السلام عليكم ورحمه الله

قررت اتكلم لكم عن تجربتي الفاشلة مع مكتب الوسيط المثالي بجدة انواع المماطلة ابي اطلع فيزا مغربية المهم وارسل التوكيل واتصل وكل يوم اليوم وبكره والاسبوع الجاي بالاخير يقول لي المعقب راح وخلانا ارسل توكيل ثاني المهم ورسلت وقال الرجال يقول الاحد وهي عندك المهم واستنا ويقول لي مدام انتي عارفه المعقبين كيف مايردون على الناس ويسووون لنا مشاكل مع الناس قلت له مفروض تتعاملون مع معقب كويس مويروح ويخليكم وليه من اول ماقلت لي اسوي لهذا توكيل طبعا مارد قال اوك اسف مدام قلت طيب وجا الاحد والاثنين والثلاثاء اتصلت عليه قلت له رجع لي اوراقي قال لي والله المعقب فشلني معك ورحت له البيت لقيته نايم واصلا هو يقدر يطلعها وهو واقف قلت طول ماانه بالسهولة هذي ليه ماخلصني من زمان من ذو القعده تخيلو حامت كبدي وطفشت المهم قال خذت الاوراق وخلاص ماراح نتعامل معه ارسلي توكيل بااسم فلان الفلان احنا عند كل معقبه مختص بجنسية معينه المهم الي لاحظته ان التوكيلين الي سويتهم كل واحد اسمه غير ولما طلب من اسوي توكيل لواحد ثالث بعد مااخذ من المعقب الاوراق رسل لي رساله فيها اسم المعقب طبعا طنشه وقلت له ماعاد ابي منك شي انا اسف مدام ولاتزعلين وماادري ايش كويس اني ماعطيت خالتي رقمه تتعامل معه كان فشلني معها نصابين وكذابين مايقولون مانقدر لا يقولك اقدر ويماطل ومره يرد ومره لا هو لسا بيروح يدور احد يطلعها له لكن هذي مشكلة الي يحط اجانب بمكتبة كذابين ويبون يستفيدون طبعا ياليت السعودي يتفضا ويقابل مكتبه احسن وافضل حبيت انقل لكم تجربتي حرفيا بدون اي اضافه وربي شاهد علي جنسية ثانية يعني فلبين او سيرلنكا والله ماجربت استقدم بس استخراج الفيزا سوا لي كذا كيف اجل لو بقدم سواق والا شغالة

جزيت خيرا على التوضيح

نعم وعود كاذبه وتتصل عليم ما يردون عليك .... حسبنا الله ونعم الوكيل