السلام عليكم ورحمة الله وبركاته

أخوكم في الله متوهق توهيقة جامدة

المهم أنا أستقدمت شغالة للعمل في منزلي وتم الوصول قبل ما يقارب الثلاثة أسابيع .. من أول ما وصلت فهمتها أنها تقدر تكلم أهلها مرة كل في الشهر .. البنية ماعليها تشتغل وخدومة ولا منها شر خلال الفترة الماضية ..

اول ما وصلت قالت بكلم أهلي بطمنهم أني وصلت وبتطمن على ولدي .. خليتها تكلم من جوال خاص ولا قدرت تكلم ولدها لأنه كان نايم على حسب كلامها .. وقالت لي ما أقدر أكلمه إلا يوم الجمعه عشان المدرسة ..

أمس عطيتها الجوال عشان تكلمه بعد ما طلبتني .. كلمت يمكن 7 دقايق إلا وبعدها بدأ الصياح .. طبعاً البنية جديدة ولا تعرف حرف عربي .. المهم شرحت لي بالموت أن ولدها صار عليه حادث وهو في المستشفى ..

خذيت الجوال وكلمت الرقم اللي اتصلت عليه طلع زوجها .. سألته وش السالفة قال ولدنا صدمته سيارة وهو في المستشفى .. هددته وقلت العب على غيري ومن هالحكي .. ولو طلع كلامك نصب بودي مرتك السجن .. الرجال ما وصلت له الفكرة لانه لا يعرف عربي ولا انجليزي زي الناس .. قلت له في الاخير يجيب لي أحد يحكي عربي ولا انجليزي زين .

اليوم بعد المغرب اتصلت علي وحده سيرلانكية تقول انها اخت شغالتي وتحكي عربي زين .. وقالت لي الولد توفى في المستشفى وتطلبني لا أعلم الشغالة بأي شيء .. وتقول احنا بنفهمها حبه حبه .. واحنا ما نبيها ترجع لأن ظروفنا صعبة ..

الآن أنا ما أدري وش أسوي .. إن خليتها تروح فهي مصيبة المبلغ اللي دفعته فيها جامد وإن خليتها قالبة الدنيا بكاء على ولدها ..

فالله يرضى عليكم اللي عنده شور يشور علي ..

يا اخي انت بشهر فضيل و دام اهلها ما يبونها ترجع و دام ولدها توفى انت حاول تواسيها شوي و فهمها انك بترسل لاهلها فلوس و حنا بشهر خير عشان يتابعون ولدها من باب الاحسان لين ما تتقبل الوضع و اهلها يفهمونها و دام اهلها ما يبونها ترجع و اختها قالت لك بنفهمها الوضع حبه حبه ما راح ترجع اعتقد هذا حل و لو عرفت ان ولدها توفى ما راح ترجع لان ما عندها شي ترجع له
للمعلومية الشعب السريلانكي و الهندي عاطفي جدا و حنون من باب معايشتي لهم بس يحتاجون التعامل بالحسنى

بصراحه مالومك بالوضع اللي انت فيه ..لكن هالاخت من وين طلعت لكم ..

اذا كلامها صحيح انها ماتبيها ترجع معناها ان شاء الله الامور تمام وانها واسطة خير ...!!

والموت وانا اخوك حق سواء عليهم ولا علينا ..

انت خلها ترتاح في غرفتها وعطها راحه يومين ثلاثة وتواصل مع هاللي تقول انها اختها..وحاول انها تواسيها شوي شوي...

مشكلتهم العاطفه لاعبة فيهم مرره ..وانا والله خايف ان المساله مسرحية ..لكن افترض حسن النيه وشف النهاية ..وربي يسهل امورك ..

انا ما ادري اذا كانو صادقين او لا

بس الاغلب منهم ....لازم كل فتره يموت عندهم واحد .. مدري وش الفايده من الكذب

عندي خادمه اخذتها من بنت خالتي

يوم كانت عندهم جاها اتصال وقالولها ابوها توفى واقلبتها مناحه رمضان اللي راح كله ماسوت شي بس صاكه على عمرها الباب وتبكي

ويوم انا اخذتها .... سبحان الله بقدرت قادر صار ابوها حي وكل اسبوع يكلمها ومابه الا العافيه!!!!!

وكل مره مالها خلق الشغل يموت واحد من عندهم !!!


الله يعينا عليهم

الله المستعان

فيلم سيريلنكي يحدث مع جميع الشغالات السيريلانكيات
لا تصدقه والله ثم والله انه كذب في كذب
اسأل كل من عنده شغالة سيريلانكية إذا ما كان هذا كلامهم
اللي عندي سوت نفس الفيلم وجلست اسبوع ما تشتغل
بس يوم كلمها صاحب المكتب وهددها عرفت ان الله حق

انا بعد صار عندي نفس الفيلم وكلمت اختها ولازم تسفرينها وترجع لك بعد ما ترتاح ولما كلت مافيه سفر بسمله طلعت بنتها ثاني يوم بس كل يوم فيه مشكله وبطلعت الروح كملت سنه لحد ما كرهتها وسفرتها وجا بعدها ثنتين ونفس السالفه
انا ما ادري ليش يجون الا اخر وحدة قالت لي الير ان المكتبربسيريلانكا يعطيهم فلوس علشان يوافقون يشتغلون وهي عادي تجي وتروح بالسنه مرتين تكسب مم هينا وهناك وحنا الضحيه لانه المفروض الي تجي وما تكمل تمنع من العمل مرة ثانية