 |
 |
 |
 |
ملاحظة : الرقم خاص فقط بإعلانات العمالة المنزلية
09-17-2011, 09:46 PM
|
|
|
|
نصايح لوجه الله واللي له تجارب مع النصابين يذكرها
اولا : لاااااتثق في أي شخص لاتوجد لديه رخصة استقدام ومكتب مسجل في موقع وزارة العمل. ثانيا: لاتحول اي مبلغ لأي شخص كان. ثالثا: لاتتعامل مع من يكثر من الحلف بالله ويستشهد بالآيات القرآنيه. فالنصب وارد هنا وبقوه. واليكم قصتين واحده حصلت معي والأخرى مع زميل لي: قصتي مع شخص كان له اعلان في احد المواقع الموثوقه على الانترنت وأنه يستقدم من النيبال وكان عارض صور وسير ذاتيه للخادمات لديه. اتصلت على صاحب الموقع وأثنى على هذا الشخص ثم اتصلت على الشخص نفسه وكان يبدو عليه من كلامه ودعائه الإلتزام وفي كل مره اتصل عليه فيها كان اهله يخبروني بانه بالمسجد ومن ثم يتصل فيني ( المكالمه على حسابه حتى تثق فيه ) طلب مني ارسال جزء من المبلغ ووكاله اكترونيه بعد اختيار الخادمه من المعروض لديه وخلال ثلاث اسابيع تكون الخادمه عندي... وكان خلال هذه الفتره يرسل مسجات دعاء لي وآيات من القرآن وتذكير بالآخره وتهنئه بيوم الجمعه .. وعندما أرسلت له المطلوب بدأت المماطله وعندما ضيقت عليه الخناق بالأسئله وبوعوده الكاذبه قال : أنا لا أقبل على نفسي ولا على أولادي ريال واحد بالحرام اذا كنت تريد فلوسك احولها لك واذا كنت تريد الخادمه انتظر. قلتله ارسل فلوسي بعد كذا قفل جواله ويشغله من فتره لفتره دون أن يرد على اتصالاتي ولا على المسجات وبالأخير قفل جواله له سنه الآن. القصة الثانيه أخبرني بها زميل لي: يقول انه كان لي صديق قديم عشنا حياتنا من ايام الطفوله مع بعض وافترقنا مع الايام واستمر التواصل من فتره لفتره بالجوال .. وبدأ صديقي يستقدم خادمات بصفه شخصيه وبالفعل استقدم عشر خادمات خلال اسبوعين ولما ذاع صيته وكثرت الطلبات عليه وهذا ماكان ينتظره طلبت منه ان يستقدم لي خادمه فطلب مني أن أحول له 1000 ريال من اجل اصدار الفيزه للخادمه واذا تأكدت من وجودها على كفالتي أرسل له باقي المبلغ وبعد أن اصبحت الخادمه على كفالتي بالفعل وارسلت له باقي المبلغ بدأت المماطلات والمواعيد ومن ثم تطنيش اتصالاتي عليه وعدم الرد عليها الى أن أقفل جواله وخسرت وخسر غيري ممن وثقوا فيه . من خلال هذه القصص وغيرها كثير أرى أنه يجب أن لاتحول ريال واحد لأي شخص كان .. ومن كان صادقا في تعامله مع الناس فليثبت حسن نيته ولا يطلب أي مبلغ الا بعد وصول الخادمه الى المطار ويكون له مندوب يستلم عنه المبلغ في المطار . واذا كان غير قادر على دفع تكاليف الخادمه حتى وصولها للمطار فالأفضل يشوفله شغله غير هالشغله. وسلامتكم. |
|
09-17-2011, 09:53 PM
|
|
|
|
الله يعوضك عليك وعلى خويك والشي المهم والأهم ليه تعطيه او تحوله مبلغ وليه ماشرطت عليه بعد مايخلص اجراءتها تعطيه حقه وبعد ماتتاكد بنفسك من السفاره ياخوي انت على نياتك بس لا تحول حتى ريال واحد ياما تتاكد من كل شي الله يعوض عليكم يارب وبشر اللي بياكل الحرام ماهو بخير تحياتي لك أخوك الســنـ عوسي |
