 |
 |
 |
 |
 |
 |
 |
|
ملاحظة : الرقم خاص فقط بإعلانات العمالة المنزلية
10-25-2011, 04:50 AM
|
|
|
|
نقااااااااااااااااااااش .. للفائده .. ارجوا مشاركة الجميع .. ودمتم**
السلام عليكم ورحمة الله وبركاته
بما لا شك فيه بأن أي أحد يبي يستقدم له خدامه يتمنى يكون فيها جميع المواصفات يعني كامله مكمله (والكامل وجه الله ) ومن حقه هالأماني. لكن الشي الغريب * اذا شخص اتفق مع مكتب او شخص على ان يستقدم له خدامه وشرط عليه لابد توفر لي المواصفات التاليه وخلال مده قصيره واذا ماجت بنفس المواصفات ترجعها وتجيب بديله وتكون بعض المواصفات سهله ومعقوله بالمطنق وبعضها صعبه وكأنها تعجيزيه ولايعلم بها الا عالم الغيب. وهذي المواصفات المطلوبه السهله والمنطقيه : 1- نظيفة البشره . من وجهة نظري اشوف هالطلب سهل جداً معرفته لانه واضح قدام العين. 2- طويله او نحيفه او قصيره او سمينه . برضوا سهل جداً هالشي لانه واضح قدام العين . 3- لم يسبق لها العمل او سبق لها العمل في (الكويت - الخليج - لبنان - وغيره) برضوا سهله جداً ومن جوازها اعرف وين اشتغلت او مااشتغلت. 4- تعرف تطبخ وتجيد اعمال المنزل. برضوا سهله من اختبارها بهالشي وتطبيقها العملي في الاختبار (مع انه سهل تتعلم حتى لو ماكنت تعرف هالشي) 5- متعلمه. برضوا سهله 6- تحديد العمر برضوا سهل نجي للمواصفات (مااقول تعجيزيه ) بس أكيد صعبه على الشخص المستقدم : 1- حنونه مع الاطفال وتحبهم. 2- بشوشه ومرحه. 3- مؤدبه وهادئه ولهلوبه 4- أخلاقها ممتازه 5- مايكون نفسها في راس خشمها 6- أمينه على المنزل . طيب أنت طلبت هالمواصفات وشرطت توفرها في الخادمه والمده لابد تكون فتره وجيزه. طيب انت بشروطك ذي بتأخر المده على نفسك لان هالأشياء اللي انت طلبتها مستحيل الشخص اللي انت فوضته باالاستقدام يقدر يتأكد منها في يوم وليله او حتى في شهرين مادامك تبيها خلال شهرين . لان هالمواصفات المطلوبه مااحد يقدر يثبتها لك او يتأكد منها الا شخص عايش مع الخادمه سنوات طويله وعارف اطباعها واخلاقها وتصرفاتها. او ( طبيب نفسي ) يشخص حالتها بعد كذا جلسه . عاد هذا يمكن لجنة الأستقدام مستقبلاً تخصص طبيب نفسي لكل مكتب عشان يشخص حالة الخادمه اذا عرفوا بهالطلبات . اما الشخص اللي انت فوضته كل اللي يقدر عليه السؤال فقط (للخادمه وللمكتب ) عن المواصفات المطلوبه اعلاه وأكيد بيكون جوابهم (نعم) حنونه مع الاطفال وتحبهم وبشوشه ومرحه ومؤدبه وهادئه ولهلوبه واخلاقها ممتازه وامينه ونفسها مو في راس خشمها. أكيد الجواب (نعم) حتى لو المواصفات العكس لانها تبي الشغل وتبي تعيش ومستحيل احد يسب نفسه والمكتب كل اللي يهمه فائدته من وراها. ليه مانكون واقعيين ومنطقيين ليه نحاول نعقد الأمور بأشياء لايعلم فيها الا الخالق سبحانه وتعالى صدقوني كل هالأشياء مرت علي سابقاً ومازالت ومع ذلك الشرط لابد المده تكون وجيزه وقصيره اذا كان في الوقت الحالي الخادمات فيهن شح وقليل جداً نحصل خادمه في فتره وجيزه اشلون عاد اللي نبيها بمواصفات عديده * متى راح نحصلها بالمواصفات الكامله واذكر من طرائف الإستقدام سابقاً اذكر زمان لما كنت استقدم من اندونيسيا اتصلت علي وحده تبيني اجيب لها شغاله وقالت ماعندي الا شرط واحد بس اذا ماجبتها بالشرط اللي انا ابيه برجعها لك وخلال شهر فقط تجيبها. قلت طيب وشو شرطك * قالت ابيها تكون قبيحه (شكلها قبيح) هههههه * طيب تبينها قبيحه وخلال شهر لابد تتوفر * قالت ايه * قلت طيب بجيبلك خدامه ورشي وجهها بموية نار عشان تكون قبيحه * قالت ايش تتريق انت قلت انا داري عنك انتي وطلبك و قلت ماعليش انا اعتذر مااقدر اوفر لك طلبك * لاني عارف بتمشكل معاها مادام هذا طلبها * لانه ايش يضمن لي اني الاقي قبيحات في اندونيسيا وخلال شهر بعد والشي الثاني ماادري وش تقصد بصيغة القبح اللي تبيها (عورا مثلاً) او (بدون سنون) او (وجهها مفقع ومشقق ) اللهم لاشماته بس من جد طلبات غريبه . نقاط مهمه للنصح من واقع تجربه سابقه في الأستقدام : - الخادمه تتعلم بكل سهوله على نظام أهل البيت مع الوقت والصبر . - الخادمه التي لم يسبق لها العمل أفضل بكثير لانك قادر على تدريبها على نظامك بكل سهوله (يعني بتتعب في البدايه بس ترتاح في الأخير) - الخادمه المسيحيه أفضل من المسلمه لان المسلمات الكثير منهن يرفضن العمل الا مارحم الله . - الخادمه التي سبق لها العمل بتتعب معها في البدايه لان نظام من سبق وان اشتغلت عندهم يختلف عن نظامك واذا شديت عليها وضغطت عليها ممكن ترفض العمل فالأأفضل المعامله معها بالسياسه واللين حتى تفهم نظامك وتتقبله. - الخادمه في الأول والأخير بشر وفقيره ومتغربه عن أهلها للبحث عن الرزق فيجب معاملتها بكل لطف ورحمه حتى تعاملك بالمثل . - كل شي توفيق من الله أتمنى بأني وفقت في توضيح بعض الأمور وأسال الله التوفيق لي ولكم والرحمه والغفران (( بالعقل والمنطق راح أقبل بشروطك والبيها لك ... وبالعقل والمنطق ماأقدر اوعدك واكذب عليك )) ودمتم سالمين **** |
|
10-25-2011, 08:05 AM
|
|
|
|
صباح الخير .. اسمحلي بتعليق بسيط لو تكرمت ..
