ملاحظة : الرقم خاص فقط بإعلانات العمالة المنزلية
|
|
اذا رفضت الشغالة العمل قبل انتهاء الثلاثة اشهر مالعمل
اذا رفضت الخادمه عمل قبل انتهاء الثلاثة اشهر مالعمل؟ انا استقدمت شغالة عن طريق مكتب القرشي للاستقدام بجدة وقبل مضي الشهر الاول رفضت العمل وحاولنا بشتى الوسائل استصلاحها واقناعها بالعمل ولكن لا جدوى رفضت العمل بل وطلبت ان نوصلها بالمكتب وبعد ان اتصلت بالمكتب وشرحت له الامر طمئنني وطلب مني ان آتي بها للمكتب في المساء وتحديدا بعد المغرب حتى يكون المترجم موجود وبعد ان وصلت بها للمكتب وتكلم معها المترجم فعلا اتضح انها رافضة العمل وتم استلامها مني وطلب مني الموظف راتب الشهر الذي امضته عندي ولكن وبعد جدال طويل حاولت ان اوضح له انني لم استفيد منها شيئ ابدا وانها لا تستحق الراتب نظاما ولكنه اصر و اكتفى بمبلغ 600 ريال واخذت ايصال مكتوب فيه راتب شغالة ثم طلبته ما يثبت انهم استلموا الشغالة واعطائي صورة الصفحة الاولى من جوازها مختومه بختم المكتب ومكتوب فيها بالقلم وتوقيع الموظف ان الشغالة بأستلام المكتب للاتصال بأندونيسيا الى يوم الاثنين وفي يوم الاثنين قمت بالاتصال على المكتب فرد عليا الموظف وقال لي جيب وكالة للمكتب بنقل كفالتها ولازم تدفع الفين ريال قيمة التأشيرة فرضت بحجة ان الشغالة رفضت في فترة التجربة ولم تمضي شهر يعني في خلال فترة الثلاثة اشهر الاولى ثم قال لي ان الشغالة ليست رافضة للعمل واذا تبغاها تعال استلمها واذا ما تبغاها يجب عليك ان تدفع الفين قيمة التأشيرة بمعنى انهم اقنعوا الشغالة بضرورة اتمام ثلاثة اشهر وبعدها لها حرية التصرف .....هذا تحليلي للموضوع برمته السؤال هنا ما لعمل انا لا اريدها تدخل البيت مره ثانية والمكتب وضعني بين امرين اما استلامها او ادفع قيمة التأشيرة ......... كذلك في حالة رغبتي في استرد المبلغ الذي دفعته للمكتب وهو 6400 ريال هل من حقي مطالبة المكتب بالمبلغ كاملا بما فيه قيمة التأشيرة وهي 2000 ريال دفعتها لمكتب الاستقدام وما هي الاجراءات المتبعة في مثل هذه الامور ارجو الرد في اقرب فرصة ومعذرة على الاطالة اسأل الله ان يجعل ما تقدمونه في موازين اعمالكم وان يجعله شاهدا لكم لا عليكم ...... وتقبلو كل التقدير وفائق الاحترام |
|
|
أخوي تبي نصيحتي سوى زي ما أنا سويت في شغالتي المجنونه اللى رفضت العمل من اول شهر الله يجزاه خير واحد من الشباب قالي لاترجعها الى المكتب لأنهم راح يقنوعنها تجلس لين تخلص 3 شهور فقالي ودها مكتب التسول على طول وبالفعل اخذتها الى مكتب التسول وهناك تأكدو منها انها ماتبي تشتغل نهائيآ ومن بعدها وقوعها على خطاب برفض العمل وبعدين قالو لي اذا تبغاها تجلس عندنا لازم تجيب لنا خطاب من الشرطه بأنها ماعليها سوابق وبالفعل رحت الشرطه وجبت معي خطاب ورجعت مكتب التسول وسلمتهم اياها هناك وقالو لي سوي لها تأشيره خروج نهائي وكلم المكتب يحجز لها تذكره خلال 5 أيام ومن بعدها رحت الجوازات وسويت لها خروج نهائي مجانآ لأني ما أصدرت لها أقامه ثم توجهت الى المكتب ومعي الخطاب برفض العمل وتأشيره الخروج النهائي المهم راعي المكتب عصب وزعل وقالي كيف توديها مكتب التسول من غير ماتجيبها هنا ونقنعها قلت له ياحبيبي الشغاله رافضه الشغل كيف تبي تقنعها المهم