 |
 |
 |
 |
 |
ملاحظة : الرقم خاص فقط بإعلانات العمالة المنزلية
03-07-2011, 10:22 AM
|
|
|
|
تحذير من مكتب اعمال السلطان للاستقدااااااام
من واقع تجربه مريره نصيحة لوجه الله مكتب اعمال السلطان لديه مشاكل واستقدامهم مو مثل 5 سنوات ماضية والله العظيم استقدمت شغالة وماجاءت الابعد 3 شهور وعلى طول للمستشفى من ثاني يوم وكانت المفأجاة حـــــــــــــــــــــــا مـــــــــــــــــلواسفرها وحتى الآن يماطل بي هالمكتب من 5 شهور واسبوع ولم تصل الشغالة وقابلت رجل كبير بالسن عندهم تكلم بكلام قوي وهو جاي ياخذ فلوس شرط التأخير لانه جلس اكثر من مدة العقد ب 3 شهور وتعامل المكتب سيئ جدآ وكذابين كل يوم نصبة جديدة مره يقولون الجواز في السفارة جاهز ومره يقولون السمسري مقفل جواله ومره يقولون تاخرت الطيارة قسم بالله من كثر الكذب انهم ينسون ايش قالوا لك آخر مره |
|
03-07-2011, 12:40 PM
|
|
|
|
مكتب اعمال السلطان الكل يشهد له بانه اقوى مكاتب المملكه من اللي يستقدمون من النيبال وبما انه حصل موقف معاكم بعاملة منزلية فهو حاله حال اي مكاتب في الازمه الحالية الحاصله في السعوديه الكل يشتكي من المكاتب وسوء استقدامهم 0 والعتب ليس على مكتب اعمال السلطان العتب على الجهات المعنية تعرف كيف يستقدمون العاملة النيبالية يحضرونهن من النيبال الى الهند تهريب ومن ثم يعملون لهن فحص طبي ونجحت ام لم تنجح هذا بطريقه المستوصفات المرخصه من قبل السفاره السعوديه في الهند ومن ثم ان كان معاها هويه وطنية نيبالية يقومون بتسفيرها وان كان ليس معاها بطاقة وطنية نيبالية يسفرونها الى السعودية تهريب فلاتعتب على مكتب اعمال السلطان العتب على الجهات الحكومية الرسمية والمختصه بلجان الاستقدام ونسال الله سبحانه وتعالى ان ييسر امور كل مسلم في كل بقاع الارض يارب |
|
03-07-2011, 12:42 PM
|
|
|
|
وايضا احببت ان اقول لك بما انك مسجل بنك نيم قانوني تخيل وارجو افادتي منك لو تمت طباعه هذه الصفحه وتم تقديمها الى الشرطه للتشهير وتم سحب صاحب الموقع الى الشرطه ومن ثم تم تحويل القضيه الى هيئه تقنية الاتصالات والمعلومات ومن ثم الى ديوان المظالم وتم حجب الموقع وتم باسترداد ومعاقبة الشخص اللي سمح لك بتشهير بهذا المكتب هل تتوقع انه ليس له اي حق0 وجه نظر فقط |
|
03-07-2011, 01:25 PM
|
|
|
|
عقود السفاره شوي شوي لاينبط فيك عرق ونبلش فيك كان اولى بك الرد والاعتذار بدون التهديد والوعيد الذي لاينفع مع الناس وعلى قولة المثل اعلى مافيه خيلكم اركبوه .. وبعدين من باب اولى ان تخافون قبل النصب على الناس من الجهات الحكوميه التي تهدد الناس بها صدق المثل اللي يقول اللي اختشوا ماتوا اثارني اسلوبك وردك على الاخ قانوني الاخ قانوني واصل في فضح النصابين والمتحايلين على المسلمين من اصحاب المكاتب والله يبلهم بما يشغلهم عن اذيت المسلمين |
|
03-07-2011, 05:49 PM
|
|
|
|
|
|
اقتباس:
شوي شوي على عمرك انت وش دخلك ولا انت منهم قانوني قال اللي صار له واللي شاف ومو غريب على المكاتب الحين المماطله والكذب 00صحيح اللي يده بالماء غير اللي يده بالنار 00الرجال خسر فلوسه ووقته والله العالم بظروفه وانت تقول تشهير0000اللي مو قد الشغله لايفتح مكتب ويمرض الناس اخوي قانوني الله يسهل امرك يارب |
|
03-12-2011, 07:04 AM
|
|
|
|
|
|
اقتباس:
يااخوان بالعقل والمنطق
