القصة ياخوان وياخوات
اني دورة على سواق بالاجار بالشهر لفترة حتي يجي سواقي وكتب ربي وجبت سواق اندانوسي معه رخصة وصورة من جوازة والاقامة وقال انه مايبي كفيلة عشان مو موفر له السكن وا واو ا الخ المهم اتفقت معهة وقلت ابي اجربك اسبوع اسبوعين واذا اتفقنى انقل كفالتك على وافق وبعد الفترة اتصلت على كفيلة وقلتله السواق عندي ودى انقل كفالتة لي زعل الرجال وقال لا انا ابيه يرجع لى وراح اخليه يشتغل عندي شهرين وبعدين ابي اسفرة المهم عرضة علية عروض مغريه ورفض وقلت والله السواق صادق كفيلة مضروب
بعد فترة جاتنى الشغالة تقول انه طلب منها ان تضع لنا سحر بالاكل وهي رفضت وهددها وخافت منه وبلغتنا لانها ماتفقت هي وياه وطنشنى وقلنا لازم نتحرص منه بس هالاسبوعين المهم بعد فترة شافو اطفالي عنده شغالة بالغرفة وبعد التحقيق معه قال زوجة صديق ويبغى سفارة وهاوشته وقلت طلعها وكانت مع طفل ابو يوم او يومن توه مولود ومطلعاه من المستشفى المهم بعد فترى 10 ايام ودخلت الغرفة وهو مو فيه الصباح والقى وحدة ثانية بالغرفة المهم وتهاوش مع معها واطلع واقفل الباب و ادق عليه علية تعال ولما جيت لقيت الاخت اهربت المهم ماخليت ولا بقيت فيه واتصلت على الهيئة وقالو مالنا شغل اذا هو متلبس وهي معه نجي ( لو واحد من اعيالنا مربي شعر بالسوق تسابقو عليه) المه دقيت على الشرطة قلت عندي واحد هارب وووووو قالو مالنا شغل دق على الجوازات دقيت قالو مالنا شغل هذا اول وبعد ماجى غازي القصيبي سحب من الصلاحيات بالقبض عليهم الى بعد تشكيل لجنة من ومن ومن ومن ومن الخ المهم قالو دق على وزارة العمل او الوافدين يمكن يحلون مشكلتك وانا ودي انه ينقبض علي ويتحاسب على كل شي مسويه لانه مهرب شغالات وسحار وبعد سحر مرة كفيلة الاول حسب كلامه لشغالة حقتنى يوم يهددها ويقول ترى اسوي فيك زيها وزي الشغالات الي يجوني واخليك انت تجيني مو انا اجيك وهذا الي خلها تعترف لنا وهي يعني قال وفيه لخطيبها الي في ديرتها وماودها تغلط الاخت وهو لعاب
الــــــــــــــــــــــــــــــحين شورو
علي وش اسوي فيه انا ماعطيته راتب الشهر وقلتله روح عند صديق انت انا جبت سواق عربي لي يومين وقلتله ابي اشوف سواق كويس ام لا واذا مافيه كويس ترجع انت شغل واحد اسبوع واعطيك راتب ماني قادر اخليه يسرح ويمرح على كيفة بالديرة اتهمه اخاف تنقلب علي السالفة
اضربه اخاف يسوي شي لعيالي وبيتي
اسلمة مين رقم كفيلة مو عندي واذا قلتها اعطيني هو بيشك وينحاش
كل الي بيدي سويت
لدرجة اني رحت لشرطة بنفسي وقدمة بلاغ وقال لي العقيد ماعندنا له شي ولا لنا صلاحيات نمسكة
يـــــــــــــــــــاناس هارب وسحار ويهرب وووووووو ومابيدهم شي يسونه له
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

:

