^^^^^^^


هذا الخبر

واللي يهمنا في هالموقع انه تقريباً 75 % من ارقام المعقبين عندنا بطاقات شحن وبأسماء هنود او بنغاليه .. يعني ماتدري من تتعامل معه ... والناس تخاف تتعامل مع شخص يحط الشمس بيد والقمر باليد الثانيه ويبي يسوي كل شي ويمشي كل المعاملات ويبي يسنعك بالخارجية والداخليه والإستقدام ومكتب العمل ووزارة الحج والأوقاف وحتى لو عندك معامله بالفاتيكان اكيد يعرف فيها احد

وبالأخير تعطيه الأوراق وتتصل عليه ويطلع لك هالمسج : الهاتف المتنقل المطلوب مغلق حاليا .. وبالإنجليزي : ذا موبايلي يو كولنق ازس وتسش اوف !!

وبعد أيام ورى أيام ... يتغير المسج إلى : إن الرقم الذي طلبته غير موجود بالخدمة مؤقتاً !!

وبعدها تتغير : إن الرقم الذي طلبته غير صحيح

وبعدها ( للحين عندك أمل ) يرجع الإتصال وتعود النغمه لكن للأسف ما يطلع خويك ابو فلان المعقب اللى يبي يخلص لك معاملاتك .. اللى يرد عليك شخص آخر : إما معقب آخر .. او سائق آخر : أيوه مين يبقى "؟ مين ؟؟ قلطان .. قلطان !! يعني غلطان !!

وراحت فلوسك ياحسسسسسسسسيييين

الحين اول ماتتعامل مع معقب شيك على رقمه .. إن طلع بإسمه او إساله عن رقمه الحقيقي .. الأصلي لأن الكثير من المعقبين مايبون يحطون ارقامهم اللى بأسمائهم لأسباب كثيره وانا معهم واضم صوتي لأصواتهم ...

حتى الأخوه اللى يبون خدمات ... ترى مهوب قليلين شر .. ياما سوينا خدمات ودراهمنا ماجتنا براحه .. شيبوبنا وماطلوا لين ماكرهنا الشغل ..

تقبلوا مني كل التقدير والأحترام .. والله يرزقنا من حلاله ويغنينا عن حرامه

برب أغير جوالي ابو شريحه واشوف لي دبره

اتمني تطبيق هذا القرار

افضل شيء انهم يطبقون النظام هذا وينه من زمان علشان الواحد يرتاح يتعامل مع من يريد

اذكرك باكر تلقي الشريحة تباع وجنبها رقم الهويه ..وكنك يابو زيد ماغزيت ...!!