في البداية ، أشكر لكم جميعًا تعاونكم ..

عندي سائق خاص له حوالي 6 أشهر و من وقت ما جاء و هو مشاكل ، و آخر مشكله سواها أنه صدم بالسيارة و كلفتني حوالي 15 ألف اصلاحات ، و مع هذا قلت له إنك إذا تعدلت معي ، راح أتحمل هالخساير عنك.

الآن يقول لي أنا ابغى تزود لي بالراتب او اابعمل خروج نهائي .

اكتشفت اليوم ، انه للاسف رايح لمكتب العمل و مشتكيني يبغى خروج نهائي و انه له راتب شهر ما استلمه.

أنا ما أقدر اتحمل وضع بهالشكل ، و حالتي المالية صعبة ، و الرجال هذا نهبني من كل جهة .!!!!

سؤال : كيف ممكن أخرج من هالوضع ، و هل لازم اروح لمكتب العمل بعد رفعه ورقة الدعوى.؟ أو اطنش ! وش ممكن يعمل مكتب العمل؟

أنا ما ابغاه يستغلني و أنا في بلدي و وطني ، و ودي يتأدب بسبب هالطريقة اللي عملها .

هل ممكن أرفع عليه قضية بالمحكمة بسبب الخساير اللي سببها لي بالحادث ، لأن الخطأ كان عليه 100%.

مشكورين على فزعتكم و تعاونكم

بأمكانك رفع قضيه عليه في وزارة العمل ورفع شكوى لهم