 |
 |
 |
 |
 |
 |
 |
ملاحظة : الرقم خاص فقط بإعلانات العمالة المنزلية
07-21-2011, 08:38 AM
|
|
|
|
تأجير الخدم وبسعر يرضي الله
تأجير الخدم وبسعر يرضي الله حسبي الله ونعم الوكيل على كل من يستغل ظروف الناس وحاجتهم حسبي الله على كل واحد غرته فلوس الدنيا ونسى إنه محاسب عند رب العباد حسبي الله على كل واحد نادى على الجشع والطمع والاستغلال والامكار في بيع أو تأجير الخدم خافوا الله مقبلين على شهر رمضان شهر المغفرة والتوبه والعتق من النار الواحد يحتسب الأجر ويخاف من الله غرتكم الدنيا وملذاتها حسبي الله ونعم الوكيل حسبي الله ونعم الوكيل فيه ناس تعبانه وناس محتاجه وناس الدنيا حدتها على الخدم لكن لاحول ولا قوه صار الأجار ب 4000 في رمضان ما بقلوبكم رحمة واللي يبيعون ب 18 و فوق لهالدرجة وصل فيكم الجشع والطمع والمشكلة الاغلب خادمات هاربات مالهن اقامه وإلا لها اقامه بس بلاويها خلت أهلها يعافونها تعيشون في ملذات الدنيا ونسيتوا اليوم الموعود اللي راح يتحاسب الواحد على كل صغيرة وكبيرة سواها بدنياه لا تخلون الدنيا تغركم والفلوس تضعف نفوسكم تراه وسخ الدنيا لا تخلون الشيطان يغريكم الواحد صح يسترزق بس بالمعقول بالشي اللي يرضي ربه ودينه مو يرضي السوق على العموم اسأل الله الهداية للجميع والصلاح والثبات وأسأل الله بأن ينزل على أصحاب الجشع والطمع العذاب والعقاب في الدنيا ليكونوا عبرة وعظة لغيرهم سامحوني إذا أخطيت على أحد بس والله ما كتبت هالكلام إلا بس ما شفت الاستغلال والأنانية والجشع والطمع * |
|
07-21-2011, 08:49 AM
|
|
|
|
الله يهدي ويوفق الجميع الى ماحبه الله ويرضاه وعذرا اختي احب ان اوضح ان سبب الارتفاع هو النظرة القصيره لكثير من العائلات بحيث انهم يعرفون انهم مثلا يحتاجون عامله في رمضان منذ 5 اشهر مثلا ولا يبحثون عنها الا قبل رمضان بيومين لو فكرنا في حل فهو يبدأ من المنزل ومامدى الحاجه للخادمه؟ ليش ما نغير بعض العادات ونجعل رمضان موسم عباده وراحه وليس اكل وبهذا يكون النظام بالعكس في رمضان لا نحتاج الخادمات. اعلم ان هناك البعض لديه ضروف صعبة ويحتاج العامله ولكن الاغلبيه بامكانهم الاستغناء عنها تحياتي |
|
07-21-2011, 09:01 AM
|
|
|
|
معليش أخوي صح الناس لها ظروفها ولكن ما تستغل من أشخاص بس يفكرون بالمال الوحده لما تكون عايشه في بيت و ام زوجها معها وودلاتها برمضان وإخوان زوجها لازم يفطرون عند أمهم اللي بمثل حالة هالانسانه وش تسوي علمني وظروفها ما تسمح تدفع لشغالة ٢٠٠٠ بالشهر فما بالك الان اللي صارت ب ٣٠٠٠ و ٤٠٠٠ والله شي ما يرضي الله الله لا يجعلنا نحتاج لهم ولا يجعل حاجتنا مذلولة بس أحيانا الواحد الظروف تحده إنه يلجأ للخدم * |
|
07-21-2011, 10:36 AM
|
|
|
|
كلااامك صحيح ولكن طمع واستغلال البشر وبيقول لك هذا عرض وطلب الله يرحمنا برحمته |
|
07-21-2011, 12:17 PM
|
|
|
|
جزاك الله خير الناس تذنب من جهتين تستغل حاجة الناس وتستغل حاجة الخادمة حرام والله حرام |
