السلام عليكم ورحمة الله. عندي خادمة هندية وبغيت أتنازل عنها رحت لمكتب خدمات عامة قال لي نعطيك مبلغ وقدرة بعد تجربتها مدة اسبوع ومدى صلاحيتها للعمل قلت ما عندك مشكلة المهم دق علي المكتب بعد عشرة ايام من استلامها وقال لي فيه عائلة سعودية تبغاها ونبي منك الجواز والأقامة ويعطيك المبلغ طبعاً رفضت اعطية الأقامة والجواز الا بحضوري للجوازات شخصيا والتأكد من نقل كفالتها اتصل المكتب على الشخص اللي أخذها وقام يماطل بالمبلغ ويقول مع الراتب قلت مافيه مشكلة ونزل الراتب وأعطاني ثلث المبلغ والحين لي شهرين اتصل على المكتب مايرد وطبعاً قبل ما اعطيهم الخادمة أخذت رقم الشخص اللي يبي الخادمة واتصل علية ورد ولما قلت له أني كفيل الخادمة قفل جوالة ولا صار يرد اللى اليوم علماً بأن الجواز والأقامة معي أنا خلاص ماعاد تهمني الفلوس بس ابي اخلي مسؤليتي من الخادمة لا يصير فيها شي وانا المسؤول تكفون دلوني وش اسوي جزاكم الله الجنة.

اناصارت لي نفس حالتك بس بالمقلوب

اخذت خادمه كينيه من مكتب وطبعا طلبت تجربه قبل انقلها ووافق واستلم ١٠٠٠٠ريال
والحين لهاشهرعندي بدون جوازولااقامه والمكتب مايرد وكل يوم اروح القاه مسكر وماعندي رقم لكفيلهاالسابق
ولاادري وش الحل،؟؟؟؟

ننتضر اهل الخبرة يفيدوننا وش الحل

الحل في الشررررررررررررررطة

رحت للشرطة وقدمت بلاغ للمكتب ولاكن بلا جدوى

غلطان المفروظ تخلي مسؤليتك


خلاص اعمل بلاغ واخلي مسؤليتك لو يصير فيها شي انت مبلغ

اذا كان الجواز معك وتريد اخلاء مسؤوليتك اعمل بلاغ هروب للجوازات
بلاغ الهروب مايتكنسل حتى لو رجعت لك الخدامة
لو صارت لها اي مشكلة تكون مخلي مسؤوليتك تماما
بلاغ الهروب اي مكتب خدمات يقدر يقدمه لك وتنتهي مشكلتك
قبل كل شيء حاول ان تسجل محضر في الشرطة بالواقعة وابلغهم انك تريد ان تعمل بلاغ هروب حتى تنتهي مشكلتك نهائيا

الف شكر لك ما قصرت على المشورة الطيبة وفقك الله ولجميع من تفاعل معي

الموضوع سهل جدآ الجواز والاقامة معك
رح للجوازات وبلغ عن المتستر انة اخذ الخادمة بالقوة وعطهم رقم جوالة وعنوان البيت اذا امكن
يطلعون عنة برنت ويعطلون جميع معاملاتة ويدفعونة غرامات مالية كبيرة

يجب ابلاغ الجوازات ضروري باسرع وقت ولا تتساهل

الله ينور عليك بصراحة فكرة ولا اروع

المشاركة الأصلية كتبت بواسطة ببرونز

الموضوع سهل جدآ الجواز والاقامة معك
رح للجوازات وبلغ عن المتستر انة اخذ الخادمة بالقوة وعطهم رقم جوالة وعنوان البيت اذا امكن
يطلعون عنة برنت ويعطلون جميع معاملاتة ويدفعونة غرامات مالية كبيرة

يجب ابلاغ الجوازات ضروري باسرع وقت ولا تتساهل

مع هالرأي واحذر تظلمها ببلاغ هروب

المخطئ اللي أخذها هو اللي يتحمل

برقم المكتب الي اخذها منك يطلعون كل معلوماته من مكتب العقار الي اجره
شغلتك سهله ان شاء الله ياخوي. انا صار معي سالفه قريبة من سالفتك وبرقم المكتب جابو كل شي ورجعوا فلوسي كاملة. والله جاني لقسم شرطة الروضه يعطيني فلوسي كاملة.
بالتوفيق