السلام عليكم
كان لدينا خادمه من احدا الدول الافريقية وكتنت مدلعه دلع الله اعلم به وجتنا ظروف سفر وشغلنا ها عند احدى الاصدقا عشان مانقطع رزقها وبناء ع طلبها الحرمه طمعت وكبرت عينها لان الاصدقاء اعطوها راتب اعلا وبعلمنا بعد كم شهر طلعت اجازة لاننا كنا نعطيها يوم بالشهر وراحت الشرقية وقفلت جوالها عصبنا سوينا لها هروب لانه مسؤوليتنا رجعت العمه خايفة واتاسفت واشتعلت عند اميرة والاميرة رافضه تدفع الي خسرناها ورافضه تنقل كفالتها الا بلااااش!!!! مع ان عرضنا عليهم نلغي الهروب ونضبط وضعها وننقل كفالتها عليهم نظامي بعد اخذ حقنا لكن الوقاحة !!!

واحنا مو محتاجين بس البلد مو فوضه كلن يهج ويتمرد ويمشي كلامه علينا وعلى النظام ولاننا اكرمنا لها وتمردت

السؤال ماهي الاجراءات الي لازم نتخذها تجاه الي مشغليناها وهم عارفين ان عليها بلاغ هروب..كم الغرامه عليهم ؟؟

هل هاذي لاجت تطلع من البلد تقدر تطلع تهريب واا لازم ترجع لنا لتصفية الحساب لانه لازم تتادب لو مو الحين بعد حين

في مثل هالحاله الشكوي الي الامارة .....وتوضيح الامر لهم

ولا مانع من المرور علي الشرطة واخذ مرئياتهم حول ذلك ...

ارفعي قضيه على الخادمه في المحكمه

لا اعتقد ترفع أمر الشغالة الى المحكمة .. ولكن المحاسبة لمن يأويها مخالف للنظام

طالما هناك بلاغ هروب طلعوا تأشيرة بديلة ويخلف الله عليكم وما أعتقد بأن الإجراء سيعيد حقكم خلاص هي طلعت من مسؤوليتكم بمجرد بلاغ الهروب ومن يأويها يتحمل مسؤوليتها. مع العلم هناك من يستطيع ومع الأسف إلغاء البلاغ ونقل الكفالة بدون علمكم. لذلك أنصح بأقصر الطرق وأقلها خسارة.