السلام عليكم ورحمه الله وبركاتة


انا قدمت بشغالة من شهر عشرة عند مكتب اضواء الشمال بالرياض وللحين ماجت
مع العلم انة قالي شهرين وتجيك الشغالة وبعد سبعة اشهر اتصل علي وقال كملي باقي المبلغ واسبوع والشغالة عندك وللحين ياناس ماجاني شئ
وادق علية ولايرد علي وارسلة ولا يرد مالحل الان
ابي رايكم بالله عليكم

السلام عليكم
اذا المكتب مكتب استقدام فمالك غير تقدمي شكوى عليه في مكتب العمل في الرياض عشان يستدعونه ويحققون معه
واذا كان مكتب خدمات عامة الله يعينك وقتها لاانه مكتب العمل ماله دخل في الموضوع بحكم انه مكتب الخدمات مو مصرح له في الاستقدام وجربي حظك مع الشرطة
المشكلة لازم تروحي للرياض وتقدمي الشكوى لمكتب العمل لاان المكتب في الرياض واذا بتقدمي في القصيم بيرفضون الشكوى بحكم ان المكتب موجود في الرياض ومن اختصاص مكتب عمل الرياض
ممكن لو يتساعد معك مكتب العمل في القصيم انه يستلم شكواك ويرسلها للرياض للرد عليها بس هذي بتضيعين فيها بين المكاتب والمراجعات