السلام عليكم ورحمة الله

اخواتي واخواني احذروا من هذا المدعو ابو محمد يسمي نفسه ((كفيل )) و ((استشاري)) بمنتديات العمالة والخادمات
تعاملت معه قريبيتي واخذ شغالتها 4 أيام يأجرها من بيت لبيت يتكسب ورفض الدفع الا بعد مشااااكل
وتعاملت معه ثانية ثالثة ورابعة ورجال ويسحب معهم لحد مايطفشهم

استغفر الله واتوب اليه مدري اشلون مااكتشفه احد لحد الان

ترى الكملمه امانة يخونا وانت ضارب بالاسعار وماكفاك هذا
الكذب خيبه واللي تسويه مايرضي ربي
والدليل كل شخص يكلمك تقول له رد مختلف
مره مكتبك بالرياض ومره مكتبك بعنيزه ومره بالمرييييخ
والله معاد نعرف صدقك من كذبك
الحقيقه يخوان انه مايملك مكتب والشغالات مدسوسات ببيته ويمكن الحين يجيب له غرفه ويطق لوحه ويقول هذا مكتبي
الخلاصه اما تصدق مع الخلق او اعرف اني اببلغ عنك


الموضوع منقول من منتدى خادمات وهذي الردود:

الله يجزااااااااااااااااك خيررر


لاحظت الكثييييييير يحذرووون منه ..



اخـي/ الفاضل


ترددت كثير اكتب هالأسطر لاكن الي اشجعنى موضوعك عن الأخ (كفيل او استشاري او .. الخ



الأخ ابو محمد يحمل كثير من الاسماء ايضاا كثير من ارقام الجوال


كنت حابة اكتب مشكلتي معه لاكني خفت من الظلم


بعدها تشجعت لكتابة مشكلتي وهي


انني في يوم ابحث في بعض المواقع عن خادمة للتنازل فوقع نظري على عرض للاخ ابو محمد


فما ترددت بالإتصال عليه .. فقال اعطيكم رقم صاحبة الخادمة تتفاهمون معها لاكن اول تحولون لي مبلغ 500 ريال على حسابي.. انا لم امانع فقلت زوجي يتصل ويتفاهم معك


فتركت زوجي يتواصل معه فقال له زوجي اعطنا رقم صاحبة الخادمة وبعد مانتفق معها اعطيك سعيك الي هو الـ 500


فكان يرفض يعطينا الرقم الا بعد تحويل المبلغ


فحاول اقناعه ان يعطينا الرقم فقال.. اوك اعطيكم الرقم لكن سواء اشتريتوها او ما حصل تحولون لي الـ500 فقال زوجي اوك عطنا عطنا الرقم ونتفاهم معها ونعطيك السعي


اخذت الرقم واتصلت على صاحبة الخادمة تفاجأنا انها ما ترد ومرة تعطيني بزي(وحده بتبيع ضروري ترد على الزباين)


رجعت اتصلت على ابو محمد وقلت له الحرمة ماترد علينا ابد قال


خلاص مالي شغل ترد او ماترد لازم تعطوني السعي (500)


قلت له يا اخينا بالله احنا فقط اخذنا منك رقم لاكن ما احد رد لا بخير ولا بشر



والان لمن ابحث عن خادمة من النت واتصل اتفاجأ انه رقم ابو محمد (يستخدم عدة ارقام واسماء ) بعدين يقولي ما احللك لازم تحولون لي الـ 500



بالله شرايكم انتم .... ؟

والله الناس ماهي ناقصة غش وكذب لا بارك الله باللي يستغل ضروف الناس حسبي الله عليهم

حسبي الله عليه ونعم الوكيل

ولايهمك سأقوم بنشر جميع ارقامه واسمه كامل للملايين عندي برنامج يرسل ملايين الايميلات

يجب ان نتعاون على النصح وتحذير الاخوان والاخوات من المفسدين ولا ننسى قرار وزارة الداخلية من الامير نايف الذي اعاد اصدارة قبل يومين عن التزوير والفساد والرشوة والنصب والاحتيال

وما قام به استشاري يدخل ضمن النصب والاحتيال

طيب اخي ليش ماكتبت ارقامه واسمه الاساسي حتى يتم اخذ الحيطه والحذر

ونصيحه محد يدفع الا بعد مايستلم الخادمة بنفسه ولاحتى يدفع عربون الناس بعضها ماتخاف من الله
قبل فتره كانت هنا حرمة بالمنتدى نسيت اسمها تاجر على الناس ويدفعون لها عربون وبعدها تقفل جوالها


كفانا الله شر من اراد بااخيه المسلم شرا

الله لايوفقه ولا يوفق امثاله

طيب وين ارقاامه خلنا نتخذ حذررنا منه حنا ناقصينا من النصب الي جانا الله يكفينا شرهم واذاهم

هلا اخواني الله يجزاكم خير

اسمه ماأعرفه لكن كاتب انه ابو محمد!!!
ومرة يدعي ان مكتبه بعنيزة ومرة بالرياض!!

