ام صالح مع احترام لوجهة نظرك اللي مافيها عقلانيه
ترضين بنتك تشتغل عند الناس خدامه معقوله تهون عليك وماتخافين عليها
فاللي ماترضينه لنفسك لاترضينه لغيرك
وتقبلي ودي
ام راكان....

انا ارى انه في هذا المكان بامكان اي عضو ان يسب الاخر ويتلفظ عليه باقذر العبارات والاداره والمراقبين نايمين في العسل وكانها حرية الكلمه الخارجه عن الادب والحياء مسموحة ومباركه!!!!!

سبحان الله العظيم وبحمده عدد خلقه وزنة عرشه ورضى نفسه ومداد كلماته

الاخ الزيادي اعتقد ان كل واحد المفروض يكون حسيب ع نفسه وع كلامه
الاداره مابتجلس تعلم الناس الادب
ام راكان

جزاكم الله خير وعافانا واياكم من الامراض العضويه والنفسيه

يااخوان خلو تفكيرنا ابعد من طرف الانف
كل من جاء قال اختك ولا بنتك ياخوان انا من المبدايه قلت ناس محتاجه جدا جدا تمتهن هذي المهنه والله مافيها عيب ولا حرام دامها محترمه نفسها ومتستره بعد وتعمل عند من تضمن منهم الاحترام والكرامه
وتاخذ اتعابها بالكامل وزياده
والله انا اتمنى القى من تساعد ام عيالي في بيتها وصغارها ولها ان تشرط تخرج من البيت قبل رجعتي من الدوام او قبل حلول المساء ومستعد ادفع المبلغ الي ذكرتي يااخت توكلنا على الله لانها فعلا تستحق يكفي انها منا وفينا.... ووالله ان ام العيال تعاملت مع وحده بالجوال وعند اول زياره لها للبيت فتح لها الولد قالت له ماادخل الا اذا جبت لي حرمه وفعلا دخل لامه وناداها وتفهمنا تصرفها هذا واكبرناه حفاضا على نفسها

واحب اشكر شكر خاص للاداره على سرعة التدخل والتعامل وحذف الردود المشينه للبعض

الله ييسر للجميع

الشغل ماهو عيب وخاصه لو جاءت من الصباح واشتغلت ومشت على العشاء لبيتها تنام عند عيالها

مافيها شي

زمان اذكر كانو يقولو ان قبيلتنا لهم ناس بسطاء من السمر تشتغل مع راعية البيت وتنام عند اهلها

وكانو امينات وفيه بعد لا اهل البيت وطيبات وكانو يعاملونهم مثل خواتهم ولهم كل الاحترام والكرامه ياكلون سواء واذا فيه نوم نامو سوا بعد

بس الحين ماعد فيه الناس تغيرت وصارت النظره غير على ان بعضهم مازلت محتاجه الله يرزقهم يارب


على الاقل احسن من ها لاجانب حسبي على بعضهم اكلونا وابتلونا في انفسنا


وكان ودي كل مسؤال في السعوديه اغنى دوله يحاسب نفسه قبل ما يوقف عند ملك الخصوم

والله المستعان بس

والله الموضوع ما فيه اى عيب اذا فيه وحده محتاجة ولا عندها من يعولها احسن لها وحفظا لكرامتها ان تشتغل

بس مو معناه ان تدخل اى بيت وتشتغل فيه انا مو اعتراضى ان تشتغل عاملة ان اعتراضى ان تكون هناك جهة

مسؤولة تدرس احتياجات هذه السيدة السعودية وتتعاون معها لسد احتياجاتها ولا تجعلها عرضة لكلاب الشوارع
تتعرض لها لا من قريب ولا بعيد!!!!

