 |
 |
 |
 |
 |
 |
 |
|
ملاحظة : الرقم خاص فقط بإعلانات العمالة المنزلية
10-12-2011, 06:43 AM
|
|
|
|
استفسار إلى جمييييع من تعامل معي ،، مع التحيه
استفسار : الكتيررر يريد استلام الخادمه بدوون حفظ اي حق لي فكتبت هذي السطور مع اجمل التحايا لجميع من تشرفت بسماع صوتهم : اذا الشخص كان راح يستلم الخادمه يد بيد من عند باب المنزل (الفيلا ملك طبعا للكفيل) وبتوقيع اقرار استلام على مطبوعات المؤسسه فما رأيكم؟؟!!! لأنه وللأسف الشديييد انا نزلت تنازل خادمه هنا بالمنتدى وكتييير يبغى يجي عند باب البيت وياخذ الشغاله بلااااش والسلام عليكم!!!! والبعض الحقيقه جاء عند الباب مع اني انبه قبل يجون بطريقتي وسياستي بالإستلام؟؟ ولكن بزعم البعض انو راح يقنعني من عند الباب ياخذ الخادمه مجانا!!!! هل يُعقل هذا الجميييع يبغى يحفظ حقه واقروشه وانا مالي حق بحفظ اموالي؟؟!! طبعا انا ايش وثقني ان خادمتي راح ترجع!!!! انا ارد للجميع بكل ادب واقول: لا حبايبي الخادمه انا ماشريتها بلاش عشان اعطيكم بلاشي!!! لكن جميع الضمانات والبصمات موجوده فلماذا الخوف والسكن ملك كمان والحمدلله؟؟؟!!! عموما اللي حاب وتواصل معي بخصوص الخادمه انا مستعده اسلمه اياها بشرط يدفع المبلغ كااامل ويجيب معاه محامي لعند باب البيت، اما انكم تاخذوا الخادمه من باب للطاقه ونصف المبلغ اذا حابين كده عندكم المكاتب كتيييير بالدنيا يعطون خادمات مجانا!!! اتمنى كل من تعامل معي وطلب مني خادمتي يقرأ كلامي، يعني انا ماني مكتب اقفله واشرد(انحاش) ولكن حبيت الناس ياخدوها من عبد البيت لأجل اطمئنان اكتر ولكن لالافائده من البعض!!! وانا مو محتاجه لهاالدرجه يعني الأمر عااادي راحت او ماراحت، واشكر الجميع على اتاحة الفرصه المناسبه لذكر عجايب الدنيا السبع من بعض الناس!!! تحياتي وتقديري، & أم القمرين& |
|
10-12-2011, 07:12 AM
|
|
|
|
معاج حق لو انا اعمل نفس الشي ومو بس انا كل اللي بالمنتدى وكل شخص عنده خادمه بالعالم اول شي اوراق وتنازل وكذا والمبلغ كاااااااااااااااامل الحق حق سواء مليون ريال او نص ريال لييش تزعلون من الحق ؟؟؟ وذا على المبلغ انه مبالغ فيه ابي شخص يقول اخذت خادمه تنازل يعني جااااااهزه مو يستنى شهوووووور بمبلغ بسيط اقسم بالله ما يتعاملون الا من العشرين الف وما فوووووووووق سلام |
|
10-12-2011, 10:09 AM
|
|
|
|
|
|
الرد مع أجمل تحيه،
اقتباس:
يسلم لي راس رباك على الحق عزيزتي، واشكرك على ابداء رايك وتشريفك لصفحتي،، نورتي،، للعلم كلمتني امس طبيبه من جماعتي  حجازيه احم احم  وطلبتني الخدامه واتفاقااات الى النهايه وبعدها قالت لي بكل أدب: ممكن أم عبدالله _بعد إدنك_ أجيب معاي محامي عند الباب يحفظ حقي وحقك؟؟!! وربي رديت عليها بكل فخر واعتزاز ممكن وألف مرحبا ولو حبيتي تجيبي فرقة دوريات أنا كمان مستعده لأن شغلي