والله مشكله يعني مو بس الشغالات سحره حتى السواقين لو هم محصلين ليهم قانون يردعهم وحازم وصارم ما سووا مثل هالسواة ليش اذا احد اذاهم الدنيا تقوم وتقعد وتصير ضجه ويمتنعو حتى عن الجيه مثل الي صارير الان ( خادمة المدينه ) والناس تتعطل لكن هم يسحرونا ويعذبون اطفالنا ويسرقونا مو مشكله ما اقول الا الله يكون في عونك بس اسمح لي اقول لك انت طيب بزياده عن ا للزوم هذا لايستاهل راتب ولاشي ما يستاهل غير الضرب يبي له واحد يكسر عافيته تكسير حتى يتأدب وياخذ درس طول حياته ولا يعيدها يعني خذ حقك بأيدك

ياحبيبي عليك وبالصحافة

شف لك صحفي من اللي لهم كلمة مسموعة ويكتب تحقيق كامل ويجي ويصوره بعد عندك علي الرويلي بالرياض أو اي واحد مثله

صدقني اسبوع وموضوعك محلول ...

واذا بغيتها بطريقة اسرع اطلع الحين للأمير سلمان وبتنحل امورك في يومين

البلد من جرف لدحديره

معليش أخي العزيز الخطأ خطئك يعني انت تساهلت معه كثير والى الآن لم يتم طرده
إذا انت متأكد من الأشياء التي ذكرتها ياليت تذكر لنا الحي الذي تسكن فيه
لعل وعسى نستطيع نساعدك باي شي
ارسل لي على الخاص مكان الحي اذا ممكن
وإن شاء الله اذا انا وانت وغيرنا تعاونوا على مثل هؤلاء الأشخاص راح تنظف البلاد من الجرائم

اخواني انتم تقولون الحق علي علي بيش انا اعلم الغيب اول ماعرفت اتجهت بطريقة رسمية لذؤى الشان لدينا ولو على الضر اقدر اكسر اضلوعه ولكن وبعد ماضربة يروح عند غير ي ويشتغل او يهرب الشغالات اخواني انا ماتسامحت عنه وقلتله روح انا قلت ابي اسلمة عشان يتعاقب ويشهر به ويمنع من السفر الى بلدنا مرة اخرى ولكن لا حياة لمن تنادي

والاخ الي يقول يبي الحي ابشر اعطيك رقمي ولكن ماهو حلك انا ابي يتخذ بحقة اجراء قانوني ويحاسب ويسجن ويعترف بك جرائمة

ولو باليد ابشر الحين ولكن انا ماسكة بالراتب ماودي ابين له شي اخاف يختفي في البطحاء وغيرها
وبعدين وش الحل

طيب رح قدم شكوى للإمارة واكتب خطاب للأمير سلمان واشرح فيه كل شيء وقل انك قدمت شكوى

وكل واحد من المسؤلين قال هذي ماهي مسؤليتي لأنه إذا المسؤلين ماتحركوا مافيه غير امير الرياض

يأمر عليهم بيركضون ركض .

الله يكون في عونك

لا حياة مع الياس هذه اسمك فكون اسم على مسمى

هذا اختصاص ادارة الوافدين الموجوده في الشميسي

لكن فيه اكثر من اقتراح حقيقه لو سويتهم ممكن تكون

سبب و انت بداية التصحيح و يمكن يصدر قرار في هذا الموضوع

الاقتراحات ذهابك الى الاماره و تقديم خطاب و شرح الامر

الى صاحب السمو الملكي الامير سلمان امير الرياض

اذا وصلت الخبر للامير سلمان راح يكون الاحل الافضل و الامثل

الاقتراح الثاني الصحافه عن طريقهم ياصل الخبر للمسؤلين

و سوف يكون لها صدى مدوي عند جميع المسؤلين و اولهم ولاة الامر

جزاك الله خير على وعيك و احساسك بالمسؤليه و الله يكثر من امثالك

اذا مالقيت تجاوب من الصحافة ارسل لي على الخاص ممكن اساعدك في الموضوع

انا اقترح عليك انك تتنازل عنه وتستفيد من الدراهم او تأجره لأحد ثاني

والا اقول لك
ليش ما تشتغل بتأجير الخادمات وتستفيد منه يجمع لك من الشوارع خادمات وتأجر واللي تشرد باللي ما يردها

خلني افكر وبرجع لك بالحل