لكن ربك اراد يفضحه
وفعلا كل مرة تلقون عنده رقم الله يكفينا شره
اهم شئ الحريم نحذرهن منه

إخواني أعضاء المنتدى واخص ذوي العقول الراشدة والنوايا الحسنه

السلام عليكم ورحمة الله وبركاته
اطرح سؤال يبين للجميع من الكذاب الأشر إخواني هل تعرفون هذا الشخص الذي يكتب ويدعي الكذب وتشويه سمعتنا أنا لا اشره على ناقل الكلام لأنه كالذي ينقل أخبار لايعرف محتواها ولكن عتبي على المسؤلين في المنتدى لأنهم لم يوقفو هؤلاء ضعاف النفوس الذين امتلأت قلوبهم بالحقد و,,,,, حتى اصبحو يهاجمون كل ناجح خذ مثلا الأخ فهد الضاحي ذاك الرجل الذي لم اشهد له أنا بل كل من تعامل معه لم نعرف عنه سوى الإخلاص والامانه كل من تعامل مع ابو فيصل يعرف ذلك جيدا وغيره الكثير في هذا الموقع تعرضوا للأبتزازات من اشخاص مجهولين ولله ولله ولله اني متأكد انكم لاتعرفون من كتب عنا ولو ان ذلك الحقير صادق فلماذا يخفي اسمه لكن انا اذكر الجميع بقوله تعالى(ولا تحسبن الله غافلا عن مايعمل الضالمون) وان لم اخذ حقي منه في الدنيا سوف اقتصه منه في الاخره يوم لاينفع مال ولا بنون

الله يكفينا شر من فيه شر وانت يا مدري من انت تواترت الاخبار عن تدليسك من كثير من الذين تعاملوا معك

وانا والله مااعرفك لكن ماقرأته عنك يجعل الواحد يضرب الف حساب للتعامل معك .. هذا اذا احتد الواحد لك .

وحتى لايكون الشخص مفرط بحلاله وحلال اولاده لا بد من اساءة النيه مع النوعية من الناس حتى يثبت العكس.

المشاركة الأصلية كتبت بواسطة استشاري

إخواني أعضاء المنتدى واخص ذوي العقول الراشدة والنوايا الحسنه

السلام عليكم ورحمة الله وبركاته
اطرح سؤال يبين للجميع من الكذاب الأشر إخواني هل تعرفون هذا الشخص الذي يكتب ويدعي الكذب وتشويه سمعتنا أنا لا اشره على ناقل الكلام لأنه كالذي ينقل أخبار لايعرف محتواها ولكن عتبي على المسؤلين في المنتدى لأنهم لم يوقفو هؤلاء ضعاف النفوس الذين امتلأت قلوبهم بالحقد و,,,,, حتى اصبحو يهاجمون كل ناجح خذ مثلا الأخ فهد الضاحي ذاك الرجل الذي لم اشهد له أنا بل كل من تعامل معه لم نعرف عنه سوى الإخلاص والامانه كل من تعامل مع ابو فيصل يعرف ذلك جيدا وغيره الكثير في هذا الموقع تعرضوا للأبتزازات من اشخاص مجهولين ولله ولله ولله اني متأكد انكم لاتعرفون من كتب عنا ولو ان ذلك الحقير صادق فلماذا يخفي اسمه لكن انا اذكر الجميع بقوله تعالى(ولا تحسبن الله غافلا عن مايعمل الضالمون) وان لم اخذ حقي منه في الدنيا سوف اقتصه منه في الاخره يوم لاينفع مال ولا بنون

اهلا وسهلااااا
اظهر وبان وعليك الأمان
غريييييييبة والله الموضوع مكتوب بمنتدى خادمات من اسبوعين ولا تكلت
وش معنا تكلمت هنا وظهرت ؟؟؟؟ مشان رزقك ؟؟
حنا بعد نبي نخاف على رزقنا وناخذ كلمتنا من رجال
اخوي اتق الله في الناس ولو ماعرفتك من اتصالاتي بك بعد ماذكروك لي الاخوان والحريم كان ماشهدات عليك
اللي بذمتي قلته وربي بيحاسبني واذا انا غلطان اذن وش السبب ان كثير من الاعضاء شهدوا عليك؟؟
يعني كلنا نكذب ؟؟
حتى اسمك محد عارفه
واترك عنك فلان وعلان اللي اساسا اسماءهم معرةفة ومايتخفون بعشرين جوال
واللبيب بالاشاره يفهممممم

حتى انا كان يبي ياخذ مني سواق كل يوم يقول بكرى واذا كلمت قلت وينك يقول هاه نسيت ولا خربت السيارة


وكل يوم يقول اليوم بعد المغرب ومايجي . وهو كذاب بس الحمد لله ماتورطنا معه

خلاص مالي شغل ترد او ماترد لازم تعطوني السعي (500)


قلت له يا اخينا بالله احنا فقط اخذنا منك رقم لاكن ما احد رد لا بخير ولا بشر

خير انشالله ليش 500عشان رقم الي عطاكم وانتم مسااستفدتو منه شي باي حق وش حللله له ياخذ هذا المبلغ
وانتي حطي ارقام عشان الناس تتحقق من كلامك

انا اول من حذر منه

من زمان من ٣ شهور قلت نصاااب محد صدقني

ارجعوا لردودي وشوفوا تجربتي معاه

بيزرفني عيني عينك

حولي اول وارسل لك الشغاله خييير يبو

وابوي يقوله انا فلان الفلاني من معي يقول ابو محمد وبس مب لازم تعرفني خخخخخ

طب لفق لك اسم وهمي بلادلاخه

يومك بغيت تنصب شغل مخك هههههه