|
07-21-2011, 02:58 PM
|
|
|
|
وحده تجيب شغالة بالساعات ومرة من الايام جابت شغالة ولقت ملابسها كلها مويه وكان وقتها بالشتاء فرحنتها ولبستها وجابت لها دفاية واكلتها من المقسوم ورجعتها لصاحبتها يعني حرام مثل هالخادمه تتعذب وتستغل من ضعفاء نفوس بلا رحمه لهم الله بس يرحم الحال ويحمينا ويحفظنا والله والله والله منقهره من الناس ليش الدنيا غرتهم والجشع غرهم ما يدرو في رب يراقبهم ويحاسبهم * |
|
07-22-2011, 03:59 AM
|
|
|
|
الله يصصصصبرنا ع هالاوضضضاع ..* اللي كل مالها تزيد وتزيد الاسسسعار معها ..* نحصصلها من مقاضي رمضضضان والا ايجاااار الشغاله والا ملااابس العيد والا والا والا .... الله يرزق كل من وسسع لاخوووه المسسسلمه وفرج له همه ..* والله يرد كيد كل من اسستغل الناسس المحتاااجة ويجعله ممثل حاجتهم وضعهم وارداء ..* لي شششهرين وانا ادور بالتنازل ولا احصل والايجاااار ناااار وطااااير ..* تخيلي انا قدمت ع مكتب وجتني ششغالتي عقب 9 شششهور ..* ويوم جت جتني تعبانه وكل يوم وهي مصروووعه ..* ورفض المكتب في البدايه انه يسسفرها يقوول لا ننقل الكفاله ..* وربي خفت انه يبيعووونها ع ناااااس ويدعووون علينا الناااس وحنا مالنا ذنب ..* وخلينها وتحملنا حالتها وكل اسبوعين نوديها مسستشفى ..* واخير قررو يسسفرونها ..* ويجيبون بديله ..* بس اخ يقووولون ينتظرون لين يششوفون وش الاوضاع اما يستبدلونها لنا والا يعطونا نص فلوووسنا  وحنا خلال هالـ 9 شهور كان نجيب ششغاله بالششهر بـ 2700 ..* يعني تخسسسرنا خسسساير كلها علششان شغاله ..*حاجتي للشغاله بس علشان عندي توآم وعمرهم اقل من سنه والوضع معهم صعب ..* وخصوصا رمضضضان جاي ..* مدري متى اسسسوي فطوري ونظف بيتي..* واخوان زوجي بيجووون نص رمضان عندي ..* عز الله مابيضنا الوجه ..* اللي يقهر بالسسسالفه انه اصحاب المكاتب او اصحاب التاجير ..* ياخذوون الششغاله بالاسعاااار الطايره ويتكسسبون من وراهااا وحنا يالللي محتاجين ناكل هواااء ..* هو يرجع راس ماله وزياده ..* الله كريم بسسس .. حبيت افض فض واطلع اللي في قلبي والله يقووومتسس بالسسلامة وتحصلين ششغاله بالايجار وبسسعر محترم ومعقووول ^_^ اللهم اني وكلت امري اليك ..*~ |
|
07-23-2011, 06:15 PM
|
|
|
|
كل عام وانتم بخير معليش ياخواني واخواتي انا ااجر الشغاله 3000 بشهر رمضان يعني كل يوم 100 ريال لانه برمضان يكون في ضغط شغل واخلاق تتحملها الشغاله والايام العاديه ياجرونها ب 50 ريال باليوم يعني مافي مبالغه بسعر 3000 ابد وانا اختكم واللي يبيها زياده ايام العيد 100 عن كل يوم ... اتوقع اسعار معقوله جدا من وجهة نظري ومتكافئة مع سوق العمل |
|
07-23-2011, 06:20 PM
|
|
|
|
صدقتي والله واضيف لكلامك الي يبيعونها ومايقولون وش السبب الحقيقي لبيعهم وياويلهم من دعوة الناس عليهم |
| مواقع النشر (المفضلة) |
|
|
|
العرض العادي