كلامك جدا ً منطقي وعين العقل .. ومثل ماذكرت انو الناس تتمنى الأفضل دائما ً اما بالنسبة لمسألة إنها حنونه على الأطفال وغيرها ياخوي أكيد الكل عارف انكم ماراح تفتحون قلوبهم وتشوفون وش فيها لكن على الأقل يكون عندكم خلفيه لطلب الشخص انو يبغاها حنونه على أطفاله على الأقل يكون عندها خبر حتى لايتم إسترجاعها .. ولو بعض المكاتب حريصين ويفهمون الخادمه بشرط الشخص وخصوصا ً موضوع الأطفال .. بأنها سوف تعاقب إذا لم تكن مطابقه لذلك الشرط .. أتوقع بأنها لن تلجأ للكذب .. (مانلاحظه للأسف انو بعض المكاتب تكتب شروطك من هنا وتجي الخادمه عكس المواصفات شكلهم يتقهوون عليها بعد مايطلع الزبون :d ) أعتذر ع الإطاله .. وأتمنى تقبل مداخلتي بصدر رحب .. وشكرا ً لك |
|
10-25-2011, 08:46 AM
|
|
|
|
|
|
اقتباس:
شاكر مداخلتك وعلى الرحب والسعه
وهالموضوع ماطرحته الا للنقاش والتعليق وتعليقاتكم محل تقدير واحترام وإختلاف الرأي لايفسد للود قضيه |
|
10-25-2011, 12:48 PM
|
|
|
|
25 مشاهده بدون أي تعليق !! كأن الموضوع ماعجبكم ؟! |
|
10-25-2011, 01:23 PM
|
|
|
|
والله صادق مشكور على الموضوع على قولة اخوي ليت فيه فحص لسلامة الصدر قبل ماتجي
|
|
10-25-2011, 01:36 PM
|
|
|
|
هلا وغلا فيك اخوي المستشار اتفق معك في كل الي ذكرته ياعزيزي برغم ان اجزم ان العميل دائم يبحث عن خادمه تكون تحب الاطفال برغم ان الشوف الشروط الثانيه من عمر ومن مقبولة الشكل وغيره سهل جدا والاكن بخصوص الاطفال اشوفه صعب احد الاخوان يقول لازم تقول للخادمه قبل لاتجي انها راح تشتغل عند اطفال وانا اقول الخادمه اذا هي في بلدها وسويت معها مقابله وذكرة لها الشروط الي انت تبها تاكد مليون في الميه انها راح توافق للعمل لانها تبحث عن لقمة العيش ومن الاكيد ماراح ترفض اي طلب انت تعرضه عليها حبيت اوضح النقطه هاذي وابي اذكر لكم وين تقع المشكله من وجهت نظري المشكله تقع من سوء التعامل مع الخادمه والله لو تتعامل مع الخادمه من افضل الى افضل انا امتاكد انها راح تعطيك في العمل من افضل الى افضل والا ازكي جميع الخادمات والاكن اعطي نسبه كبيره لهم بال الاغلبية التعامل ينفع معهم احنا دائم نسمع مشاكل عن الخدم وخاصه الاندونيسيه تدرون ليه لان اكثر العماله الموجوده في السعودية هي العماله الاندونيسيه ومن الطبيعي تصير مشاكل لهم بحكم العدد الاكبر لا اخفيكم ان فيه شخص قريب لي يعمل في اندونيسيا وتناقشة معه كثير بخصوص مشاكلهم في السعودية وان الاعلام يتكلم كثير عنهم رد علي وقال انا كثير نقراء ف الصحافه الاندونيسيه عن مشاكل السعوديين مع خدمهم وسوء المعامله لهم والواضح ان كل صحافه تتكلم عن شعبها وشي طبيعي يصير الشي هذا والله لو تجيك خادمه ماتحب الاطفال وتتعامل وتفرض احترامك عليها تاكد انها راح تحترمك وتحترم بيتك واولادك في غيابك اعتذر منك اخي المستشار اعتقد ان اخذت موضوعك في سياق ثاني والاكن لم جد مدخل او اضافات على اذكرت واحببت ان الظيف هذه النقطه لي عوده ان شاءالله تحيتي |
|
10-25-2011, 01:37 PM
|
|
|
|
