ملاحظة : الرقم خاص فقط بإعلانات العمالة المنزلية
|
|
ابي مشووووورتكم الله يعافيكم بالاثيوبية
السلام عليكم ورحمة الله وبركاته
اخواني واخواتي بلييز شوروا علي انا ابي اقدم على خادمة اثيوبيةبس ابي نصيحتكم من جربها وهل تصلح للاطفال مررررة محتارة اهم شي حنونة على الاطفال ؟ هذا الا مشغلني ما ادري في احد مجرب اذكروا لي تجاربكم لا حرمكم الله الاجرر |
|
|
مافيه احد بالعالم احن على الاطفال الا امهم ياحريم وش صار لكم تتخلون عن اهم مهنة بالعالم وهي الامومه لأجل مهنة المادة شوفو الفرق بين الاطفال اللي امهم مقابلتهم وبين اللي ماتشوفهم الا ساعات قليله من اجل العمل والزيارات اللي ماوراه الا المفاسد وقرن في بيوتكن |
|
|
ابو يوسف ماتلاحظ انك عايش بمدينة أفلاطون ! الامهات اللي مقابله عياله على قولته ماشفنا عيالهن انبياء الا مع الاسف ببيته اكل ومرعى وقلة صنعى تعودت على التبطح والتسدح لكن اللي تشتغل تروح للعمل تجي تنام وتقوم تفقد شناط عياله وتدرس لها دور فعال اسمحلي الامهات اللي انت تتكلم عنهن امهات قبل ٤٠و٣٠سنه موب الامهات اللي يصب بحلوقهن ... |
|
|
لدينا عماله اثيوبيه 0ارتريه 0مغربيه0مصريه 0سودانيه مربيات 0طباخات0نظافه ولديناخبيرات تجميل وكوفير ونلبى جميع طلباتكم تحياتى معتصم الشوبلى المدير العام مكتب الشوبلى للاستقدام وتوريد العماله alshoply11@hotmail.com muatsem270@hotmail.com |
|
|
قولي خيراً او اصمتي اصل المرأة القرار في البيت وهذا دليل شرعي لانقاش فيه وبيني وبينك النص الشرعي وهو امر رباني يأمر المرأة بمكوثها بالبيت وانا اعرف المئات من نسائنا ناجحات في حياتهن متقنات لتربية ابناءهن اخرجن مشايخ وعلماء وطلاب علم وانا لااعم الجميع بل بعضهن فاشلات مهملات لأبناءهن وهن في البيت الخادمة هي الام والطباخه وهي تلتهي بالصديقات والزيارات التي ليس وراءها الا المفاسد والفشل يرجع لأهمال الزوج وعدم تحميلها المسؤلية التامه ناحية بيتها وزوجها يجب عليه الحزم والشده حتى تكون أمرأة تحمل هم ومسؤلية بيتها أغلب فساد النساء عندنا من الزوج لأنه لم يستعمل معها القوامه أو يشد عليها بل يتركها على راحتها ويمل من كثرة مايملي عليه ومع الوقت يتركها ويصبح البيت مهمل من جميع النواحي |
|
|
|
|
نفس السؤال تطرحه كل وحده قبل الاستقدام ... ودائما الإجابة غير معروفة .. اذا كنت موظفة دخليهم حضانة روضة .. ولو توفر عندك شغالة الافضل ماتخلينهم معها لحالهم في البيت .. الأطفال امانة عظيمة جدا جدا جدا .. حطيهم عند اي قريبة لك بشغالتهم .. مافيه احد يقدر يقولك هالجنسية حنونة على الأطفال أو لا ... والشغالات عموما مايحنون على غير اطفالهم بس ممكن يستلطفون الطفل الهادي المريح .. والله يكفينا واياكم شرهم .. وللأخت شوشو : اقتباس:
وملاحظة بسيطة جدا ... طبعا مستحيل يكونون عيالها انبياء ... من وين جبتي هالعبارة ؟؟ الأفضل ... صالحين .. مصلحين .. متميزين .. الخ شكرا لتقبلك مقدما.... |
|
|
ابو يوسف ؟؟؟ مدري وش اقول لك بصراحة الناس الا جالسين خلف الكي بورد ويطقطقون ومو عارفين شي ياليت يوفرون نصايحهم على طول حكمت اني ام مفرطة بالامانة ؟؟؟ عموما مع ان الامر ما يهم احد بس انا موظفة واروح خارج الرياض يوميا اكثر من ميتين كيلو اطلع قبل الفجر وارجع العصر تقريبا ..! واترك اطفالي في بيتهم بحكم ان ما عندي احد احطهم عنده ومو معقول اخذهم معي للمدرسة هذا لو توفر بها حضانة وللعلم مافي حضانة في المنطقة الا ادرس فيها اصلا ..! ولما تقول وقرن في بيوتكن انا معلمة وماراحت اتسوق ولا اتمشى ولا ازور صحباتي على قولتك ..! على كل حال حنا ماشكينا على احد وضعنا وربنا وحده قادر يفرج همنا ويعجل نقلي انا والمكافحات الا زيي ...! ولما سالت عن حنان الاثيوبية لاني بترك معها فلذات كبدي رغم عني وهي فقط تكون معاهم حتى ارجع من دوامي .. مو لاني ابيها تربي لي عيالي !!!! الا عنده اجابة عن سؤالي يتفضل يجاوب والا يطمش بليز لا يتعب نفسه ..! |
|
|
|
|
اقتباس:
كلامك صحيح من ناحية مافي أحن على الأطفال من أمهم * بس العمل مو عيب ولا حرام .. الحريم يكدن عشان بيوتهن وعيالهن وأكيد للزوج نصيب والله ياابو يوسف الحياه صعبه ويبيلها تعاون . مااحد يعاف الــراحه *** بس كلن له ظروفه . |
مواقع النشر (المفضلة) |
|
|
|