مالك بالطويله راعي المكتب شاف نفسه محصور ومافي فايده عشان الخطاب قالي خلاص بقص لها تذكره ونعوضك بشغاله ثانيه وبالفعل خلال 3 ايام تم تسفير الشغاله ومن ثاني يوم رحت مكتب العمل والعمال وأصدرو لي تأشيره جديده مجانآ ثم وديتها الى نفس المكتب الاستقدام وقدمت من جديد ولله الحمد وصلت شغالتي الجديده خلال شهر ونصف وعلى فكره الشغاله جلست عندي تقريبآ 25 يوم فقط والمكتب طلب مني ادفع لها قيمه الايام اللي جلست فيها المهم ماعطيته ولا ريال الزبده أخوي لايضحكون عليك والله المفروض ما تدفع ولاريال والمكتب يتحمل كل التكاليف ويعوضك بوحده جديده خاصه وانها تحت الظمان خلال 3 شهور الله يوفقك حبيت أفيدك بس |
|
|
والله مشكلتكم نفس مشكلتي لكن انا الي محيرني اذا الشغاله رافضه العمل ليش احنا الي نتكفل بقيمة تذكرتها واذا مالقينا حجز والمكتب حاط يده بمويه بارده ياليت الاخوان يوضحون عشان المكاتب ماتضحك علينا انا سويت مثل ماقلت اخوي ابو فهد وانا الي كنت اطامر وادور حجز وكل ماكلمت المكتب يقول مالنا دخل انتي دبري حجز لها وسفريها لانها مش مسؤليتنا لكن لما لقيت حجز للشغاله قالي ادفعي قيمة 2600قيمة التذكره قلت انا عطيتها راتب وحولته وسويت اقامه كلفتني 500ريال ليش ادفع قيمة التذكره قال هذا النضام قلت له اذا رفضت العمل انا مجبوره اسفرها واذا كملت مدتها بعد مجبوره ادفع تذكرتها ماصارت وانتم وش دوركم والله احس ان المكتب يضحك علي ياليت تدلوني |
|
|
أختي أم نواف دائمآ اذا جاتك شغاله جديده لاتصدري لها أقامه على طول لأنها أول ماتجي عندها في الجواز اقامه مدتها 3 شهور يعني المفروض قبل ماتنهتي 3 شهور بكم يوم تصدري لها اقامه جديده عشان لو رفضت العمل ماتخسري قيمه الاقامه وبنفس الوقت تطلع لك تأشيره جديده ومجانآ من مكتب العمل الحاجه الثانيه ترى والله العظيم انه المكتب المفروض يتحمل كل المصاريف من قيمه التذكره وتعويضك بشغاله جديده غصبآ عليه دام أنها تحت الظمان خلال 3 الشهور بس المشكله بعض اصحاب المكاتب الله لايسامحهم ولايوفقهم يحاول بقدر المستطاع يخلي مسؤليته من المصاريف كلها وأذا قالك هذا النظام أنك تسفرينها على حسابك ترى اقسم بالله أنه كذاب وعلى فكره قيمه التذكره الاندونسيه تقريبآ 1950 ريال فقط في النهايه خلي أخوك أو زوجك يروح المكتب ويأخذ حقه غصبآ عليه أو اذا مانفع يشتكيه الى مكتب العمل والعمال |
|
|
الله يجزاك خير ابو فهد مشكلتي ان كل مارحت المكتب يقولون لي ان المدير مايداوم الا الصبح وكل واحد من الموظفين يقول انا مالي شغل عندك المدير واذا رحت الصبح يقولي انتي عليكي التذاكر ولقينا حجز على الخطوط السعوديه بقيمة 2600ريال الحين المشكله ان الرحله مش اكيده وصاحب المكتب يماطل معي لدرجه بايخه مثله وباقي على انتهاء المده يومين فقط تخيل ودي اعرف فهذي الحاله وش علي اذا مالقيت لها رحله اقلعها فيها صدق مالي تعويض ولا ايش |
|
|
هالحين الشغالة تعتبر في استلام المكتب رسمي ؟ وهل لو تركتهم ما اعطيتهم وجه حتى يتصلون هم هل عليا مسؤلية وماهو الحل في رأيكم وماهي الاجراءات المتبعة لاني انا متأكد انهم حرضوا الشغالة وافهموها بضرورة البقاء الى ما بعد الثلاثة اشهر ولها حرية التصرف ...........والله قهر
|
مواقع النشر (المفضلة) |
|
|
|