اخواني واخواتي الافاضل :-
اولا روووووحوا شوفوا كم موضوع لي في هذا المنتدى وكم شخص راسلته لتنازل وكم تعبت وتعبت وتعبت عشان استقدم اندونوسيه طبعا رافض الجنسيات كلها وقررت بعد تفكير عميق استمر قرابة تسعة اشهر لأني في البداية كان عندي فيزة عاملة منزلية اندونوسيه وراسلتها لكم نصاب وكم مكتب وكم شخص وكل يقول ابجيبها ( بس انتبهوا ياشباب انكم ترسلوها لأي شخص كان لأنه يستقدمها ويسحب عليك) وصارت معاي مرتين قدمتها لمكتب وقال المكتب خلال شهرين وهي عندك ولكن النصاب حاول ان يستقدمها ويبيعها لو ما هو ذكائي القوي (( والله لو اني ذكي كان ماوثقت فيه لكن طيبة قلبي صدقته على طول) المهم لكن سبحان الله الله اراد ان يفضحه وتم تدارك الامور المهم مالكم بالطويله:-
قررت اسافر جاكرتا بتاريخ 02.01.2012 وسافرت من الدمام على ابوظبي ومن ابوظبي على جاكرتا وصلت هناك طبعا قبل ما اسافر تعرفت على مكتب اسمه مالوباولي مثل هالاسم مختص بالاستقدام واتصلت قبلها عليه وكان معاي مرشد سياحي اسمه عبدالفتاح حليم وصلت هناك وكان المكتب متعاون مع ناس في مطار جاكرتا لتمرير الخادمه إلى سنغفاورة ومن ثم إلى الرياض وتمت بحمد الله كلفتني الرحله والاقامه ستة ايام لأني رجعت من جاكرتا 8.01.2012 ما كنت ناوي والله ارجع بس (وناسة) كل هالحركات الرسوميه صارت معي في جاكرتا وسكنت في احلى مكان واستانست ورجعت وكلفني تكلفة اجمالية إلى الدمام 12000 ريال .
يعني لا يضحكون عليكم الي يقول والله انها تكلفني 20000 الف اقسم بالله انه نصاب .
الميزه الحلوه :-
انك تختار خدامتك بعينك وحسب الطلب طبعا كان شرطي ((عدم حمل جوال وتنسى شي اسمه سفر وتنسى اهلها بعد ولديها استعداد تجلس ثلاث سنوات )) قال لها المكتب ها ياسومارتي وافقتي على الشروط قال ايوه بابا قال توكل على الله .

عشان كذا يا حبايبي احذروا من التنازل احذروا من الجوالات احذروا من الي يقولكم اعذار انه مسافر الخارج ولا زوجته كانت وضع الحمل وتبغا تتنازل عتها احذررررروهم وابتعدوا عن الافريقيات بصفه عامه وربي وربكم يفرجها عليكم وادعولي يا حبايبي باني افدتكم بالموضوع وكلها اسبوع منها استقدام ومنها وناسه وملها 12000 الف ريال ولو تمسك على نفسك ممكن تطلع 8000 ريال .انت وشطارتك

وربي يرعاكم جميعا

على فكره يا شباب ما عندي مانع اني اروح معاكم مرافق على حسابك رايح جاي (خبركم صاحبكم صار خبير وعشان تستفيدوا من خبرتي خذوني معاكم بس بلغوني قبلها بفتره )

طيب كيف جبتها وهو موقوف الاستقدام ؟؟؟ كيف فيزولك هيا ؟؟؟

طيب تنازلي عنها خخخخخخخخخخخخخخخ

وللمعلوميه
حبايبي هذا المكتب الي باندونيسيه الي اتفقت معاه اسمه
مكتب اوليا دوتا براتاما ترخيص رقم 502

وهذا موقعهم على النت http://auliaduta.wordpress.com/
وفيه كل التفاصيل

لا تخلوووووون هالاستغلاليين يضحكون علينا وربي يوفقكم واي خدمه انا جاهز وشنطتي جاهزززه لو احد يفكر يروح ياخذني معاه ههههههههه

عندي حل حلو
تنازل عن شغالتك لي و بأعطيك اللي دفعته و فوقهم 2000 بعد
و رح انت تمش مرة ثانية و جيب لك
وش قلت ؟؟؟
تراني جادة و فلوسي جاهزة
انتظر الرد

اخوي
اولا الحمد لله على السلامه ومبروك الخادمة
بس ودي اعرف كيف قبلوها جماعة السفارة السعودية ومكتب العمل الأندونيسي
ممكن تفاصيل اكثر

الله هو العالم

الله يطعمك خيرها ويكفيك شرها

انت ماقصرت بالسرد والنصايح بس شضمنها انك حالك من حال النصابين

الكل كتب مثلك وعمل نفسي نظيف وللاسف حاله حال غيرة *

اخوي سلطان وش رايك تروح على حسابي و تجيب معك 3 شغالات

اتكلم و انا جاد و ظروف العمل تمنعني

قل تم و لا تطمع هههههههههههه

المشاركة الأصلية كتبت بواسطة أحاسيس

الله يطعمك خيرها ويكفيك شرها

انت ماقصرت بالسرد والنصايح بس شضمنها انك حالك من حال النصابين

الكل كتب مثلك وعمل نفسي نظيف وللاسف حاله حال غيرة *

احاسيس
انا لا اجيب لا احد ولا استقدم لأحد مجرد تجربه وضعتها بين ايديكم وحبيت انكم تستفيدون منها لأني عانيت واحس ان في ناس كثيرررررررر في المنتدى مثلي عانوا وكانوا يبغون تجربه جريئه عشان يشوفوا نجاحها وانا توكلت على الله وجربتها والحمد لله نجحت . يعني ما اطلب منك انك تعطيني ولاشي غير دعوه طيبه منك اش دخل النصابين فيها انا ماالومك والله من كثر ما مر علي وعليك نصابين سواء من مستقدمين او متنازلين

انتظر ردك يا سلطان

ونحنا كمان نبغى اذا بتروح يعني جمع كم طلب واطلع بعد اذنك طبعا