|
09-17-2011, 09:58 PM
|
|
|
|
بارك الله فيك اخوي كلام سليم ولا غبار عليه مو كلهم يبدون كذا انا اعرف صديقه وزميلتين لى بالمدرسه ضحك على ازواجهم ناس كذا قالوا يقدرون يطلعون من الفبين ومن اندونيسيا مع بدايه الايقاف اللى طمنهم اكثر ان السعوديه اصدرت لهم التاشيرات يقلن لما ازواجهم طلعوا الثاسيرة من الاستقدام ( يعنى قبل يتم الايقاف بيام بسيطه ) المهم ان الرجال نصب عليهم وراحت فلوسهم دفعوا قيمتها اظن كانت 8 او 9 الاف ولا شافوا لاشغالات ولا فلوس والا ارقام جوالات ترد |
|
09-17-2011, 11:33 PM
|
|
|
|
|
|
اقتباس:
اخوى فى مقولة قانونية تقول القانون لا يحمى المغفلين وانا انصحك وغيرك يكون مبدءاكم الشك حتى اليقين يعنى شك فى اى واحد الجاية ليس مربوطة بوجود مكتب او عدمه الشغلة مربوطة بكيفية تعاملك مع الناس ومقدرتك فى الفاظ على حقوقك وانا بعرف ناس اتنصب عليهم بواسطة مكاتب واتحلت مشاكلهم عند ناس ليس لديهم مكتب ولا يحزنون بس عندهم المصداقية وما اقول الا الله يعوضك وشوف لك طريقة قانونية تسترجع بها حقك |
|
09-18-2011, 12:18 AM
|
|
|
|
الله يجزاك خير اخوي خالد عثمان .. طبعا مستحيل يكون فيه طريقه استعيد فيها حقي لأن الرجل قفل جواله ولا أعرف عنه شي وهو استغل الدين من أجل السرقه. ولست معك في تعليقك الأخير حيث أنه لو كان له مكتب معروف ومرخص من وزارة العمل لكان بالإمكان وبسهوله أن آتي به .. ولكن اذا كان مكتب الإستقدام غير مرخص فبإمكانه يقفل المكتب وبعد كذا دورني ماتلقاني. وكذلك الأمر اذا كان شخص يستقدم لحسابه الخاص. فالحل كما ذكرت أنا بأن يكون الإستلام والتسليم في المطار عند وصول الخادمه ولا أظن أن هذا الشي اذا حصل فيه ضرر على أحد. مالمانع بان يكون استلام الخادمه وتسليم المبلغ في المطار عند وصولها ؟ |
|
09-18-2011, 01:01 AM
|
|
|
|
اخوي متعب مشكور علي التذكير بالنصب والنصابين ...
الانسان في لحظات طمع احيانا ينسي شي اسمه مصداقية وثقته بنفسه وحكمه علي الشخص اللي امامه عن طريق احاسيسه او عن طريق طريقته سواء بكلامه او تصرفاته تعطيه فرصه انه يحكم عليه انه انسان كفو..حتي يكتشف العكس ..وقتها يلوم نفسه صدقني متي ماوجد النظام الصارم والعقوبه راح يقل عدد النصابين .. حتي المكاتب الموجوده هنا وهي رسميه وباسماء اشخاص اعتباريين وموجودة تلفوناتهم وجولاتهم ومع ذلك ماسلمو الناس منهم .. يكفيك جولة منك بالمنتدي وقلب الصفحات تجد العجب العجااب..والسبب انك لو اشتكيت بالعربي ماحولك احد .او محد يعطيك وجه ..تسلم وتقبل مروري .. |
|
12-13-2011, 08:00 AM
|
|
|
|
|
|
اقتباس:
اذا عند طريق البنك تقدر تشتكي عليه ومن خلال رقم جواله بعد تقدر تشتكي عليه الحمد لله انت في السعوديه بلاد امن وامان |
| مواقع النشر (المفضلة) |
|
|
|
العرض العادي