واااااضح ماعندي لف ولادوران ويارب تكون تقرأ موضوعي وترد وتقول كلمة الحق هل دار الحوار هذا بيني وبينها وتثبت مصداقيتي أم أنا أروي قصة ألف ليلة وليله  عموماً الأخت فاضله جدا ومحترمه واسمها أم أحمد طبيبه بالعسكري،، اتمنى تلقى موضوعي هذا وشرفي بذكر اسمها، وتقوم بالرد والتعليق اتمنى،، وتراي حبيبتي أم بليهان يشهد ربي اني عقّبت على ردك بموضوع تاني ووعدتك بشغاله تنازل 15 ألف طاازجه من البلد قبل أقرأ ردك هذا !!! ولك الحق تعيدين وتشوفي الوقت اذا كان ظاهر ، اخاف بعض الناس يقولوا عني بأني وعدتك بشغاله لأجل مصالح انك تدافعي عني !!! لكن اذا فكروا بعقلهم انت راح تدفعي افلوسك التنازل مش هديه ولاصدقه يارب يعطيني واياك على قدر نوايانا وكل من أحسن الظنّ والباقي اللي يقول يقول بسلامتووووووو تحياتي وتقديري، & أم القمرين & |
|
10-12-2011, 12:36 PM
|
|
|
|
الله يكتب لك الرزق الحلال الطيب المبارك ويرزقنا الشغاله الي نقدر على دفع تنازلها
|
|
10-12-2011, 04:46 PM
|
|
|
|
بسم الله،،،
مرحبا بك أختي دودي ونعم باهل الحجاز اهل بكة وطيبة وجميع الديار وباقي الديار السعودية،،انعم واكرم والله... والله لم اتصل عليك لاني من سكان الخبر، لكن شدني موضوعك المهم جدا ويحتاج الى تفصيل،،،لا الومك ولا الوم الاخرين،،،لكن دعونا نبسطها بامر اكثر سهولة،،، المسالة هي بين كفيل وبين طالب نفل كفالة،،،حسنا،، من وجهة نظري الشخصية،، تحصل هناك تلاعبات وقصص نصب واحتيال من قبل الطرفين، ولا نخلي او نبرئ ساحة احد،،،بالتالي اتفهم وجهة نظر الذين اتوا ويريدون اخذ خادمتك للتجربة لانه يخشون انك تنكرين انك استلمتي درهما ودينارا منهم بل يخشون انك ستبلغين عليهم الشرطة لانهم سرقوا خادمتك او تلاعبوا بها وربما هذا ليس بيتك...او او ...احتمالا كثيرة والله المستعان ويزعمون بقولهم لم لايحصل العكس لم لاهم يقدمون لك تعهد بكل شي تريدينه بدلا من تقديم كامل المبلغ،،،ومن ناحية اخرى اتفهم وجهة نظرك انك تخشين انهم ياخذوها بلا عودة،،وبهذا خسرتي العير والنفير المال والخادمة،،،علما انك ولله الحمد لست بحاجة لشي... الحل: من وجهة نظر شخصية،،المسالة اما تنازل مباشر او تجربة، فلنبدأ بالتنازل المباشر: التنازل المباشر: يأتي الى مبنى الجوازات الكفيل وخادمته بسيارة ومعهم شيك مصدق باسم طالب الاقامة ويااتي أيضا الى نفس المبنى طالب الاقامة سويا بسيارته،،،فلما يعمل الكفيل ورقة تنازل ويختمها من قبل الجوازات يقدمها مع الخادمة الى طالب نقل الكفالة وايضا يقدم طالب نقل الكفالة الشيك المصدق،،،يعني سلم واستلم...من دون كلم او لاتكلم وليه مايرد ووينه؟؟ التجربة: والله صعبة جدا وحلها صعب،،،لكن توجد ثلاث حالات: الاولى يفدم طالب الاقامة تعهد خطي موقع بالاضافة الى صورة بطاقة احواله، ويدفع مقدم ايجارها لمدة يوم،،ويتم التسليم عند بيت طالب النقل الجديد،، الثانية يفدم الكفيل تعهد خطي موقع بالاضافة الى صورة بطاقة احواله، ويدفع طاب نقل الاقامة كامل المبلغ الى الكفيل بشيك مصدق،،ويتم التسليم عند بيت الكفيل الثالثة: أو يتم التسليم والاستلام عن طريق مكتب معتمد وموثوق به،،،يعني شيك مصدق والخادمة...حتى لايتهم احد من الطرفين وربما هو الارجح عموما مسالة التجربة صعبة وواضح ان الناس تخشى الان ينصب عليهم ولا الومهم وربي،،،واللي انلدغ من الحية يخاف من الحبل والله المستعان |
|
10-14-2011, 02:35 PM
|
|
|
|
|
|
الرد مع التحيه،
اقتباس:
اللهم آميين ولك بالمثل وزياده،، واشكرك اختي على الدعوات الطيبه، كلنا نتمنى سعر مناسب للتنازل، ولكن يبقى السؤال الآن الجنسيات لماذا توحدت بالسعر؟؟؟ يعني هل تقارن اندونيسيه او فلبينيه مسلمه بنيباليه بوذيه او هنديه هندوسيه؟؟!! شي بصراحه استغربه ودايم يدور بمخيلتي!! حاجه تانيه: الكتييير يعرف ان استقدام الخادمات توقف من كثيير ان لم نقل جمييع الدول المصرح بها!!! واصبح سعر الإستقدام لايقل عن 12 الف ريال بدووون التأشيره لجميع الدول!! واللي يقول لك او لغيرك بأقل من هذا فهو اما : 1/ كذاب أشرّ 2 / ممكن تجلسين سنه او سنتين تصارعي الموت ولسه خادمتك ماوصلت لأن الشخص راح يستقدمها على مهله عبال يستثمر بالمبلغ اللي استفاده من الف عميل!!! والغريب والعجيب: انو اذا جبتي خادمه بإسمك بمبلغ لايقل عن 15 الف استقدام فقط ورسوم+1000 الى 1500 فحص واقامه واستلام من مطار وانتظااار ومشاوير واتصالات وو ووو!! وجبتها اتنازل عنها بدووون اي سبب!! قد يكون شغل استثمار او بزنس متل اصحاب المكاتب اللي يقطعوا اقلوب الناس على 10 الف وبالموووت توصل الخادمه!!! وبالنهايه يتهموك جهلة الخلق بأنك ظالمه - طماعه- متاجره بالبشر- مالك حرااام( عاد الجرأه بالفتوى هذي حاجه والسب والشتم حاجه تانيه) !!! يعني يقارن نفسو يستلم خادمه بلا عيوب ومجربها بنفسو بخادمه راح تجيه بشق الأنفس وصفاتها بعلم الغيب!! سبحان الله احنا تنقصنا الثقافه ووزن الأمور بموازينها الصحيحه بالعربي: لو جبت خادمه ولتكن كلفتني اكتر من 15 الف لأن مثال الكتيير يعرف باكستان مش مسموح تأشيره لضعاف الناس الا بالرشوه للمدير او الوزير، فأضطر اطلعها بدفع قيمه لاتقل عن 7 الف من غيييير رسوم التأشيره للمعقب!!! ايش بقى لي من فايده؟؟؟؟!!!! واذا جيت اتنازل عنها مثلا ب18 او 20 ايش صار؟؟!!! هل جاتني بلالالاشي او بالراااحه؟؟!! يكفي اتصالات شبه يوميه على الوكيل اذا خارج المملكه ماراح يكون اقل من الف الفين سداد الفاتوره وحسب مماطلة المكتب سنه او اكتر او اقل !!! انا ماكتبت هنا للتبرير ولكن للإيضاح وتبيين ماكان مشكله عند البعض اللي يحبو ياكلوا راحة الناس بالباطل!!! عموما انا اشكر لك مرورك اختي الفاضله ولوكان سعر الإستقدام ومدته مريييحه كان ماراح نلاقي