ملاحظة : الرقم خاص فقط بإعلانات العمالة المنزلية
|
|
كيف استرجع حقي من الحرامي اللي نصب علي ؟؟
القصه اني استقدمت شخصي عن طريق وافد هندي مايخاف الله طلبت منه يستقدم لي سائق وفعلاً
فيز لسائق على اسمي وعلى هالأساس حولت له 1500 وبعدها تعطل موضوع هالسواق ومر شهر وشهر وهو لسا ماجا وكل ما اكلمه يقول مشكله من حكومة الهند ولما كمل 3 شهور تكنسلت التأشيره حسب النظام ورجعت اقوله شوف واحد غيره مادام التأشيره رجعت جديده ومن يومها وهو يتهرب ويقفل الجوال ولا حس ولاخبر مادام الفلوس صارت بجيبه النصاب هذا يشتغل في الرياض حارس مدرسه اومعهد ماني متأكده واسمه حبيب وعنده ولد سواق اسمه سليم وزوجته اسمها رشيده تأجر خدمات معه والتفويض اللي سويته له لمكتب سفريات اسمه ايفتي هذا كل اللي اعرفه عنه الحين انا ما ابي الا انه يتعاقب ويتجرجر عشان يحرم ينصب على خلق الله حتى الـ1500ما ابيهم وحلال على اللي يقدر يطلعهم منه عشان يتربى !! او ممكن استفيد من معلومة متاجرته بالشغالات واشتكيه بس ماني عارفه كيف الطريقه قسم بالله منغثه وماني قادره اتحمل شعور الظلم خصوصاً اذا رد عالجوال ببرود واستفزاز و وكأنه يقول روحي بلطي البحر يعني لاقانون ولا نظام ولاشي يرجع لك حقك |
|
|
وجهة نظري تسوين شكوي علي المكتب اللي تم عمل التفويض له ...الشكوي عن طريق الايميل او فاكس للقنصليه السعوديه بالهند ..والمكتب وقتها يقدر يجيب الشخص بس بشرط يكون المكتب من المكاتب المعروفه للقنصليه ويتعامل معها بشكل دائم ..يعني المكتب يكون بحاجة للقنصليه انه ماتوقف نشاطه ... الشي المهم تتحملين جزء كبير من المشكله بسبب ثقتك باشخاص وهمييين غير معروفين ... |
|
|
|
|
اقتباس:
والتجاوب من القنصليه كان رائع خلال ساعات ردوا على الشكوى بس طلعت مشكله جديده طلبوا مني رقم التأشيرة والتأشيرة الحين ماعليها اسم المكتب النصاب لانه بعد مده تكنسل السواق الوهمي وقدمت فيها من جديد عن طريق مكتب استقدام سعودي الحين كيف الطريقه اللي يتأكدون فيها اني متعطله ومتضرره من المكتب النصاب ؟ |
|
|
الله يهديكم كيف تتعاملون مع اشخاص ماتعرفونهم اللي بيجيب شغاله ولا سواق ولا عامل يجيبه من المكتب افضل له |
|
|
كان في زمن الطيبيين يقولون : ما يآكل فلوس البَّخيل إلا العيَّــار ....
|
|
|
|
|
|
الله المستعان التعامل مع المكاتب يحفظ الحقوق اكثر الله يعوضك خير ولا يضيع لك تعب ..
|
مواقع النشر (المفضلة) |
|
|
|