السلام عليكم ورحمة الله. عندي خادمة هندية وبغيت أتنازل عنها رحت لمكتب خدمات عامة قال لي نعطيك مبلغ وقدرة بعد تجربتها مدة اسبوع ومدى صلاحيتها للعمل قلت ما عندك مشكلة المهم دق علي المكتب بعد عشرة ايام من استلامها وقال لي فيه عائلة سعودية تبغاها ونبي منك الجواز والأقامة ويعطيك المبلغ طبعاً رفضت اعطية الأقامة والجواز الا بحضوري للجوازات شخصيا والتأكد من نقل كفالتها اتصل المكتب على الشخص اللي أخذها وقام يماطل بالمبلغ ويقول مع الراتب قلت مافيه مشكلة ونزل الراتب وأعطاني ثلث المبلغ والحين لي شهرين اتصل على المكتب مايرد وطبعاً قبل ما اعطيهم الخادمة أخذت رقم الشخص اللي يبي الخادمة واتصل علية ورد ولما قلت له أني كفيل الخادمة قفل جوالة ولا صار يرد اللى اليوم علماً بأن الجواز والأقامة معي أنا خلاص ماعاد تهمني الفلوس بس ابي اخلي مسؤليتي من الخادمة لا يصير فيها شي وانا المسؤول تكفون دلوني وش اسوي جزاكم الله الجنة.

معقولة ولا در الرجاء تقديم المشورة لأني في حيرة من امري

والله انا اشوف لازم تقدم بلاغ اخلاء للمسؤوليه وانا ما عندي خبره بس ما حبيت اطلع بدون رد
بس لو كنت مكانك ابلغ يكون البلاغ دليل معي لو صار حاجه

هل الديك ورقة تثبت حقك وبسم المكتب
اذا فيه اثبات قدمو على الشرطه بلاغ

واذا مافيه اثبات قدمو ع الشرطه بلاغ هروب وذكر فيها انها موجود عند صاحب الجوال الموجود عندكم

او حاولو الاتصال عن طريق احد بالشرطه اذا كنتم تعرفون احد بيكون السرع لكم

واذا عندكم اسم المكتب الي اخدها منكم اذا كان مكتب رسمي او خدمات عامه ابلاغ مكتب العمل وتقديم بلاغ عليه عن طريق

الله يعين قرق في قرف مشاكل هالشغالات

بارك الله فيكم تم اليوم الذهاب لقسم الشرطة وابلغوني بمراجعتهم غداً في قسم الحقوق وسوف أخبركم بأخر المستجدات

اخوي نصيحة مافيه احد راح يخدمك لاشرطة ولا غيرة ....

الحل ارسل له رسالة علي جواله انك تبي تسوي بلاغ هروب علي الشغاله الموجودة عنده وراح تخلي مسؤليتك منها ...وان تشغيلها من قبله يعتبر تستر وراح يتحمل الغرامه والعقوبه..واعطه فرصه اسبوع...يفضل الرساله تكون من جوال ثاني غير جوالك ...

بعدها توكل علي الله وسوي لها بلاغ هروب وريح راسك ..صدقني محد حولك ..عينان بعض الناس ماينفع معاهم الا كذا ..

السلام عليكم
أنا مشكلتي مقاربه اعرف وينها شغلتي فيه ومو راضي الخسيس يطلعها من عنده ومو عارف شسوي

اخوي رجل ثقة الف شكر على تفاعلك معي ولاكن الشخص اللي أخذها من المكتب عنده وصل من المكتب انه استلمها منهم ودفع لهم المبلغ وانا أخاف اسوي بلاغ هروب بعدين يحاجونني بأنهم مستلمينها رسمي وبأوراق تثبت هذا الكلام

اذا كذا اجل اعرض علي الشرطه اذا ماحصلت حل... انك راح تسوي بلاغ هروب عليها حتي تخلي مسؤليتك ..

الشرطة وش تبي تسوي .تبي تتصل عليه وماراح يرد ..ويبي يقولون لك جواله مايرد عندك جوال ثاني له ..

ولا راجعنا بعد العيد ..