اسعار التنازل بالخياااال!!! ولكن (((بعض))) البطانه الفاسده من الوزراء والمدراء والمسؤولين لايراعي حق الله في الأمانه الملاقاة على عاتقه فيلجأ الى منع انجاز بعض المعاملات كي يستغل الناس ويضطرهم ليستخرجوها بدفع اموال ( رشوه) وياكلها بالحرااام!!! ونسي ان الله مطلع عليه،، هذي هي بعض الحقائق والتي احببت ان يطلع عليها الجميع، وقد تخفى على الكتييير ويطلق عليها البعض بإسم (((وااااسطه))) تحياتي وتقديري & أم القمرين & ,,,,,,,,,, |
|
10-14-2011, 02:52 PM
|
|
|
|
|
|
الرد مع أجمل تحيه،
اقتباس:
حياك ربي وبياك اخي واستاذي الفاضل ابو فارس،
بل وانعم بك وبمن رباك على هذا الخلق، في الحقيقه شرفني مرورك وسردك للحقائق واشكرك على طرح الحلول وايضاح الإشكاليه للطرفين، وانا اتمنى واتشرف بالتعامل مع من هم من شخصياتكم _ كرام الناس اخلاقا وتواضعا_ احسبكم كذلك والله هو حسبي وحسبكم، انت لو تسأل كل من تعامل معي وكان (( جااااااد )) قبل اقوله يتفضل البيت اطلب منه الإسم رباعي + رقم الهويه، والسبب؟؟!! حتى اقوم بتجهيز خطاب اقرار استلام مبلغ التنازل ((مع البصمه وليس التوقيع)) وشغلي كله على مطبوعات المؤسسه الرسميه + تنازل مصدق من الغرفه التجاريه رسميا ( يعني شغل واااضح ) وقبل يستلم مني الشخص سواء رجل او امرأه اقوم بإطلاعه على ورقة الإقرار بالبصمه بدون استلامها طبعا، وبعد مايحول لي المبلغ اسلمه الخادمه مباااشره من عند الباب، وازيدك من الشعر بيت اقولهم اللي حاب يجيب معه محامي او شيك مصدق ماااعندي مااانع!!! ولكن البعض لايفقه كثيراً مما اقول وان كان يفقه فهو يريد اخذ مالي بوجه غير شرعي وهو استلام خادمتي بلّوشي ودفع ايام التجربه فقط!!! يعني اصبحت انا حراميه وهم ثقات الناس !!! فهل هذا يُعقل؟!! وبرأيك هل ترى ضمانات اكتر من هذي؟؟!! والبعض وللأسف الشديد يقولي تعالي نوقع عند مكتب؟؟؟!!!! طيب هل يصعب علي ان اوقع لكم عند مكتب غير نظامي واشرد انا وهو بفلوسكم؟؟؟!!! غريب والله امر بعض الناس يشتكي ويبكي ويدعي وينووح على سرقة المكاتب له ويأتي ليقول لي تعالي نوقع عند مكتب!!!! اي غفلة واستخفاف نعيشه ؟؟!!! سبحان الله صدق من قال أهل العقول في راااحه!! عموما استاذي الكريم : لي الشرف بالرد وبكل احترام على ماسطرته اناملك المباركه وتقبل خالص شكري ودعواتي الصادقه بظهر الغيب، تحياتي وتقديري & أم القمرين & ,,,,,,,,,, |
|
10-15-2011, 09:29 AM
|
|
|
|
|
|
اقتباس:
جزاك الله خيرا أختي ام القمرين على حسن الاسلوب ورقي التعامل بالرد،،
أظن كما أسلفت من ناحية التجربة ان يكون الاستلام والتسليم من مكتب معتمد وموثوق به،، عموما أسعدني ردك الذي يدل على رقيك، ومهما اختلفنا بالراي لكن يظل الاحترام سائدا وهو سيد الموقف شكرا اختي ودمتي ودام الجميع بحب ابو فارس |
| مواقع النشر (المفضلة) |
|
|
|
العرض العادي