انتم ذكرتوا بأنه من احسن المكاتب بالرياض وبالعقل والمنطق الرجال ماراح يجيب خادمه حامل واهو بيعرف بأنه بيصير من وراها مشاكل يعني اكيد الرجال ماعنده نيه سيئه يمكن الرجال انظلم زيكم لان الكشوفات الطبيه في الدول المصدره للعماله يصير فيها تزوير كلها كم قرش يدفعه المكتب الخارجي للمستشفى ويمشي الفحص سليم والحين وضع الاستقدام مو زي اول الحين صاير شح كثير فالخدم ومشاكل كثيره اول المكاتب الخارجيه تشتغل بكل امانه ومن غير لف ودوران بس الحين فيه مكاتب نصابه وسماسره نصابين والضحيه المكتب او المستقدم السعودي لانه انصب عليه هناك وهنا مستحيل احد يعطيه العذر لانه غير مصدق اوكي ان فيه هنا مكاتب وافراد نصابه وكثيره بعد بس هناك مكاتب وسماسره نصابين اكثر انا والله مااعرف صاحب هذا المكتب ولا قلت هالكلام دفاعاً عنه بس تكلمت بالعقل والمنطق لانكم ذكرتو بأنه من افضل المكاتب بالرياض ومن شب على شي شاب عليه الوقت الحالي هذا لا تستغربون تأخير ابد مع هالاوضاع المتأزمه المشكله انكم تسمعون من جميع المكاتب ومن جميع الافراد المستقدمين عن اوضاع الاستقدام ومشاكله حالياً بس مااحد يقتنع او يقدر هالشيء وتأكدوا من أكل اموال الناس بغير وجه حق ماراح تدوم عليه نعمته وراح يلقاها في ماله وفي عياله لان فوقه رب شديد الحساب اسأل الله لي ولكم كل التوفيق والهدايه وعسى الله يسهل اموركم جميعاً |
|
03-12-2011, 08:28 AM
|
|
|
|
حسبي الله على اللي يدير الموقع هذا والنصابين اللي فيه اختي الكريمة: الموقع ليس له علاقة بالمستقدمين نرجو قراءة اتفاقية الاستخدام http://www.amalh.net/siteagreement.htm |
|
04-24-2011, 12:08 AM
|
|
|
|
|
|
اقتباس:
ياعقود السفاره هل تعلم انك غلطان وبقوه بعد وماتعرف ترد اصلاً نحن نعلم انك صاحب مكتب اعمال السلطان ولكن كيف وصفت مكتبك انه اقوى مكتب في المملكه اجل وين راح مكتب رئيس لجنة الاستقدام مكتب البداح ووين راح مكتب اعمال الشريك والسفير والحازمي والي لهم قد عمرك وهم يشتغلون بالسوق. وبعدين انت تتكلم عن الامور القانونيه كيف تتكلم عن الامورالقانونيه وانت تستقدم من النيبال بطريقه التهريب وين القانون منها ياباشا زمانك لا وتعلم بطريقت التهريب من النيبال للهند وبعدين للسعوديه وبعدين ليه دخلت الشغالات النيباليات في الموضوع الرجال (القانوني )ماحدد جنسية شغالته اقرأ مشاركته ثانيه وبعدين انت تقول تشهير وماتشهير الاولى تدري ان الصح انك تتصل بالرجال وتتفاوض معه وتوصلون الى حل ولو تعوضه ماديا ولا ليه حطو غرامة تاخير ليه يوم نسافر وحنا حاجزين في فندق ويتأخرون ساعه ولاساعنين عن تسليمنا للغرفه يعوضونا ليله في سويت ((التجاره فن وعلاقات ومكسب للزبون ماتشوف قناة العربيه الشركات الي تسوي عندهم دعايه كم يأخدون منهم مقابل الدعايه ليه ماتخلي عملائك دعايه واعلان لك بدل ماتتهجم عليهم )) |
|
04-24-2011, 01:05 AM
|
|
|
|
الله يصبـــرك ياأخي ويعوض عليك...وأنت ياعقود السفاره شوي شوي على روحك وعلى الرجال عمرك ماراح تحس بمصيبة غيرك مادامك صاحب مكتب مايهمك إلا استلام فلوسك والزباين بالطقاق اللي يطقهم أهم شئ حقك عندك وهم يحترقون همّ وانتظار لا وفوق هــذا تجي المسكين حامل ماقول إلا الله يعين المسكين على مصيبته ويعوض له خير منها ويقتص لكل متضرر من النصابين والطماعين اللي يوم عن يوم يزيدون.
|
| مواقع النشر (المفضلة) |
|
|
|
العرض العادي