الى كل من اعترض على عمل السعودية خادمة او عاملة منزل صدقونى الكثير منهم يتمنون هذه الوظيفة اللى انتم

تعترضون عليها لانها محتاجة ولا احد يعلم بها غير الله وترى الجوع كافر والحاجة عذاب

مثل الشغالات مو كلهم سيئين فيهم اللى تخاف الله والاما كانوااتركوا اعيالهم وأهلهم الا بسبب الحاجة

هى صحيح صعبة ان تكون سعودية شغالة بس الحاجة مرة ولا يعرفها الا اللى يعيشها وأللى يعرف محتاج يساعده

لكن اللى مايعرفهم وفيهم اللى مايشتكون ولا يبون احد يعطيهم او يحسن عليهم ولا يشتكون الا لله ويحبون يحصلون القرش

من تعبهم فليش ما يشتغلون

اهم حاجة البيت المحترم وهذا اهم من الفلوس وانا اعتقد انه صعب ولا يوجد الا قلة وخاصة إحنا فى زمن لا أخلاق

ولا ذمة ولا ضمير ليس الكل ولكن الأغلبية

والله يفرج حاجة كل محتاج ومحتاجة وييسر امور الجميع

((((وانما الاعمال بالنيات))))

واتمنى مااحد يزعل من رأىى وسلامتكم

حسبي الله ونعم الوكيل حسبي الله ونعم الوكيل

المقال ما فيه شي يخل بأدب ولكن .. مقهور أن هذا البلد بخير الله يديمه ويزيد ويحفظه من الزوال .. وفي ناس محتاجه

صاحب الموضوع

ادعوا الله بأيدي مرفوعه ان يجزيك اضعاف مافي نيتك

الف الف شكر لكل من شارك وابداء رائيه بكل وضوح ورقي واحترام للرائي الاخر
ووالله اني افضل بنت بلدي تكون بين صغاري ومحارمي ولا الاجنبيات الي لانعرف لهم دين ولا ذمه
وياريت نطرح افكار واقتراحات للاتفاق بين الطرفين لحماية حقوق جميع الاطراف
وجزاكم الله خير

الاخت ام راكان اسال الله لي ولك وللجميع التوفيق والسداد والاخلاص في القول والعمل.

انا كنت احب ان يتدخل احد من الاداره لحذف بعض الردود الخارجة عن ادب النقاش والحوار لان بعض الناس مباشرة دخل في النوايا وجعل ان للرجل مارب اخرى وهذا من معوقات الحوار،، الاخ صاحب الموضوع طرح فكره وهذا من حقه طرح مايراه ولا حجر عليه من احد،، هذا لا يعني اني اوافق الاخ في فكرته لكن ارى انه من الادب احترام وجهات النظر المغايره.

نعم على الاداره ان تعلم الناس اداب المجالس اذا كان هناك من يسيء الادب في الحوار لانها فتحت هذا الموقع وعندها استطاعة لحماية حقوق جميع الاعضاء والمحافظة عليهم وعلى حرياتهم.


شكرا اختي ام راكان والشكر موصول للجميع.


الزيادي

موضوع رائع جدًا وجدير بالمناقشة على طاولة الحوار ...
سبحان الله قبل فتره وانا ادور شغاله إجار شهر لوحدة من الجيران كانت والد بعمليه ... ولقيت شغالات اندنوسيات وسيرلانكيات ونيباليات بأسعار باهضه جدًا ..من ال٣٠٠٠ ريال وفوق وجارتي ميزانيتها ماتسمح بأكثر من ٢٠٠٠ ريال طبعآ ... وبعد البحث المستمر لقيت وحده تعرف وحده سعوديه زوجها مسجون وتعيل أطفال صغار تشتغل في البيوت ب١٠٠٠ريال من الصباح الى العصر وبعدها ترجع لعيالها ... والله العظيم يوم سمعت بقصتها وبالذات إنها سعوديه وفي بلد البترول إن دمعتي نزلت ..وماصدقت الين كلمتها بنفسي والحين هي عند جارتي لها إسبوعين ... أنا والله العظيم إني ما أشين العمل في البيوت كخادمه بالعكس تأكل من عرق جبينها افضل من الشحاته عند إشارات المرور أوالعمل في شيء لايرضي الله ... وأسأل الله عز واجل ان يوسع عليها رزقها ويبارك لها في نفسها وعيالها ...لكن مسمى خادمه سعوديه في بلد تعتبر من الدول الغنيه في العالم هذا ما ألم فؤادي ... وأتساءل أليس لها ولإبنائها حق في هذا البلد وأن تنعم بخيراته ... ولكن للأسف لاعين ترى ولا أذن تسمع لمأسي أبناء هذا البلد الكريم ... *