السلام عليكم

اخواني ابي منكم مساعده من ذوي الخبره

انا اريد ان اذهب للهند سياحه واستقدام
لان امي محتاجه الى خادمه وجدي ايضا يعني بجيب شغالتين
قلت اروح انا هناك احسن بنفسي اشوف
السوال هنا اين توجد المكاتب الاستقدام المعتمدة لدى السفارة السعودية في الهند

لان ابي استقدم شغالتين نباليات ويقولون تجي عن طريق الهند صح الكلام ولا
تكفون ساعدوني والله هم في حاجتها حيييل ولاتقولون من مكتب اخذها انا كدا كذا رايح

افيدوني انتظر

هلا فيك اخوي ابو حمد

والله اذا بتروح علشان تجيب خادمات نصيحه لا تروح بس دامك تقول سياحه ماهنا خلاف حج وحاجه لعل الله يوفقك ان شاءالله

اول شي يابعدي خذ التأشيرات وأخذ الوالدة وجدك الله يحفظهم لكم لكتابة عدل وخلهم يسوون لك وكالات

وبعده خذ التأشيرة والوكاله وصور بطاقاتهم معك وأول ماتوصل للهند توجه لسفاره وأخذ اسماء وأرقام المكاتب المعتمدة من قبل السفارة السعوديه ومر على المكاتب

نصيحة مني وخلها بين اعيونك انتبه

اذا اخترت خادمتك وتفقت مع المكتب على انه ينهي الإجراءات لا تدفع له اي مبلغ الا بعد التفييز شف يابعدي
على سبيل المثال لو قالك المكتب سعر الخدمه ٢٠٠٠ دولار انت قل ماعندي مشكله بس بشرط ان المبلغ ما ادفعه الا بعد التفييز واذا شفته رفض وقال لا قوله شوف انا اتفاقي معك ٢٠٠٠ دولار والاكن راح أعطيك ٢٢٠٠ دولار والاكن بعد التفييز واذا وافق زين على زين واذا ماوافق اعرف انه راح يمرمط فيك في التاخير

ونصيحه ثانيه تراك ما راح تحصل خادمات الا لين ترخي لهم الريال ادفع وجب بس على المضمون
وانتبه تراهم بيقولون لك رح للسعودية وراح نرسلها لك تراك ان جيت وماجبتها معك الله يخلف ابه تجي وابه ماتجي
بس قولهم ماراح أسافر الا واهي معي

واعذرني يابعدي على صياغة الرد تقول جالس قدامي وعلى شبة نار وأعلمك بعلومهم

الله يوفقك ويسهل أمرك يابعدي

واذا بغيت شي راسلني على الخاص والاتنساني من دعواتك

تحيتي

جزاك الله خير ياخوي ماقصرت بيض الله وجهك