العمالة المنزلية, خادمات

01-09-2010, 06:45 PM

السلام عليكم ورحمة الله وبركاته
أعزائي اصحاب هذا المنتدى الرائع ..
استشيركم بأمر عجز عقلي عن تصديقه ... وضاقت بي الدروب
مشكلتي ... استقدمت شغالة اندونسية منذ خمس شهور ... وانا من المنطقة الشرقية .. عملت لدي ثلاث شهور .. وبعدها هربت وبلغت الشرطة ومكتب التسول بالدمام ... بعد شهرين اتصل علي مكتب التسول بأنهم وجدوا الشغالة طبعا راحت لجدة ورجعت .. جيت بأخذها علشان أسفرها .. رفضت المجي معي ..
وابلغني مكتب التسول أنه لابد أن أدفع لها خمس رواتب واجيب لها تذكرة السفر من حسابي مالي دخل في رواتبها..وهم يتكفلون بترحيلها
السؤال .. هل من المعقول أدفع لها راتبين ماكانت عندي كانت هربانه لمدينة جدة ..
وادفع التذكرة والإقامة من عندي من غير ما أخصم لها اي شيء ..
يعني راح علي فلوس التقديم ، والإقامة ، والرواتب ...
يعني لوكانت مثلا .. هربانه سنة كاملة .. أدفع لها رواتب سنة كاملة ؟
مع العلم أنه أقرأفي المنتدى انه من حقي في حال رفضها للعمل أمسك عليها خمس رواتب .. يا ناس ما أبغى منها شيئ .. بس تدفع قيمة التذكرة والإقامة من رواتبها .. والمدة اللي كانت فيه هربانه اخليت مسؤليتي بالتبليغ .. يعني هي ما خسرت ولاشيئ رواتبها ماشية حتى لو ماكانت عندي والتذكرة تجيها باردة مبردة..
الرجاء اللي عنده رد واضح .. ممكن أحاجج فيه مكتب التسول لا يقصر معي
وإذا فعلا هذه هي الأنظمة فما أقول إلا حسبنا الله ونعم الوكيل
وكذلك .. سمعت أنه إذا تأخرت إجراءت الشغالة عندهم وما أستلمتها يحرمونك من التقديم لمدة خمس سنين... اغيثوني

01-24-2010, 04:53 PM

السلام عليكم
انا عندي خبره من الاستقدام مو اقل من 5 سنين
اشتغل في مكتب الوالد
بس حبيت اوضح لك يا اخي مجروح
ان المفروض تمسك اول 3 رواتب للخدامه وتدفعها لها بعد ماتكمل سنتين عندك وتقولك ابي اسافر او اكمل وقتها من حقتها تطلب ال3 شهور المتاخره
بس لو اجلست عندك 3 شهور واهربت
وبعد شهرين لقوها وانت امبلغ عليها من اول ماشردت
مالها اي حق انها تاخذ منك اي حاجه
لان مثل مالها حق بالثلاث شهور من رواتبها
انت لك الحق انها تشتغل عندك سنتين كامله وبدون ماتضايقها من اي ناحيه
وتخاف فيها ربك
بس دامها اهربت حنا بالعاده نحاول نقعنها انها تشتغل وتستمر وتترزق الله
بس دام انها اهربت من البدايه فهذي الخدامه تخوف
فاشتري لها التذكره من رواتبها المتاخره وسفرها ولا تعطيها شئ لان مو من حقها لانها اولا ما اشتغلت سنتين
ثانيا ما اشتغلت الشهرين اللي اهربت فيهم
وعشان ما احط شئ بذمتي اسال اقرب ,,, منك
وعلى فكره ترا انا توني مسجل في المنتدى وحتى مالاحظت متى كان تاريخ موضوعك هل انا تاخرت فيه او ماتاخرت مدري
واسمحلي على الاطاله