هلا وغلا فيك اخوي المستشار اتفق معك في كل الي ذكرته ياعزيزي برغم ان اجزم ان العميل دائم يبحث عن خادمه تكون تحب الاطفال برغم ان الشوف الشروط الثانيه من عمر ومن مقبولة الشكل وغيره سهل جدا والاكن بخصوص الاطفال اشوفه صعب احد الاخوان يقول لازم تقول للخادمه قبل لاتجي انها راح تشتغل عند اطفال وانا اقول الخادمه اذا هي في بلدها وسويت معها مقابله وذكرة لها الشروط الي انت تبها تاكد مليون في الميه انها راح توافق للعمل لانها تبحث عن لقمة العيش ومن الاكيد ماراح ترفض اي طلب انت تعرضه عليها حبيت اوضح النقطه هاذي وابي اذكر لكم وين تقع المشكله من وجهت نظري المشكله تقع من سوء التعامل مع الخادمه والله لو تتعامل مع الخادمه من افضل الى افضل انا امتاكد انها راح تعطيك في العمل من افضل الى افضل والا ازكي جميع الخادمات والاكن اعطي نسبه كبيره لهم بال الاغلبية التعامل ينفع معهم احنا دائم نسمع مشاكل عن الخدم وخاصه الاندونيسيه تدرون ليه لان اكثر العماله الموجوده في السعودية هي العماله الاندونيسيه ومن الطبيعي تصير مشاكل لهم بحكم العدد الاكبر لا اخفيكم ان فيه شخص قريب لي يعمل في اندونيسيا وتناقشة معه كثير بخصوص مشاكلهم في السعودية وان الاعلام يتكلم كثير عنهم رد علي وقال انا كثير نقراء ف الصحافه الاندونيسيه عن مشاكل السعوديين مع خدمهم وسوء المعامله لهم والواضح ان كل صحافه تتكلم عن شعبها وشي طبيعي يصير الشي هذا والله لو تجيك خادمه ماتحب الاطفال وتتعامل وتفرض احترامك عليها تاكد انها راح تحترمك وتحترم بيتك واولادك في غيابك اعتذر منك اخي المستشار اعتقد ان اخذت موضوعك في سياق ثاني والاكن لم جد مدخل او اضافات على اذكرت واحببت ان الظيف هذه النقطه لي عوده ان شاءالله تحيتي |
|
10-25-2011, 01:53 PM
|
|
|
|
ام رائد الحلو العفو مسير .. هلا فيك والموضوع تحت أمرك |
|
10-25-2011, 01:57 PM
|
|
|
|
هلا باخوانا مستشارك ..اتمني تكون بصحه وعافيه... انا من خبرتي مع مكاتب الاستقدام صرت اطلب شرط واحد فقط سبق لها العمل او لم يسبق والعمر التقريبي .. لان باقي الشروط لايمكن ان تنفذ لك بدقه او يحسسونك ان مثل هالشروط تصعب من عملية الاختيار...!! وفعلا احط الشرطين ..وافوض امري لله..والحمد لله تجي احيانا بطيخه بيضاء واحيانا حمراء انت وحظك اصلا حتي لو حطيت كل الشروط اللي براسك راح تجي يابيضاء ياحمراء .. ايضا من خبرة احيانا تكون لك معرفه بصاحب المكتب وتوصيات ويكون موجود بنفس البلد المستقدم منه واتصالات وتلفونات رايحه وتلفونات جايه ..وتجي مثل قلتها .. واحيانا اقرب مكتب جنبك بالشارع .. وعطه التاشيرة وسدد المبلغ وتجيك مافي احسن منها.. يعني انا اشوف المساله حظوظ ..والحرص الكثير والتدقيق بالشروط والله مامنه فائده .. واهم شي برايي الشخصي واللي عندي قناعة تامه منه ..ان التعامل الجيد والطيب مع العامله المنزليه هو من يلبي ويحقق لك كامل الشروط المطلوبه حتي لو كانت غير موجوده فيها اشكرك علي موضوعك الجمييل وتقبل مروري .. |
|
10-25-2011, 08:36 PM
|
|
|
|
حياك الله أخوي رجل ثقه وبكل تأكيد بأن الخادمه توفيق من رب العالمين اولاً وترجع للحظ ثانياً وشكراً على تشريفك للموضوع |
|
10-27-2011, 06:26 AM
|
|
|
|
هل من نقاش؟
|
|
10-31-2011, 04:41 AM
|
|
|
|
الموضوع ياأخوان للفائده والنقاش ياأقتنع @..@ ياتقتنع وإختلاف الرأي لايفسد للود قضيه |
| مواقع النشر (المفضلة) |
|
|
|
العرض العادي
